যিহোশূয় 1:2 - Chakma Bible

² মঅ চাগর্‌ মোশি মুরি যেইয়্যে। সেনত্তে ইক্কিনে তুই আর বেক্‌ ইস্রায়েলীয়গুনে যর্দন গাঙান্‌ পার ওই যেবাত্তে যুক্কোল্‌ অ আর যে দেজ্‌চান মুই ইস্রায়েলীয়গুনোরে দিবাত্তে যাঙর্‌ সিয়েনত্‌ যঅ‌।

যিহোশূয় 1:2 Iomraidhean Croise

পত্থম 17:8

যে কনান দেজত্‌ তুই ইক্কিনে বিদেশী ওইনে বজত্তি গরর্‌ তার বেক্কানি উমরর্‌ সোম্বোত্তি ইজেবে মুই তরে আর তঅ বংশবোরে দিলুং। মুই তারার বেক্কুনোর্‌ গোজেন ওলুং।”

নহিমিয় 9:23

আগাজ তারা ধোক্কেন্‌ তুই তারারে বোউত্‌ পূঅ-ছা দুয়োজ্‌ আর তুই তারারে সে দেজত্‌ নেযেয়োজ্‌ যে দেজ্‌ছানত্‌ সুমিনে সিয়েন্‌ গজক্‌ গুরিবার্‌ কধা তুই তারার্‌ পূরোণিমানুচ্চুনোরে কোইয়োচ্‌।

ইয়োব 1:8

লগেপ্রভু সেক্কে সদান্‌নোরে কলঅ, “মঅ মানুচ্‌ ইয়োব ইন্দি কি তুই রিনি চেইয়োচ্? পিত্‌থিমীত্‌ তা ধোক্ক্যেন্ আর কনজন নেই। তে নিদ্দুজি আর গম্‌ মানুচ্‌। তে মরে ভোক্তিগুরিনে দরায়্‌ আর ভান্ন্যেই কামত্তুন্‌ দূরোত্‌ থায়।”

যিশাইয় 42:1

লগেপ্রভু কোইয়্যেদে, “চাহ্, মঅ চাগর্‌বো, যিবেরে মুই সাহায্য গরং, মর্ বেঈ লোইয়্যে মানুচ্চো, যিবে উগুরে মুই হুজি। মুই তা উগুরে মঅ আত্মাগান্ দিম আর তে জাদ্‌‌‌‌‌‌তুনো ইদু ন্যায়বিচের্ আনিবো।

গণাণা 12:7

মাত্তর্‌ মর্‌ চাগর্‌ মোশি সমারে মুই সিয়েন্‌ ন-গরং। তে মঅ পরিবারর্‌ বেক্‌ কামানি বিশ্বেজ্ গুরিনে গরে।

দ্বি’লম্বর বিররণ 3:28

যিহোশূয়রে কি গরা পুরিবো সিয়েন্‌ তুমি তারে কোই দুয়ো; তারে উচ্ছোমি আর সাহস দুয়ো, কিত্যে তেয়ো আগে আগে যেইনে মানুচ্চুনোরে পার্‌ গুরি নেযেব আর যে দেজ্‌ছান তুই চেবাত্তে যর্‌ সিয়েন্‌ তারারে দিইনে অধিকার্‌ গুরিবে।

দ্বি’লম্বর বিররণ 31:7

ইয়েনর পরেন্দি মোশি যিহোশূয়রে ডাগিলো আর বেক্‌ ইস্রায়েলীয়গুনোর মুজুঙোত্‌ তারে কলদে, “তুই দরমর অ আর মনত্‌ বুক্‌ বান, কিত্যে তত্তুনোই এই মানুচ্চুনো সমারে সেই দেজত্‌ যাহ্ পুরিবো যে দেজ্‌ছান ইগুনোরে দিবার শমক্‌ লগেপ্রভু ইগুনোর পুরোণি মানুচ্চুনো ইদু গোজ্যে। তত্তুনোই সেই দেজ্‌ছান সোম্বোত্তি ইজেবে ইগুনো ভিদিরে ভাগ গুরি দিয়্যে পুরিবো।

দ্বি’লম্বর বিররণ 34:5

লগেপ্রভু যিয়েন কোইয়্যে সে মজিম লগেপ্রভুর চাগর মোশি সেই মোয়াব দেজত্‌ মুরি গেলঅ।

যিহোশূয় 1:1

লগেপ্রভুর চাগর্‌ মোশির মরাণার পরেন্দি লগেপ্রভু মোশির এজাল্‌ দিয়্যে নূনর পুঅ যিহোশূয়রে কলঅ‌,

যিহোশূয় 1:11

“তুমি তাম্বুলোত্‌ যেইনে মানুচ্চুনোরে কগোই যেনে তারা তারার হানা-দানানি নিইনে যুক্কোল্‌ থান্‌। তারার গোজেন লগেপ্রভু যে দেজ্‌চান তারারে সোম্বোত্তি ইজেবে দিবাত্তে যার্‌ সিয়েনত যেইনে সিয়েনি গজক্ গুরি নেযেবাত্তে তিন দিনো ভিদিরে তারারে ইয়োত্তুন যর্দন গাঙান্‌ পার ওই যাহ্ পুরিবো।”