যিহোশূয় 1:9 - Chakma Bible

⁹ মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”

যিহোশূয় 1:9 Iomraidhean Croise

পত্থম 28:15

মুই তঅ লগে লগে আগং; তুই যিয়োদোই যেদে সাৎ মুই তরে রোক্ষ্যে গুরিম্‌। এ দেজত্ আরঅ মুই তরে ফিরেই আনিম। মুই তরে যিয়েনি কোইয়োং সিয়েনি পূরোণ ন-গরানা সং মুই তরে ছাড়ি ন-যেম্‌।”

পত্থম 39:2

লগেপ্রভু যোষেফ লগে লগে এলঅ। সেনত্তে তে বেগ্‌ কামানি গমে-ডালে গুরি পাজ্যে। তারে তা মিসরীয় গিরোজ ঘরত্‌ রাগা ওইয়্যে।

পত্থম 39:3

লগেপ্রভু যে তা লগে লগে এলঅ আর তা আদে বেক্‌ কামানি গমে-ডালে গরের্ সিয়েন্‌ তা গিরোজ্‌সো দেগিলো।

২ শমূয়েল 13:28

অবশালোমে তা মানুচ্চুনোরে এ উগুমান দিলো, “চঅ, আংগুরো-রস হেইনে যেক্কে অম্নোনর মনান্‌ বেশ্ হুজি ওই উদিবো সেক্কে মুই তমারে কোম, ‘অম্নোনরে মার,’ আর তুমি তারে মারে ফেলেবা। তুমি ন-দোরেয়ো। মুই দঅ তমারে সে উগুমান দুয়োঙর্‌। তুমি সাহস গরঅ আর বোলী অ।”

১ বংশধর 28:20

দায়ূদে তাহ্ পুয়ো শলোমনরে এ কধাগান অ কলঅ, “তুই বোলী অ, মনত্‌ সাহস আন্‌ আর কাম্‌ গর্‌। তুই ন-দোরেচ্‌, আজা ন-আরেচ্‌, কিত্তে লগেপ্রভু গোজেন, মর্‌ গোজেনে তঅ সমারে আঘে। লগেপ্রভুর সেবা-কামত্তে তবনা-ঘর বানেবার বেক্‌ কামান্‌ শেজ্‌ ন-অনা সং তে তরে ছাড়ি ন-যেবঅ বা ফেলেই ন-যেবঅ।

২ বংশধর 15:7

মাত্তর্‌ তুমি দরমর অ, নিরাজ্ ন-অবা, কিত্তে তমা কামর্‌ বক্‌শিজ্ তুমি পেবা।”

গীতসংহিতা 46:7

বেগত্তুন খেমতাবান গিরোজ্ লগেপ্রভু আমা সমারে আঘে; যাকোবর গোজেনে আমা ঘর।

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 43:1

ও যাকোব, যিবে তরে সৃট্টি গোজ্যে, ও ইস্রায়েল, যিবে তরে বানেয়্যে, সেই লগেপ্রভু ইক্কিনে এ কধাগান কত্তে, “তুই ন-দোরেচ্, কিত্তে মুই তরে উদ্ধোর্ গোজ্যং। মুই তঅ নাঙান্ ধুরিনে ডাক্যং, তুই মর্।

যিশাইয় 43:5

তুই ন-দোরেচ্, কিত্তে মুই তঅ লগে লগে আগং। পূগেদিত্তুন্ মুই তঅ বংশবোরে আনিম আর পজিমেত্তুন্ তরে এগত্তর্ গুরিম।

যিশাইয় 8:12

“এ মানুচ্চুনে যিয়েনিরে কুজুরোমি কন্ তুমি সিয়েনির কনগানরে কুজুরোমি ন-কোয়ো। তারা যিয়েন দরান্ তুমি সিয়েন ন-দোরেয়ো; সিয়েন দর্‌গরেপারা বিলিনে মনে ন-গোজ্য।‍

দানিয়েল 10:19

তে কলদে, “ও গোজেনর কোচ্‌‌‌‌‌‌পেইয়্যে, তুই ন-দোরেচ্। তর্ ভালেদি ওক্। তুই সাহস গর্ আর খেমতাবলা অ।” তে মঅ লগে কধা কনার্ লগে লগে বল্ পেইনে কলুং, “ও মর্ প্রভু, কঅ, কিত্যে তুই মরে বল্ দুয়োচ্।”

হগয় 2:4

সে পরেদি তুই তারারে কবে, লগেপ্রভু কোইয়্যেদে, ও সরুব্বাবিল, তুই সাহস গর্; ও দাঙর্ ধর্মগুরু যিহোশূয়, সাহস গর্; ও দেজর্ বেক মানুচ্চুন্, তুমি সাহস গরঅ আর কাম্ গরঅ; কিত্যে মুই বেগত্তুন্ খেমতাবলা লগেপ্রভু তমা লগে লগে আগং।

হগয় 2:5

তুমি যেক্কে মিসর দেজত্তুন্ নিগিলি এচ্চো সেক্কে তমা ইধু মুই এ এগেমান্ গোজ্যং, আর মঅ আত্মাগান ইক্কিনেয়ো তমা ইধু আঘে। তুমি ন-দোরেয়ো।

প্রেরিত্‌ 4:19

জোবত্ পিতর আর যোহনে কলাক্, “তমা উগুমানি পালেবং, না গোজেনর্ উগুম্ পালেবং? গোজেন চোগেদি কুবোন্ ঠিগ্, তুমি সিয়েন বিচের্ গুরি চঅ।

দ্বি’লম্বর বিররণ 1:21

চঅ‌, তমার গোজেন লগেপ্রভুর দিয়্যে পুরো দেজ্‌ছানই তমা মুজুঙোত্‌ আঘে। তমার পুরোণি মানুচ্চুনোর গোজেন লগেপ্রভুর কধা মজিম্‌ তুমি যেইনে দেজ্‌ছান গজক্ গরঅ। তুমি ন দোরেয়ো, নিরাশঅ ন ওইয়ো।

দ্বি’লম্বর বিররণ 20:1

যুদ্ধো গুরিবাত্তে যেইনে শত্রুগুনোর্ পক্ষে তমাত্তুন্‌ ঘোড়া, রথ আর সৈন্যদল বেশ্ দেগিনে তুমি ন দোরেবা, কিত্যে তমার গোজেন লগেপ্রভু, যিবে মিসর দেজত্তুন তমারে নিগিলেই আন্যে তে তমা সমারে থেবঅ।

দ্বি’লম্বর বিররণ 31:23

নূনোর পূঅ যিহোশূয়রে লগেপ্রভু এ উগুমান দিলো, “তুই বোলী অ আর মনত্‌ বুক্‌ বান্‌। যে দেজ্‌ছান দিবার এগেম মুই শমক্‌ গুরিনে ইস্রায়েলীয়গুনো ইদু গোজ্যং সিয়েনত্ তুমি তারারে নেযেবা। মুই নিজে তঅ সমারে থেম্‌।”

দ্বি’লম্বর বিররণ 31:28

তুমি তমার গুট্টির বুড়ো নেতাগুনোরে আর কামগুরিয়ে বেক্কুনোরে মঅ মুজুঙোত্‌ এগত্তর্‌ গর্‌। মুই তারারে এই বেক্‌ কধানি কবাত্তে চাঙ্‌ আর দাঙর্‌ আগাজ্‌ আর পিত্‌থিমীগানরে তারার বিরুদ্ধে সাক্ষী রাগেইনে যেবাত্তে চাং।

যিহোশূয় 1:10

এ কধা শুনিনে যিহোশূয় মানুচ্চুনোর নেতাগুনোরে কলঅ,

যিহোশূয় 1:17

আমি যেন মোশির বেক্‌ কধানি মানি চুলিদোং, তর্‌ বেলায়ও সেধোক্ক্যেন গুরিবোং। তর গোজেন লগেপ্রভু যেধোক্ক্যেন মোশি লগে এলঅ সেধোক্ক্যেন যেন তঅ লগেও থায়।

যিহোশূয় 1:18

কনজনে যুনি তর্‌ কনঅ‌ উগুমোর বিরুদ্ধে যেইনে তর্‌ কধামজিম্‌ ন-চলন্‌ সালে তারে মারে ফেলা অবঅ‌। তুই বানা বলী অ আর সাহস্‌ গর্‌।”

যিহোশূয় 10:25

যিহোশূয় তারারে কলঅ, “তুমি ন-দোরেয়ো, আশা ন-আরেয়ো। তুমি বোলী অ আর মনত্‌ সাহস আনঅ। তুমি যিদুক্কুন শত্রুর্‌ লগে যুদ্ধো গুরিবাত্তে যেবা তারার বেক্কুনোর অবস্থা লগেপ্রভু এ দোক্ক্যেন্‌ গুরিবো।”

যিহোশূয় 10:8

লগেপ্রভু যিহোশূয়রে কলঅ‌, “তুই তারারে ন-দোরেচ্‌; মুই তারারে তঅ‌ আঢত্‌ তুলি দুয়োং। তারা কনজনে তঅ মুজুঙোত্‌ থিয়্যেই ন-পারিবাক্‌।”

যিহোশূয় 3:7

সেক্কে লগেপ্রভু যিহোশূয়রে কলঅ‌, “এচ্চ্যেত্তুন ধুরি বেক্‌ ইস্রায়েলীয়গুনোর চোগোত্‌ মুই তঅ সর্মানান্‌ বাড়েবাত্তে আরাম্ভ গুরিম্‌, যেনে তারা বুঝি পারন্‌, মুই যেধোক্ক্যেন গুরি মোশি লগে এলুং সেধোক্ক্যেন তঅ‌ লগেয়ো আগঙ্‌।

যিহোশূয় 6:27

লগেপ্রভু যিহোশূয়র সমারে রলঅ, আর দেজর বেক্‌ জাগানিত্‌ তার সুনাং ছিদি পড়িলো।

যিহোশূয় 8:1

সে পরেন্দি লগেপ্রভু যিহোশূয়রে কলঅ‌, “তুই ন-দোরেচ্‌ আর আজা ন-আরেচ্‌। তর্‌ বেক্‌ সৈন্যদলুন্‌ নিইনে তুই অয় শঅ‌রান আরঅ‌ আক্রমণ গুরিবাত্তে যাহ্‌। অয় শঅরর্‌ রাজা, তা মানুচ্চুন্‌, তা শঅ‌রান্‌ আর দেজচান মুই তঅ‌ আদত্‌ তুলি দুয়োং।

বিচের গুরিয়্যেগুন 6:14

লগেপ্রভু তা ইন্দি ফিরিনেই কলঅ, “তর্‌ এ বলান্দোই তুই যাহ্ আর মিদিয়নীয়গুনোর আঢত্তুন্‌ ইস্রায়েলীয়গুনোরে উদ্ধোর গর্‌, কিত্যে মুয়ই তরে পাদাঙর্‌।”

১ শমূয়েল 10:7

এদক্কানি চিহ্নো ঘদানার পরেন্দি তর্‌ সেক্কে যিয়েনি গরানা উজিত্‌ তুই সিয়েনিই গুরিচ; গোজেনে তঅ লগে থেবঅ।