যিহোশূয় 1:11 - Chakma Bible

¹¹ “তুমি তাম্বুলোত্‌ যেইনে মানুচ্চুনোরে কগোই যেনে তারা তারার হানা-দানানি নিইনে যুক্কোল্‌ থান্‌। তারার গোজেন লগেপ্রভু যে দেজ্‌চান তারারে সোম্বোত্তি ইজেবে দিবাত্তে যার্‌ সিয়েনত যেইনে সিয়েনি গজক্ গুরি নেযেবাত্তে তিন দিনো ভিদিরে তারারে ইয়োত্তুন যর্দন গাঙান্‌ পার ওই যাহ্ পুরিবো।”

যিহোশূয় 1:11 Iomraidhean Croise

২ রাজাবলী 20:5

“তুই ফিরি যেইনে মঅ মানুচ্চুনোর্‌ নেতা হিষ্কিয়রে কঅ, তা পূরোণি মানুচ্‌ দায়ূদো গোজেন্‌ লগেপ্রভু এ কধাগান্‌ কোইয়্যেদে, ‘মুই তর্‌ তবনাগান্‌ শুন্যং আর তর্‌ চোগো পানিগান দেখ্যং। মুই তরে গম্‌ গুরিম্‌। ইক্কিনেত্তুন্‌ ধুরি তিন দিন পরেন্দি তুই লগেপ্রভুর ঘরত্‌ যেবে।

হোশেয় 6:2

কয়েকদিন পরে তেয়ই আরঅ আমারে বাজেব, আর আমারে আগ অবস্থাত্ ফিরেই আনিবো যেনে আমি তা মুজুঙোত্ বজত্তি গুরি পারিই।

দ্বি’লম্বর বিররণ 11:31

তমার গোজেন লগেপ্রভু যে দেজ্‌ছান তমারে দিবাত্তে যার্‌ সে দেজ্‌ছান গজক্ গুরিবাত্তে তুমি যর্দন গাঙান পার্‌ অবাত্তে যর্‌। তুমি যেক্কে সিয়েন্‌ গজক্ গুরিনে সিদু বজত্তি গুরিবাত্তে থেবা সেক্কে মুই তমারে এচ্চ্যে যেদক্কানি সুদোম আর উগুম্‌ দিলুং সিয়েনি হামাক্কাই পালন গুরিনে চলিবা।

দ্বি’লম্বর বিররণ 3:18

সে পরেন্দি মুই তারারে কলুং, তমার গোজেন লগেপ্রভু এ জাগায়ান তমারে গজক্ গুরিবাত্তে দিয়্যে। মাত্তর্‌ তমা ভিদিরে যিগুনোর্‌ কিয়্যেত্‌ গং আঘে সেই বেক্‌ মানুচ্চুনোরে যুদ্ধোত্তে যুক্কোল্‌ ওইনে ইস্রায়েলীয় ভেইয়ুনোর্‌ আগে আগে গাঙান্‌ পার্‌ ওইনে যাহ্ পুরিবো।

দ্বি’লম্বর বিররণ 9:1

ইস্রায়েলীয়গুন্‌, শুনো। যিদুক্কুন জাদে তমাত্তুন মান্‌জ্যর সোংখ্যেন্দি আর বলেদি বেশ্‌ তুমি ইক্কিনে যেইনে তারার্‌ আগাজত্‌ বাস্যে দেবাল্লোই ঘিজ্যে দাঙর্‌ দাঙর্‌ শঅরানি গজক্ গুরিবাত্তে যর্দন গাঙান্‌ পার্‌ অবাত্তে যর্‌।

যিহোশূয় 1:10

এ কধা শুনিনে যিহোশূয় মানুচ্চুনোর নেতাগুনোরে কলঅ,

যিহোশূয় 1:2

মঅ চাগর্‌ মোশি মুরি যেইয়্যে। সেনত্তে ইক্কিনে তুই আর বেক্‌ ইস্রায়েলীয়গুনে যর্দন গাঙান্‌ পার ওই যেবাত্তে যুক্কোল্‌ অ আর যে দেজ্‌চান মুই ইস্রায়েলীয়গুনোরে দিবাত্তে যাঙর্‌ সিয়েনত্‌ যঅ‌।

যিহোশূয় 3:2

তিন দিন পরেন্দি নেতাগুনে তাম্বুলর্ বেক জাগানিত্‌ যেইনে মানুচ্চুনোরে এ উগুমান দিলাক্‌, “যেক্কে তুমি তমার গোজেন লগেপ্রভুর সাক্ষ্য-সুন্দুক্কো লেবীয় ধর্মগুরুগুনোরে বুয়োই নেযেবাত্তে দেগিবা সেক্কে তুমি তমার জাগায়ান ছাড়িনে সিবে পিজে পিজে যাহ্ ধুরিবা।