যিহোশূয় 1:18 - Chakma Bible

¹⁸ কনজনে যুনি তর্‌ কনঅ‌ উগুমোর বিরুদ্ধে যেইনে তর্‌ কধামজিম্‌ ন-চলন্‌ সালে তারে মারে ফেলা অবঅ‌। তুই বানা বলী অ আর সাহস্‌ গর্‌।”

যিহোশূয় 1:18 Iomraidhean Croise

ইষ্রা 10:4

তুই উঠ; এ বেপারে কাম গরানা দঅ তর্ দায়িত্ব। আমি তরে সাহায্য গুরিবোং, সেনত্যে তুই সাহসী ওইনে কাম গর্।”

লূকে লেখ্যে গম্ হবর্ 19:27

মঅ শত্রুগুনে যিগুনে ন-চান্ মুই রাজা অং, তারারে ইধু আন্ আর মঅ মুজুঙোত্ মারে ফেলা।’ ”

১ করিন্হীয় 16:13

তুমি সজাক্ থাগঅ, বিশ্বেজত্ থির্ থাগঅ, সাহজী আর বলবান অ।

ইফিষীয় 6:10

যেরেদি কং, প্রভু লগে মিজেইনে তার্ দিয়্যে দাঙর্ খেমতালোই বোলী অ।

দ্বি’লম্বর বিররণ 17:12

যুনি কনঅ মান্‌জ্যে বাড়্ গরানার্ কারনে সেই বিচেরক্কোর কধানি বা তমা গোজেন লগেপ্রভুর সেবাগুরিয়্যে সেই ধর্মগুরুবোর কধানি শুনিবাত্তে রাজী ন অন্‌ সালে তারে হামাক্কায় মারে ফেলা পুরিবো। তুমি ইস্রায়েলীয়গুনো ভিদিরেত্তুন্‌ এ ধোক্ক্যেন ভান্ন্যেইয়ানি শেজ্ গুরি ফেলেবা।

ইব্রীয় 12:25

উজিয়ার্! যিবে কধা কর্ তা কধানি এলাফেলা ন-গোজ্জ্য। মোশি গোজেনর্ উজিয়ার কধা পিত্‌থিমীত্ জানানার্ পরেদি মানুচ্চুনে তা কধানি এলাফেলা গোজ্জ্যন বিলিনে যেক্কে খেমা ন-পান্, সেক্কে যিবে স্বর্গত্তুন্ আমারে উজিয়ার্ গরের্ তা কধানি এলাফেলা গুরিলে আমি যে কনঅ বাবদে খেমা ন-পেবং সিয়েনত্ কনঅ সন্দেহ নেই।

যিহোশূয় 1:17

আমি যেন মোশির বেক্‌ কধানি মানি চুলিদোং, তর্‌ বেলায়ও সেধোক্ক্যেন গুরিবোং। তর গোজেন লগেপ্রভু যেধোক্ক্যেন মোশি লগে এলঅ সেধোক্ক্যেন যেন তঅ লগেও থায়।

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”

যিহোশূয় 2:1

নূনর পূঅ যিহোশূয় শিটীমত্তুন দ্বিবে চড়রে এ কধাগান কোইনে গুমোরত্ পাধেই দিলো, “তুমি যেইনে সে দেজ্‌চান আর বিশেজ্ গুরি যিরীহো শঅরান্‌ গমে ডালে চেই এজঅ।” এই কধাগান শুনিনে তারা যিরীহো শঅরত্‌ গেলাক্‌। সিদু তারা রাহব নাঙে এক বেশ্যে মিলে ঘরত্‌ যেইনে রলাক্‌।

১ শমূয়েল 11:12

মানুচ্চুনে এইনে শমূয়েলরে কলাক্, “কন্না কোইয়্যেদে শৌল আমা উগুরে রাজা ওই ন-পারিবো? তুই তারারে আমা আঢত্‌ তুলি দে; আমি তারারে মারে ফেলেবং।”