যিহোশূয় 1:6 - Chakma Bible

⁶ “তুই বলী অ, মনত্‌ বল্‌ বান্‌, কিত্তেই যে দেজ্‌চান দিবার্‌ কধা মুই এ মানুচ্চুনোর পূরোণি মানুচ্চুনো ইদু শমক্‌ খেইনে কোইয়োং, সে দেজ্‌চান এ মানুচ্চুনোর অধিকার ইজেবপান্ তত্তুনোই ভাগ গুরি দিয়্যে পুরিবো।

যিহোশূয় 1:6 Iomraidhean Croise

পত্থম 12:7

পরেদি লগেপ্রভু অব্রামরে দেগা দিইনে কলঅ,“এ দেজ্‌চান্‌ মুই তঅ বংশবোরে দিম্‌।” যিবে তারে দেগা দিয়্যে সে লগেপ্রভুর্ নাঙে অব্রামে সেক্কে সিয়েনত্‌ এক্কো ডালিপূজো বানেল।

পত্থম 26:3

ইক্কিনে এ দেজত্‌ তুই কয়েক দিনোত্তে বজত্তি গুরিবে। মুই নিজে তঅ সমারে থেইনে তরে বর্ দিম। এ দেজ্‌ছানি মুই তরে আর তঅ বংশর্‌ মানুচ্চুনোরে দিম্‌। ইয়েন বাদে মুই তঅ বাব্‌ অব্রাহাম ইধু যে শমত্তান্‌ গোজ্যং সিয়েনঅ অদে অদে রাগেম্‌।

২ শমূয়েল 10:12

ন-দোরেয়ো; আমা মানুচ্চুনোত্তে আর আমা গোজেনর শঅরানিত্তে এজঅ, আমি ন-দোরেইনে যুদ্ধো গুরিই। লগেপ্রভুর চোগোত্‌ যিয়েনি গম্‌ তে সিয়েনিই গোরোক্‌।”

১ রাজাবলী 2:2

পিত্তিমীর বেক্কুনে যে পথ্‌তানন্দি যান্‌ মুইয়ো ইক্কিনে সেই পথ্‌তানন্দি যাঙর্‌। সেনত্তেই তুই দরমর অ, নিজোরে যোগাজ্যে মরদ্‌পূঅ ইজেবে দেগা।

১ বংশধর 22:13

মোশির মাধ্যমে লগেপ্রভু ইস্রায়েলরে যে সুদোমান্‌ আর উগুমান্‌ দিয়্যে সিয়েন্‌ যুনি তুই গমেডালে পালাচ্ সালে তুই ভালেদি গুরি পারিবে। তুই বোলী অ আর মনত্‌ সাহস রাগা। ন-দোরেচ্‌ আজা ন-আরেচ্‌।

১ বংশধর 28:10

ইক্কিনে মনযোগী অ, কিয়া তবনা গুরিবাত্তে এক্কান্‌ ঘর্‌ বানেবাত্তে লগেপ্রভু তরে বেঈ লোইয়্যে। তুই বোলী অ আর কাম্‌ গর্‌।”

১ বংশধর 28:20

দায়ূদে তাহ্ পুয়ো শলোমনরে এ কধাগান অ কলঅ, “তুই বোলী অ, মনত্‌ সাহস আন্‌ আর কাম্‌ গর্‌। তুই ন-দোরেচ্‌, আজা ন-আরেচ্‌, কিত্তে লগেপ্রভু গোজেন, মর্‌ গোজেনে তঅ সমারে আঘে। লগেপ্রভুর সেবা-কামত্তে তবনা-ঘর বানেবার বেক্‌ কামান্‌ শেজ্‌ ন-অনা সং তে তরে ছাড়ি ন-যেবঅ বা ফেলেই ন-যেবঅ।

২ বংশধর 15:7

মাত্তর্‌ তুমি দরমর অ, নিরাজ্ ন-অবা, কিত্তে তমা কামর্‌ বক্‌শিজ্ তুমি পেবা।”

২ বংশধর 20:11

গজক্ গোজ্যে ইজেবে যে সোম্বোত্তিগান্‌ তুই আমারে দুয়োচ্‌ ইক্কিনে রিনি চাহ্, সিয়েনর্‌ বদলে তারা কেধোক্ক্যেন গুরিনে সিয়োত্তুন্‌ আমারে ধাবেই দিবাত্তে এত্তন্‌।

২ বংশধর 20:7

ও আমার্‌ গোজেন, তঅ মানুচ্‌ ইস্রায়েলীয়গুনোর মুজুঙেত্তুন্‌ এ দেজর্‌ আদাম্মেগুনোরে ধাবেই দিইনে তুই সিয়েন্‌ তঅ সমাজ্যে অব্রাহাম বংশর মানুচ্চুনোরে উমরত্তে দুয়োচ্‌।

গীতসংহিতা 27:14

তুমি লগেপ্রভুর উগুরে আজা রাগেয়ো; মনবল্ আন আর বুগোত্ সাহস বান আর লগেপ্রভু উগুরে আজা রাগ।

দানিয়েল 10:19

তে কলদে, “ও গোজেনর কোচ্‌‌‌‌‌‌পেইয়্যে, তুই ন-দোরেচ্। তর্ ভালেদি ওক্। তুই সাহস গর্ আর খেমতাবলা অ।” তে মঅ লগে কধা কনার্ লগে লগে বল্ পেইনে কলুং, “ও মর্ প্রভু, কঅ, কিত্যে তুই মরে বল্ দুয়োচ্।”

হগয় 2:4

সে পরেদি তুই তারারে কবে, লগেপ্রভু কোইয়্যেদে, ও সরুব্বাবিল, তুই সাহস গর্; ও দাঙর্ ধর্মগুরু যিহোশূয়, সাহস গর্; ও দেজর্ বেক মানুচ্চুন্, তুমি সাহস গরঅ আর কাম্ গরঅ; কিত্যে মুই বেগত্তুন্ খেমতাবলা লগেপ্রভু তমা লগে লগে আগং।

সখরিয় 8:9

মুই বেগত্তুন্ খেমতাবলা লগেপ্রভু কঙর্, মঅ ঘরান্ বানেবাত্তে খুদো গারেবার্ সময় ভাববাদীগুনে সেই বেক্ কধানি কোইয়োন, আর ইক্কিনে তুমি সেই একই কধা শুনোর্; সেনত্তে তুমি দরমর অ।

গণাণা 26:53

“গুণি নেযেয়ে মানুচ্চুনোর সোংখ্যে মজিম দেজ্‌চান্‌ ভাগ গুরি দিয়া পুরিবো যেনে তারা সিয়েনর গিরোজ্‌ অন্‌।

গণাণা 33:53

পরেদি তুমি সেই দেজ্‌চান্‌ গজক্ গুরি নেযেইনে সিয়েনত্‌ বজত্তি গুরিবা কিত্যে গজক্ গুরিবাত্তে দেজ্‌চান মুই তমারে দুয়োং।

১ করিন্হীয় 16:13

তুমি সজাক্ থাগঅ, বিশ্বেজত্ থির্ থাগঅ, সাহজী আর বলবান অ।

ইফিষীয় 6:10

যেরেদি কং, প্রভু লগে মিজেইনে তার্ দিয়্যে দাঙর্ খেমতালোই বোলী অ।

দ্বি’লম্বর বিররণ 1:21

চঅ‌, তমার গোজেন লগেপ্রভুর দিয়্যে পুরো দেজ্‌ছানই তমা মুজুঙোত্‌ আঘে। তমার পুরোণি মানুচ্চুনোর গোজেন লগেপ্রভুর কধা মজিম্‌ তুমি যেইনে দেজ্‌ছান গজক্ গরঅ। তুমি ন দোরেয়ো, নিরাশঅ ন ওইয়ো।

দ্বি’লম্বর বিররণ 1:8

চঅ‌, মুই সেই জাগায়ানি তমারে দি ফেল্যং। মুই লগেপ্রভু তমার্‌ পুরোণিমানুচ্‌ অব্রাহাম, ইসহাক, যাকোব আর তারার্‌ পরেন্দি তারার্‌ বংশধরুনোরে যে দেজ্‌ছান দিবাত্তে শমক্‌ খেইয়োং তুমি সিয়েনত্‌ যেইনে সেই দেজ্‌ছান গজক্ গরঅ।

দ্বি’লম্বর বিররণ 11:8

সেনত্যে যে দেজ্‌ছান গজক্ গুরিবাত্তে যর্দন গাঙান্‌ পার ওইনে যর্‌ সিদু যেইনে যেন সিয়েন গজক্ গুরিবার্‌ বলান পঅ আর লগেপ্রভু তমার পুরোণি মানুচ্‌ আর তারার্‌ বংশধরুনো ইদু দুধ আর মধুলোই ভোজ্যে যে দেজ্‌ছান দিবাত্তে এগেম্ গোজ্যে সিয়েনত্‌ ভালোক্ দিন বাঁজি থেই পার সেনত্যে এচ্চ্যে মুই তমারে যেদক্কানি উগুম্‌ দুয়োঙর্‌ সিয়েনি পালন গুরিবা।

দ্বি’লম্বর বিররণ 31:23

নূনোর পূঅ যিহোশূয়রে লগেপ্রভু এ উগুমান দিলো, “তুই বোলী অ আর মনত্‌ বুক্‌ বান্‌। যে দেজ্‌ছান দিবার এগেম মুই শমক্‌ গুরিনে ইস্রায়েলীয়গুনো ইদু গোজ্যং সিয়েনত্ তুমি তারারে নেযেবা। মুই নিজে তঅ সমারে থেম্‌।”

২ তীমথিয় 2:1

মঅ পুয়োবো, খ্রীষ্ট যীশুর্ দোয়্যেই তুই বোলী অ।

যিহোশূয় 1:18

কনজনে যুনি তর্‌ কনঅ‌ উগুমোর বিরুদ্ধে যেইনে তর্‌ কধামজিম্‌ ন-চলন্‌ সালে তারে মারে ফেলা অবঅ‌। তুই বানা বলী অ আর সাহস্‌ গর্‌।”

যিহোশূয় 1:7

তুই বলী অ আর বুগোত্‌ সাহস বান্‌। মঅ‌ চাগর্‌ মোশি তরে যে রীদি-সুদোমানি দি যেইয়্যে বেক্‌ রীদি-সুদোমানি পালেবাত্তে মন্‌ দিবা, সিয়োত্তুন এক্কেনায়ো ইন্দি উন্দি ন-সুরিবা। ইয়েন্দোই তুই যিয়োত্‌ যেবে সিয়োদোই ফোলেবে।

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”

যিহোশূয় 10:25

যিহোশূয় তারারে কলঅ, “তুমি ন-দোরেয়ো, আশা ন-আরেয়ো। তুমি বোলী অ আর মনত্‌ সাহস আনঅ। তুমি যিদুক্কুন শত্রুর্‌ লগে যুদ্ধো গুরিবাত্তে যেবা তারার বেক্কুনোর অবস্থা লগেপ্রভু এ দোক্ক্যেন্‌ গুরিবো।”

যিহোশূয় 18:3

সেনত্তেই যিহোশূয় ইস্রায়েলীয়গুনোরে কলঅ‌, “তমার পূরোণি মানুচ্চুনোর গোজেন লগেপ্রভু যে দেজ্‌চান তমারে দিয়্যে তুমি সোম্বোত্তি ইজেবে সিয়েন গজক্ গত্তে আর কয়দিন দেরি গুরিবা?

যিহোশূয় 21:43

লগেপ্রভু ইস্রায়েলীয়গুনোর পূরোণি মানুচ্চুনো ইদু যেদক্কানি জাগা দিবার শমক্‌ গোজ্যে সিয়েনি বেক্কানি তে তারারে দিয়্যে। ইস্রায়েলীয়গুনে সে দেজ্‌চানি গজক্ গুরি নেযেইনে সিয়েনিত্‌ বজত্তি গরা ধুরিলাক্‌।

যিহোশূয় 5:6

মিসরত্তুন নিগিলি এজানার্‌ সলাবোত্‌ যিগুনোর যুদ্বো গরেদে ধোক্ক্যেন্‌ বয়স ওইয়্যে তারা বেক্কুনে মুরি ন-যানা সং চোল্লিশ বজর ইস্রায়েলীয়গুনোরে ধূল্যেচর-চাগালাত্‌ ঘুরো পোজ্যে, কিত্যে তারা লগেপ্রভুর কধানি ন-মানন্‌। লগেপ্রভু তারারে শমক্‌ খেইনে কোইয়্যেদে, তারার পুরোণি মানুচ্চুনো ইদু দুধ আর মধুলোই ভোজ্যে যে দেজ্‌চান আমারে দিবো বিলিনে শমক্‌ খেইয়্যে সিয়েন্‌ তারা চেই ন-পেবাক্‌।

১ শমূয়েল 4:9

ও পলেষ্টীয়গুন, তুমি বুগোত্‌ সাহস বানঅ। তুমি যে মরদপূঅ সিয়েন দেগেই দুয়ো। সিয়েন ন-দেগেলে সেই ইব্রীয়গুনে যেধোক্ক্যেন্ তমার চাগর ওইয়োন সেধোক্ক্যেন্ তুমিয়ো তারার চাগর ওইনে থেবাক্। তুমি যে মরদ পূঅ সিয়েন দেগেই দুয়ো আর যুদ্ধো গরঅ।”