যিহোশূয় 1:8 - Chakma Bible

⁸ রীদি-সুদোমর্ এ বোইবো ভিদিরে যিয়েনি লেগা আঘে সিয়েনি যেনে আমিঝে তঅ‌ মুয়োত্‌ থায়। ইবে ভিদিরে যিয়েনি লেগা আঘে সিয়েনি যেনে তুই পালেবাত্তে মন দুয়োচ্‌ সেনত্তেই দিনরেত্‌ সিয়েনিলোই তুই গমেডালে চিদে গুরিবে। সেক্কে বেক্কানিত্‌ তুই ফোলেবে আর তর্‌ গম্‌ অবঅ‌।

যিহোশূয় 1:8 Iomraidhean Croise

পত্থম 24:63

সিয়েনত্তুন্‌ ফিরি এইনে সেদিন্যে বেল্যেমাদান্ ধ্যান গুরিবাত্তে তে মাদত্‌ গেলঅ। সিয়েনত্‌ চোখ্ তুলি রিনি চাদে ন-চাদে তে দেগিলোদে কয়েক্কো উট্‌ এত্তন্‌।

২ বংশধর 26:5

সখরিয় অক্তত্‌ তে গোজেনর আওজ্ মজিম্‌ চলিদো। গোজেনরে দোরেবাত্তে সখরিয় তারে শল্লা দিদো। যেদকদিন তে লগেপ্রভুর আওজ্ মজিম্‌ চলিদো সেদকদিন গোজেনেয়ো তারে সফলতা দান গোজ্যে।

গীতসংহিতা 119:11

তঅ কধানি মঅ মনানত্ মুই রাগেয়োং, যেনে তর্ উল্লোমি গুরিনে পাপ ন-গরং।

গীতসংহিতা 119:15

মুই তর্ সুদোম পৌইদ্যেনে ধ্যান গরং, আর তর পধ্‌থানন্দি মনযোগ দুয়োং।

গীতসংহিতা 119:97

মুই তর্ উগুমানি কত্তমান্ গমপাং! গোদা দিন্নোবো মুই সিয়েনি ধ্যান গরং।

গীতসংহিতা 119:99

মর্ বেক মাস্তরুনোত্তুন্ বেশ্ মুই জ্ঞানবলা, কিত্তে তর্ বেক কধানিলোই মুই ধ্যান গরং।

গীতসংহিতা 19:14

ও লগেপ্রভু, মর্ আশ্রয়র-মুড়ো, মর্ উদ্ধোর্ গুরিয়্যে, মর্ মুয়োর কধানি আর মর্ মনর্ চিদেগানিয়ে তরে যেন হুজি গরে।

গীতসংহিতা 40:10

তঅ ধোক্ক্যেন কামর্ কধা মর্ মনত্ মুই লুগেই ন-রাগাং; মুই তর্ বিশ্বেজ্‌ছান আর উদ্ধোর-কামর্ কধানি কোই থাং; তর্ অমকদ কোচ্‌পানা আর তর্ বিশ্বেজর্ কধা দাঙর্ মিটিঙোত্ মুই গুমোর্ ন-গরং।

গম্ উপদেজ্ 3:1

মঅ পুয়োবো, তুই মঅ শিক্ষ্যেনি ভুলি ন-যেচ্, বেক্ মনান্ দিইনে তুই মঅ উগুমানি পালা;

যিশাইয় 59:21

তারাত্তে মর্ বেবস্থাগান ইয়েন: মর্ যে আত্মাগান তমা উগুরে আঘে আর মর্ যে কধাগান মুই তমা মুয়োনত্ দুয়োং সিয়েন তমার, তমা ঝি-পুয়োগুনোত্তুন্ আর তারার বংশধরুনো মুয়োত্তুন্ সিয়েনি ন-যেবঅ; সিয়েনি ইক্কেত্তুন ধুরি উমর সং থেবঅ। মুই লগেপ্রভু এ কধাগান কঙর্।”

মথি লেখ্যে গম্ হবর্ 12:35

গম্ মানুচ্ তা মনত্তুন্ গম্ কধা নিগিলেই, আর বজং মানুচ্ তা মনত্তুন্ ভান্ন্যেই কধা নিগিলেই।

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

মথি লেখ্যে গম্ হবর্ 7:21

যিগুনে মরে প্রভু, প্রভু কন্ তারা পত্তিজনে যে স্বর্গ-রেজ্যত্ সোমেই পারিবাক্ সিয়েন নয়, মাত্তর্ মঅ স্বর্গর্ বাপ্পো আওজ্‌চান যে পালায় তেয়ই সোমেই পারিবো।

মথি লেখ্যে গম্ হবর্ 7:24

“সে পরেদি যে কনজনে মর্ এই বেগ্ কধানি শুনিনে সিয়েনি পালায় তে এমন্ এক্কো বুদ্ধিবলা মান্‌জ্য ধোক্ক্যেন্, যে পাত্তর উগুরে তা ঘরান্ বানেল।

লূকে লেখ্যে গম্ হবর্ 11:28

মাত্তর্ যীশু কলঅ, “ইয়েনত্তুন্ বেশ্ বরং তারা বর্‌পেইয়্যে যিগুনে গোজেনর্ কধা শুনোন্ আর সেবাবোত্যেগুরি কাম্ গরন্।”

যোহন 13:17

ইয়েনি বেক্কানি কোই পারিনে যুনি সিয়েনি পালঅ সালে তুমি বর্ পেইয়্যে।

যোহন 14:21

যে মর্ বেক্‌ উগুমানি কোই পারে আর পালন্ গরে তেয়ই মরে কোচ্‌পায়। যে মরে কোচ্‌পায় মঅ বাপ্পো তারে কোচ্ পেবঅ। মুইয়ো তারে কোচ্‌পেম্ আর তা ইধু নিজোরে ফগদাং গুরিম্।

ইফিষীয় 4:29

তমা মুয়োত্তুন্ কনঅ বাজে কধা ন-নিগিলোগ্, বরং দরকার্ মজিম অন্যরে গাঢেই তুলিবাত্যে যিয়েন গম সেবাবোত্যে কধা নিগিলোগ্, যেন যিগুনে সিয়েনি শুনোন্ সিয়েনিত্যে তারার্ উপকার অয়।

দ্বি’লম্বর বিররণ 29:8

আমি তারার দেজ্‌ছান নেযেইনে সোম্বোত্তি ইজেবে সিয়েন রূবেণীয়, গাদীয় আর মনঃশি-গুট্টির অদ্দেক মান্‌জ্যরে দিয়্যেই।

দ্বি’লম্বর বিররণ 29:9

সেনত্যে তুমি এ সুদোমর বেক্‌ উগুমানি গমেডালে মানি চলিবা যেনে বেক্‌ কামানিদই তমার ভালেদি অয়।

দ্বি’লম্বর বিররণ 30:14

লগেপ্রভুর কধানি তমা সমারে আঘে; আগেদে তমার মুয়োত্‌ আর মনেপরাণে যেনে তুমি সিয়েনি পালন গুরি পারঅ।

দ্বি’লম্বর বিররণ 31:24

মোশি এই রীদি-সুদোমানি আগাগোড়া এক্কো বোইয়োত লিগি নেযেল।

দ্বি’লম্বর বিররণ 5:1

মোশি বেক্‌ ইস্রায়েলীয়গুনোরে ডাগিনে কলঅ, ইস্রায়েলীয়গুন, এচ্ছ্যে মুই তমা ইদু যেদক্কানি সুদোম আর উগুম ফগদাং গরঙর্‌ তুমি সিয়েনি শুনো। তুমি সিয়েনি শিগি রাগেবা আর সিয়েনি যত্তন্‌ গুরিনে পালেবা।

দ্বি’লম্বর বিররণ 5:29

মরে ভোক্তি গুরিবার্‌ আর মর্‌ উগুমানি পালেইনে চলিবার্‌ এই মনান্‌ যেনে তারার্‌ আমিঝে থায়। সেক্কে তারার্‌ আর তারার্‌ পূঅগুনোর্‌ উমরত্তে ভালেদি অবঅ।

দ্বি’লম্বর বিররণ 5:32

সেনত্যেই তমার গোজেন লগেপ্রভু তমারে যিয়েনি গুরিবাত্তে উগুম দিয়্যে সিয়েনি তমাত্তুন্‌ য্ত্তন্‌ গুরিনে পালন গরা পুরিবো; সিয়োত্তুন্‌ এক্কানায়ো ইন্দি-উন্দি ওই ন-পারিবো।

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

যিহোশূয় 1:7

তুই বলী অ আর বুগোত্‌ সাহস বান্‌। মঅ‌ চাগর্‌ মোশি তরে যে রীদি-সুদোমানি দি যেইয়্যে বেক্‌ রীদি-সুদোমানি পালেবাত্তে মন্‌ দিবা, সিয়োত্তুন এক্কেনায়ো ইন্দি উন্দি ন-সুরিবা। ইয়েন্দোই তুই যিয়োত্‌ যেবে সিয়োদোই ফোলেবে।

যিহোশূয় 8:34

সে পরেন্দি যিহোশূয় রীদি-সুদোমর্ বোইবোত্‌ যেদক্কানি বর্‌ আর অভিশাবর কধা লেগা এলঅ‌ সিয়েনি অদে অদে পোড়ে শুনেল।

ফগদাং পেইয়্যে 22:14

বর্‌‌পেইয়্যে তারা, যিগুনে তারার্ পজাক্কানি ধোই ফেলান্ যেন তারা জিংকানি গাজর্ ফল হেবার অধিকারী অন্ আর গেট্‌তো ইন্দি শঅরত্ সোমেই পারন্।