যিহোশূয় 1:7 - Chakma Bible

⁷ তুই বলী অ আর বুগোত্‌ সাহস বান্‌। মঅ‌ চাগর্‌ মোশি তরে যে রীদি-সুদোমানি দি যেইয়্যে বেক্‌ রীদি-সুদোমানি পালেবাত্তে মন্‌ দিবা, সিয়োত্তুন এক্কেনায়ো ইন্দি উন্দি ন-সুরিবা। ইয়েন্দোই তুই যিয়োত্‌ যেবে সিয়োদোই ফোলেবে।

যিহোশূয় 1:7 Iomraidhean Croise

১ রাজাবলী 2:2

পিত্তিমীর বেক্কুনে যে পথ্‌তানন্দি যান্‌ মুইয়ো ইক্কিনে সেই পথ্‌তানন্দি যাঙর্‌। সেনত্তেই তুই দরমর অ, নিজোরে যোগাজ্যে মরদ্‌পূঅ ইজেবে দেগা।

১ রাজাবলী 2:3

তর্‌ গোজেন লগেপ্রভুর আওজ্ মজিম্‌ তুই তার পধেন্দি আদিবে আর মোশির রীদি-সুদোমত্ লেগা লগেপ্রভুর বেক্‌ সুদোম, উগুম, হুকুম আর দাবিগানি মানি চলিবা। সেক্কে তুই যিয়েনি গত্তে সাৎ আর যিয়োদোই যেদে সাৎ ফোলেই পারিবে।

২ রাজাবলী 22:2

লগেপ্রভুর চোগেন্দি যিয়েনি গম্‌ যোশিয় সিয়েনি গুরিদো আর তা পূরোনি মানুচ্‌ দায়ূদো ধোক্ক্যেন চলিদো সে পধত্তুন্‌ ডেনে- বাঙে ন-যেদঅ।

১ বংশধর 22:13

মোশির মাধ্যমে লগেপ্রভু ইস্রায়েলরে যে সুদোমান্‌ আর উগুমান্‌ দিয়্যে সিয়েন্‌ যুনি তুই গমেডালে পালাচ্ সালে তুই ভালেদি গুরি পারিবে। তুই বোলী অ আর মনত্‌ সাহস রাগা। ন-দোরেচ্‌ আজা ন-আরেচ্‌।

২ বংশধর 15:7

মাত্তর্‌ তুমি দরমর অ, নিরাজ্ ন-অবা, কিত্তে তমা কামর্‌ বক্‌শিজ্ তুমি পেবা।”

২ বংশধর 26:5

সখরিয় অক্তত্‌ তে গোজেনর আওজ্ মজিম্‌ চলিদো। গোজেনরে দোরেবাত্তে সখরিয় তারে শল্লা দিদো। যেদকদিন তে লগেপ্রভুর আওজ্ মজিম্‌ চলিদো সেদকদিন গোজেনেয়ো তারে সফলতা দান গোজ্যে।

ইয়োব 1:8

লগেপ্রভু সেক্কে সদান্‌নোরে কলঅ, “মঅ মানুচ্‌ ইয়োব ইন্দি কি তুই রিনি চেইয়োচ্? পিত্‌থিমীত্‌ তা ধোক্ক্যেন্ আর কনজন নেই। তে নিদ্দুজি আর গম্‌ মানুচ্‌। তে মরে ভোক্তিগুরিনে দরায়্‌ আর ভান্ন্যেই কামত্তুন্‌ দূরোত্‌ থায়।”

গীতসংহিতা 80:19

ও বেগত্তুন্ খেমতাবলা লগেপ্রভু গোজেন, তুই আগ অবস্তাদ আমারে ফিরেই নেযা; তর্ দোয়্যে-মেয়্যেগান পহ্‌র্ ধোক্ক্যেন আমা উগুরে পোড়োক্, আমি সেক্কে উদ্ধোর্ পেবং।

গম্ উপদেজ্ 4:27

ডেনেদি বা বাঙেদি ন-ফিরিবে; ভান্ন্যেয়ত্তুন্ তঅ টেঙানি দুরোত্ রাগেচ্।

গম্ উপদেজ্ 8:20

মুই ন্যায়র পধেদি চলং, ন্যায়বিচেরর পথ্‌তান্ ধুরি চলং।

দানিয়েল 10:19

তে কলদে, “ও গোজেনর কোচ্‌‌‌‌‌‌পেইয়্যে, তুই ন-দোরেচ্। তর্ ভালেদি ওক্। তুই সাহস গর্ আর খেমতাবলা অ।” তে মঅ লগে কধা কনার্ লগে লগে বল্ পেইনে কলুং, “ও মর্ প্রভু, কঅ, কিত্যে তুই মরে বল্ দুয়োচ্।”

গণাণা 27:23

সে পরেদি লগেপ্রভুর উগুম মজিম তা উগুরে আত্তান্‌ রাগেইনে তারে কামর্‌ ভারান্‌ দিলো।

দ্বি’লম্বর বিররণ 11:8

সেনত্যে যে দেজ্‌ছান গজক্ গুরিবাত্তে যর্দন গাঙান্‌ পার ওইনে যর্‌ সিদু যেইনে যেন সিয়েন গজক্ গুরিবার্‌ বলান পঅ আর লগেপ্রভু তমার পুরোণি মানুচ্‌ আর তারার্‌ বংশধরুনো ইদু দুধ আর মধুলোই ভোজ্যে যে দেজ্‌ছান দিবাত্তে এগেম্ গোজ্যে সিয়েনত্‌ ভালোক্ দিন বাঁজি থেই পার সেনত্যে এচ্চ্যে মুই তমারে যেদক্কানি উগুম্‌ দুয়োঙর্‌ সিয়েনি পালন গুরিবা।

দ্বি’লম্বর বিররণ 12:32

মুই তমারে যেদক্কানি উগুম্‌ দিলুং সিয়েনি বেক্কানি তুমি পালন গুরিবা; ইয়েন সমারে কিজু ন-মিজেবা, আরঅ ইয়েনত্তুন্‌ কিজু বাদঅ ন-দিবা।

দ্বি’লম্বর বিররণ 28:14

এচ্চ্যে মুই তমারে যেদক্কানি উগুম দুয়োঙর, দেব-দেবেদার পিজেন্দি যেইনে আর তারারে পূজো গুরিনে তুমি সিয়েনত্তুন ইন্দি উন্দি সুরি ন-যেবা।

দ্বি’লম্বর বিররণ 29:8

আমি তারার দেজ্‌ছান নেযেইনে সোম্বোত্তি ইজেবে সিয়েন রূবেণীয়, গাদীয় আর মনঃশি-গুট্টির অদ্দেক মান্‌জ্যরে দিয়্যেই।

দ্বি’লম্বর বিররণ 29:9

সেনত্যে তুমি এ সুদোমর বেক্‌ উগুমানি গমেডালে মানি চলিবা যেনে বেক্‌ কামানিদই তমার ভালেদি অয়।

দ্বি’লম্বর বিররণ 31:7

ইয়েনর পরেন্দি মোশি যিহোশূয়রে ডাগিলো আর বেক্‌ ইস্রায়েলীয়গুনোর মুজুঙোত্‌ তারে কলদে, “তুই দরমর অ আর মনত্‌ বুক্‌ বান, কিত্যে তত্তুনোই এই মানুচ্চুনো সমারে সেই দেজত্‌ যাহ্ পুরিবো যে দেজ্‌ছান ইগুনোরে দিবার শমক্‌ লগেপ্রভু ইগুনোর পুরোণি মানুচ্চুনো ইদু গোজ্যে। তত্তুনোই সেই দেজ্‌ছান সোম্বোত্তি ইজেবে ইগুনো ভিদিরে ভাগ গুরি দিয়্যে পুরিবো।

দ্বি’লম্বর বিররণ 4:2

মুই তমারে যে উগুমানি দুয়োঙর্‌ তা সমারে কিজু ন মিজেয়ো আর সিয়োত্তুন্‌ কিজু বাদঅ ন দুয়ো। তমা গোজেন লগেপ্রভুর যেদক্কানি উগুম মুই তমারে দুয়োঙর্‌ সিয়েনি তুমি মানি চলিবা।

দ্বি’লম্বর বিররণ 5:32

সেনত্যেই তমার গোজেন লগেপ্রভু তমারে যিয়েনি গুরিবাত্তে উগুম দিয়্যে সিয়েনি তমাত্তুন্‌ য্ত্তন্‌ গুরিনে পালন গরা পুরিবো; সিয়োত্তুন্‌ এক্কানায়ো ইন্দি-উন্দি ওই ন-পারিবো।

যিহোশূয় 1:1

লগেপ্রভুর চাগর্‌ মোশির মরাণার পরেন্দি লগেপ্রভু মোশির এজাল্‌ দিয়্যে নূনর পুঅ যিহোশূয়রে কলঅ‌,

যিহোশূয় 1:8

রীদি-সুদোমর্ এ বোইবো ভিদিরে যিয়েনি লেগা আঘে সিয়েনি যেনে আমিঝে তঅ‌ মুয়োত্‌ থায়। ইবে ভিদিরে যিয়েনি লেগা আঘে সিয়েনি যেনে তুই পালেবাত্তে মন দুয়োচ্‌ সেনত্তেই দিনরেত্‌ সিয়েনিলোই তুই গমেডালে চিদে গুরিবে। সেক্কে বেক্কানিত্‌ তুই ফোলেবে আর তর্‌ গম্‌ অবঅ‌।

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”

যিহোশূয় 11:15

লগেপ্রভু তা চাগর্‌ মোশিরে যেদক্কানি উগুম দিয়্যে মোশি যিহোশূয়রে সিয়েনি জানেইয়্যে, আর যিহোশূয় সে বেক্‌ উগুমানি পালেয়্যে। লগেপ্রভু মোশিরে যেদক্কানি উগুম দিয়্যে যিহোশূয় সিয়েনির্‌ এক্কান অমান্য ন-গরে।

যিহোশূয় 23:6

সেনত্তেই তুমি তমার বেক্‌ বলান্‌ দিইনে মোশির রীদি-সুদোমর্ বোইয়োত্‌ যিয়েনি লেগা আঘে সিয়েনি বেক্কানি পালঅ‌; সিয়োত্তুন ইন্দি উন্দি সুরি ন-যেয়ো।