যিহোশূয় 1:16 - Chakma Bible

¹⁶ জোবত্‌ তারা যিহোশূয়রে কলাক্, “তুই আমারে যেদক্কানি উগুম দুয়োচ্‌ সিয়েনি আমি পালন গুরিবোং আর আমারে যিদু পাদেবে সিয়োদোই যেবং।

যিহোশূয় 1:16 Iomraidhean Croise

ইষ্রা 10:4

তুই উঠ; এ বেপারে কাম গরানা দঅ তর্ দায়িত্ব। আমি তরে সাহায্য গুরিবোং, সেনত্যে তুই সাহসী ওইনে কাম গর্।”

গণাণা 32:25

সেক্কে গাদ আর রূবেণ-গুট্টির মানুচ্চুনে মোশিরে কলাক্, “তুই আমার্‌ গিরোজ, তুই আমারে যে উগুমান্ দিলে আমি, তর্‌ চাগরুনে, সিয়েনি পালন গুরিবোং।

গণাণা 32:31

এই কধাগান্‌ শুনিনে গাদ আর রূবেণ-গুট্টির্‌ মানুচ্চুনে কলাক্, “লগেপ্রভু যিয়েনি কোইয়্যে তর্‌ চাগরুনে সিয়েনই গুরিবাক্।

দ্বি’লম্বর বিররণ 34:9

নূনর পূঅ যিহোশূয় উগুরে মোশি আঢ্ বাজেয়্যে বিলিনে তে জ্ঞানদান গুরিয়্যে পবিত্র আত্মালোই পরিপূরোণ ওইয়্যে। সেনত্যে ইস্রায়েলীয়গুনে তার কধামজিম যাহ্ ধোজ্যন্‌ আর মোশির মাধ্যমে লগেপ্রভু তারারে যে উগুমান দিয়্যে সিয়েনি পালন গরা ধোজ্যন্‌।

দ্বি’লম্বর বিররণ 5:27

আমা গোজেন লগেপ্রভু যিয়েনি কোইয়্যে, তুইয়ো কায়-কুরে যেইনে সিয়েনি শুনি আয়। তে তরে যিয়েনি কবঅ সিয়েনি আমারে জানেই দিবে; আমি সিয়েনি শুনিনে সেধোক্ক্যেন চলিবোং।

তীত 3:1

গোজেনর্ মানুচ্চুনোরে মনত্ তুলি দে যেন তারা শাসনগুরিয়্যে আর যিগুনোর্ আঢত্ খেমতা আঘে তারার্ অধিনোত্ থান, বাধ্য অন্ আর মানুচ্চুনোরে যে কনঅ উপকার গুরিবাত্যে যুক্কোল্ থান্।

যিহোশূয় 1:15

লগেপ্রভু যেদকদিন তমা ধোক্ক্যেন গুরি তমা ভেইয়ুনোরেয়ো বেক্কানিত্তুন জিরেবাত্তে ন-দে আর যেদকদিন সং তারা তমার গোজেন লগেপ্রভুর দিয়্যে দেজ্‌চান গজক্ গুরি ন-নেযান্‌ সেদকদিন সং তুমি ভেইয়ুনোরে এজাল্‌ দিবা। সে পরেন্দি তুমি ফিরি এইনে তমার নিজোর জাগায়ানি পুরোপুরিগুরিনে গজক্ গুরি পারিবা যিয়েনি লগেপ্রভুর চাগর্‌ মোশি যর্দনর পূগেন্দি তমারে দি যেইয়্যে।”

যিহোশূয় 1:17

আমি যেন মোশির বেক্‌ কধানি মানি চুলিদোং, তর্‌ বেলায়ও সেধোক্ক্যেন গুরিবোং। তর গোজেন লগেপ্রভু যেধোক্ক্যেন মোশি লগে এলঅ সেধোক্ক্যেন যেন তঅ লগেও থায়।