যিহোশূয় 1:17 - Chakma Bible

¹⁷ আমি যেন মোশির বেক্‌ কধানি মানি চুলিদোং, তর্‌ বেলায়ও সেধোক্ক্যেন গুরিবোং। তর গোজেন লগেপ্রভু যেধোক্ক্যেন মোশি লগে এলঅ সেধোক্ক্যেন যেন তঅ লগেও থায়।

যিহোশূয় 1:17 Iomraidhean Croise

২ শমূয়েল 14:17

“ইক্কিনে তঅ চাগরানিবো মুই কঙর্‌, মঅ মহারাজর কধাগানে যেনে মরে শান্তি দে, কিত্যে গম্‌-বজং বিচের গুরিবাত্তে মঅ গিরোজ্‌ মহারাজে গোজেনর এক্কো দূতো ধোক্ক্যেন্‌। তঅ গোজেন লগেপ্রভু তঅ সমারে থোক্‌।”

১ রাজাবলী 1:37

লগেপ্রভু যেধোক্ক্যেন মর্‌ গিরোজ মহারাজর লগে এলঅ সেধোক্ক্যেন্ শলোমনর্ লগেয়ো থোক্‌ আর মর্‌ গিরোজ্‌ রাজা দায়ূদোর রেজ্যগানত্তুন্‌অ বেশ্ তার রেজ্যগান আরঅ বাঈনীবলা ওক্‌!

১ বংশধর 28:20

দায়ূদে তাহ্ পুয়ো শলোমনরে এ কধাগান অ কলঅ, “তুই বোলী অ, মনত্‌ সাহস আন্‌ আর কাম্‌ গর্‌। তুই ন-দোরেচ্‌, আজা ন-আরেচ্‌, কিত্তে লগেপ্রভু গোজেন, মর্‌ গোজেনে তঅ সমারে আঘে। লগেপ্রভুর সেবা-কামত্তে তবনা-ঘর বানেবার বেক্‌ কামান্‌ শেজ্‌ ন-অনা সং তে তরে ছাড়ি ন-যেবঅ বা ফেলেই ন-যেবঅ।

গীতসংহিতা 20:1

তর্ দুঘো দিনোত্ লগেপ্রভু তর্ ডাগনিলোই রিনি চোক্; যাকোবর্ গোজেনে তরে গমেডালে রাগোক্।

গীতসংহিতা 20:4

তর্ মনর্ আওজ্‌‌ছানি তে পূরোণ গোরোক্, তর্ বেক্ সল্লাগানি তে ফোলেই দুয়োক্।

গীতসংহিতা 20:9

ও লগেপ্রভু, রোক্ষ্যে গর্; ও রাজা, আমা ডাগনিলোই ইজিরে দে।

গণাণা 27:18

ইয়েনর্ জোবত্‌ লগেপ্রভু মোশিরে কলঅ, “নূনোর পূঅ যিহোশূয় ভিদিরে গোজেনর্‌ আত্মাগান্ আঘে। তুই তারে আনিনে তা উগুরে তর্‌ আত্তান্‌ রাগেচ্‌।

গণাণা 27:20

তরে যে খেমতাগান্‌ দিয়্যে ওইয়্যে সিয়েনর্‌ কিজু তুই তা আদত্‌ দে যেনে ইস্রায়েলীয়গুনে বেক্কুনে তারে মানন্‌।

মথি লেখ্যে গম্ হবর্ 21:9

যিগুনে যীশু মুজুঙোত্ আর পিজেদি যাদন্ তারা রঅ ছাড়িনে কুয়ো ধুরিলাক্, “হোশান্না, দায়ূদো গুট্টি! প্রভুর্ নাঙে যিবে এজের্ তার্ বাঈনী ওক্। স্বর্গত্অ হোশান্না!”

দ্বি’লম্বর বিররণ 34:9

নূনর পূঅ যিহোশূয় উগুরে মোশি আঢ্ বাজেয়্যে বিলিনে তে জ্ঞানদান গুরিয়্যে পবিত্র আত্মালোই পরিপূরোণ ওইয়্যে। সেনত্যে ইস্রায়েলীয়গুনে তার কধামজিম যাহ্ ধোজ্যন্‌ আর মোশির মাধ্যমে লগেপ্রভু তারারে যে উগুমান দিয়্যে সিয়েনি পালন গরা ধোজ্যন্‌।

যিহোশূয় 1:16

জোবত্‌ তারা যিহোশূয়রে কলাক্, “তুই আমারে যেদক্কানি উগুম দুয়োচ্‌ সিয়েনি আমি পালন গুরিবোং আর আমারে যিদু পাদেবে সিয়োদোই যেবং।

যিহোশূয় 1:18

কনজনে যুনি তর্‌ কনঅ‌ উগুমোর বিরুদ্ধে যেইনে তর্‌ কধামজিম্‌ ন-চলন্‌ সালে তারে মারে ফেলা অবঅ‌। তুই বানা বলী অ আর সাহস্‌ গর্‌।”

যিহোশূয় 1:5

তুই যেদকদিন বাঁজি থেবে কনঅ জনে তর্‌ বিরুদ্ধে থিয়্যেই ন-পারিবাক্‌। মুই যেধোক্ক্যেন গুরি মোশি লগে এলুং সেধোক্ক্যেন তঅ লগেয়ো থেম্‌; মুই কনঅ‌ দিনঅ‌ তরে ছাড়ি ন যেম্‌ বা ফেলেই ন-যেম্‌।

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”

যিহোশূয় 4:14

সেদিন্যে লগেপ্রভু বেক্‌ ইস্রায়েলীয়গুনোর চোগোত্‌ যিহোশূয়রে সর্মান গুরিলো। সিয়েনত্তে মানুচ্চুনে মোশি ধোক্ক্যেন্‌ গুরিনে যিহোশূয়র পুরো জীংকানিগান ধুরিনে তারে ভোক্তি গুরিলাক্‌।

১ শমূয়েল 17:37

দায়ূদে আরঅ কলঅ, “লগেপ্রভু, যিবে মরে সিংহ আর ভালুগো মুয়োত্তুন্‌ রোক্ষ্যে গোজ্যে, তেয়ই মরে সেই পলেষ্টীয়গুনোর আঢত্তুন্‌অ রোক্ষ্যে গুরিবো।” সেক্কে শৌল দায়ূদরে কলঅ, “সালে যাহ্, লগেপ্রভু তর্‌ লগে থোক্।”

১ শমূয়েল 20:13

যুনি মঅ বাপ্পো তর্‌ অমংগল গুরিবাত্তে চাই আর মুই তরে ন-জানাং আর গমেডালে তরে পাধেই দিবার বেবস্থা ন-গরং সালে লগেপ্রভু যেনে মরে সাজা দে আর অমহদগুরিনে দে। লগেপ্রভু যেধোক্ক্যেন মঅ বাপ্পো সমারে এলঅ সেধোক্ক্যেন্‌ তর্‌ লগেয়ো থোক্‌।