যিহোশূয় 1:15 - Chakma Bible

¹⁵ লগেপ্রভু যেদকদিন তমা ধোক্ক্যেন গুরি তমা ভেইয়ুনোরেয়ো বেক্কানিত্তুন জিরেবাত্তে ন-দে আর যেদকদিন সং তারা তমার গোজেন লগেপ্রভুর দিয়্যে দেজ্‌চান গজক্ গুরি ন-নেযান্‌ সেদকদিন সং তুমি ভেইয়ুনোরে এজাল্‌ দিবা। সে পরেন্দি তুমি ফিরি এইনে তমার নিজোর জাগায়ানি পুরোপুরিগুরিনে গজক্ গুরি পারিবা যিয়েনি লগেপ্রভুর চাগর্‌ মোশি যর্দনর পূগেন্দি তমারে দি যেইয়্যে।”

যিহোশূয় 1:15 Iomraidhean Croise

১ করিন্হীয় 12:26

যুনি এক্কান ভাগর্ সর্মান অয় সালে বেক্ ভাগ্‌কানই তা সমারে হুজি অয়।

১ করিন্হীয় 13:5

ভান্ন্যেই বেবহার ন-গরে, নিজোর্ সুবিধের্ চেষ্টা ন-গরে, রাগ্ ন-গরে, কারঅ ভান্ন্যেই বেবহারর্ কধা মনত্ ন-রাগায়,

গালাতীয় 5:13

ভেইলগ্, স্বাধীন অবাত্যে দঅ গোজেনে তমারে ডাক্ক্যে। মাত্তর্ তমার পাপ খাচ্চ্যদর্ আওজ্‌চানি পূরেবাত্যে এই স্বাধীনতাগান্ বেবহার ন-গোজ্জ্য। তাত্তুন্ বরং কোচ্‌পানার মনভাব্‌পোই একজন অারেক্ জনরে সেবা গরঅ,

গালাতীয় 6:2

তুমি একজন আরেকজনর্ ভারান্ ভুগি লোইয়ো। এবাবোত্যেগুরি তুমি খ্রীষ্টর্ সুদোমানি পালেই পারিবা।

দ্বি’লম্বর বিররণ 3:18

সে পরেন্দি মুই তারারে কলুং, তমার গোজেন লগেপ্রভু এ জাগায়ান তমারে গজক্ গুরিবাত্তে দিয়্যে। মাত্তর্‌ তমা ভিদিরে যিগুনোর্‌ কিয়্যেত্‌ গং আঘে সেই বেক্‌ মানুচ্চুনোরে যুদ্ধোত্তে যুক্কোল্‌ ওইনে ইস্রায়েলীয় ভেইয়ুনোর্‌ আগে আগে গাঙান্‌ পার্‌ ওইনে যাহ্ পুরিবো।

দ্বি’লম্বর বিররণ 3:20

লগেপ্রভু যেদকদিন সং তমা ধোক্ক্যেন গুরি তমার্‌ ভেইয়ুনোরেয়ো জিরেবার্‌ সুযোগ নঅ-দে আর যর্দনর্‌ উই পারত্‌ যে দেজ্‌ছান তমা গোজেন লগেপ্রভু তারারে দিবাত্তে যার্‌ সিয়েন্‌ তারা অধিকার্‌ ন-গুরিনে সেদকদিন সং তমাত্তুন্‌ যুদ্ধো গুরিনে যাহ্ পুরিবো। সে পরেন্দি এই যে জাগা-জোমিগানি তমারে দিয়্যে অলঅ ইয়েনত্‌ তুমি ফিরি এই পারিবা।

দ্বি’লম্বর বিররণ 9:1

ইস্রায়েলীয়গুন্‌, শুনো। যিদুক্কুন জাদে তমাত্তুন মান্‌জ্যর সোংখ্যেন্দি আর বলেদি বেশ্‌ তুমি ইক্কিনে যেইনে তারার্‌ আগাজত্‌ বাস্যে দেবাল্লোই ঘিজ্যে দাঙর্‌ দাঙর্‌ শঅরানি গজক্ গুরিবাত্তে যর্দন গাঙান্‌ পার্‌ অবাত্তে যর্‌।

ফিলিপীয় 2:4

বানা নিজোরে লোইনে কামত্ ন-থেইয়ো, বরং একজন আরেক জনত্যে চিন্তে গরঅ।

যিহোশূয় 1:1

লগেপ্রভুর চাগর্‌ মোশির মরাণার পরেন্দি লগেপ্রভু মোশির এজাল্‌ দিয়্যে নূনর পুঅ যিহোশূয়রে কলঅ‌,

যিহোশূয় 1:14

যর্দনর পূগেন্দি যে জাগায়ান মোশি তমারে দিয়্যে সিদু তমা মোক্‌, পূঅ-ঝি আর এ্যমানপালুন্‌ রাগেই পারিবো, মাত্তর্‌ তমা ভিদিরেত্তুন্‌ যিগুনে যুদ্ধো গুরি পারন্‌ তারারে বেক্কুনোরে যুদ্ধো গুরিবাত্তে যুক্কোল্‌ ওইনে তমা ভেইয়ুনোর আগে আগে গাঙান্‌ পার ওইনে যাহ্‌ পুরিবো।

যিহোশূয় 1:16

জোবত্‌ তারা যিহোশূয়রে কলাক্, “তুই আমারে যেদক্কানি উগুম দুয়োচ্‌ সিয়েনি আমি পালন গুরিবোং আর আমারে যিদু পাদেবে সিয়োদোই যেবং।

যিহোশূয় 22:1

যিহোশূয় ইয়েন পরেন্দি রূবেণ আর গাদ-গুট্টির মানুচ্চুনোরে আর মনঃশি-গুট্টির অদ্দেক্‌ মানুচ্চুনোরে ডাগিনে কলঅ‌, “লগেপ্রভুর চাগর্‌ মোশি তমারে যেদক্কানি উগুম্‌ দিয়্যে তুমি সিয়েনি বেক্কানি পালেয়্য। সিয়েনি বাদে তুমি বেক্কানিত্‌ মঅ‌ উগুমোর্‌ বাধ্য থেইয়্য।