যোনা 4:8 - Chakma Bible

⁸ যেক্কে বেলান্ উদিলো সেক্কে গোজেনে গরম পূগো বোইয়্যের্ বেঈ দিলো; সেক্কে যোনা মাঢাবোত্ এমন রোদ বাঁজিলো যে, তে পেরায়্ অজ্ঞান অইদ্যে ধোক্ক্যেন অলঅ। সেক্কে তে মুরিবাত্তে চেইনে কলঅ, “মর্ বাঁজি থানাত্তুন মুরি যানা গম্।”

যোনা 4:8 Iomraidhean Croise

পত্থম 41:6

সে পরেদি নিগিলিলাক্ আরঅ সাত্তো চবা শিজে। ইগুন্‌ পূগে বোইয়্যেরর্ গরমে শুগেই যেইয়োন।

১ রাজাবলী 19:4

মাত্তর্‌ তে নিজে ধূল্যেচর-চাগালা ভিদিরে একদিনো পথ উজেই গেলঅ। সিদু ইক্কো রোতম গাজর্‌ তলে বোইনে মুরিবাত্তে তবনা গুরিলো। তে কলঅ, “ও লগেপ্রভু, যদবদে ওইয়্যে। এবেরা তুই মঅ পরাণান্‌ নেযা; মুই দঅ মঅ পূরোণি মানুচ্চুনোত্তুন্‌ বেশ্‌ গম্‌ নয়।”

১ রাজাবলী 21:4

“মঅ বাপ-দাদার সোম্বোত্তিগানি মুই তরে ন-দিম্‌,” যিষ্রিয়েলীয় নাবোতর এ কধানিত্তে আহাবে মুয়োন্‌ কালা গুরিলো আহ্‌ কুজুক্ ওইনে ঘরত্‌ ফিরি গেলঅ। তে বিচ্ছোনত্‌ পুরিনে মুয়োন্‌ ফিরেই রলঅ, হেবাত্তে ন-চেলঅ।

ইয়োব 2:10

মাত্তর্‌ ইয়োবে তারে কলঅ, “তুই এক্কো বেদমা মিলে ধোক্ক্যেন্ কধা কোইয়োচ্‌। আমি গোজেন ইত্তুন্‌ কি বানা ভালেদি চেবং, অমংগল ন-চেবং?” ইয়েনি ঘুদি গেলেয়ো ইয়োবে তা কধালোই পাপ ন-গুরিলো।

ইয়োব 7:15

সেক্কেনে এ কংকাল কিয়্যেলোই বাঁজি থানাত্তুন্‌ যে কনজনে মরে নিজেস্‌ বন্ধ গুরিনে মরে মারে ফেলোক্‌ সিয়েনই মুই চাং।

গীতসংহিতা 121:6

দিনোত্ বেলান্ আর রেদোত্ চানানে তরে খেতি ন-গুরিবাক্।

গীতসংহিতা 39:9

মুই জুরো গুরি আগং, মুয়োন ন-খুলিম, কিয়া তুয়ই এ দুঃখানি অবাত্তে দুয়োচ্।

উপদেশক 7:9

তঅ রিবেঙানরে যাদিমাদি রাগ্ গুরিবাত্তে ন-দিচ্, কিত্তে রাগ্‌কান ভুল্ মানুচ্চুনোর্ রিবেঙত্ বজত্তি গরে।

পরমগীত 1:6

মুই কালা বিলিনে মন্দি এবাবোত্যেগুরি চেই ন-থেচ্, কিত্তে বেলানে মঅ রঙান্ কালা গোজ্যে। মঅ ভেইয়ুনে মঅ উগুরে রাগ্ গরন্ আংগুর খেদ্‌তান রিনি চেবার্ ভারান্ মরে দুয়োন্, সেনত্তে মঅ নিজো আংগুর খেত্ চানাগান্ মুই ন-গরং।

যিশাইয় 49:10

তারার পেট্ ন-পুরিবো, পানি তিরেস্অ ন-পেবঅ বা ধূল্যেচরর গরম বা বেলানর রোদে তারারে আঘাত গুরি ন-গুরিবো। তারা উগুরে যিবের্ মেয়্যে আঘে তেয়ই তারারে পথ্‌তান দেগেব আর পানির পয়নালা ইদু নেযেব।

যিহিষ্কেল 19:12

মাত্তর্ লগেপ্রভু তার রাগে সিবে উগুরেনে মাদিত্ ফেলেই দিলো। পূগে বোইয়্যেরে সিবে শুগেই গেলঅ, তা গুলোগুলিগুন ঝুরি পড়িলাক্; তার দরমর ডেলাগুন ভাঙিনে শুগেই গেলাক্, আর আগুনানে সিগুন পুড়ি ফেলেল।

হোশেয় 13:15

যুনিয়ো বা ইফ্রয়িমে তা ভেইয়ুনো ভিদিরে ফলায় তো লগেপ্রভুত্তুন্ এক্কান পূগো বোইয়্যের ধূল্যেচর-চাগালাত্তুন্ বেঈ এবঅ; তার্ পয়নালাবোত্ পানি ন-থেবঅ আর তার্ কুয়োবো শুগেই যেবঅ। তার্ ভান্ডালর্ বেক মংগা জিনিসচানি লুদো অবঅ।

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।

যোনা 1:17

ইন্দি যোনারে গিলি ফেলেবাত্তে লগেপ্রভু এক্কো দাঙর্ মাছ ঠিগ্ গুরি রাগেয়্যে। যোনা সেই মাছ পেদত্ তিন দিন তিন রেত্ রলঅ।

যোনা 1:4

সেক্কে লগেপ্রভু সাগরত্ এক্কান দাঙর্ বোইয়্যের্ পাধেই দিলো। সেক্কে এমন দর্‌‌‌গরেপারা এক্কান ঝড় অলঅ, জাহাজ্‌‌‌চান ভাঙি যাইদ্যে ধোক্ক্যেন অলঅ।

যোনা 4:3

ইক্কিনে ও লগেপ্রভু, তুই মঅ পরাণান্ নেযা, কিত্যে মর্ বাঁজি থানাত্তুন্ মুরি যানাগান গম্।”

যোনা 4:9

মাত্তর্ গোজেনে যোনারে কলঅ, “সে গাজ্‌‌‌‌চো পৌইদ্যেনে রাগ গরানা কি তর্ উজিত্ অর্?” যোনা কলঅ, “সিয়েনর্ কারণ আঘে। মুই মরণ সং রাগ গুরি থেইম্।”

মথি লেখ্যে গম্ হবর্ 20:12

আমি গোদা দিন্নো রোদোত্ পুড়িনে কাম্ গোজ্যেই। মাত্তর্ যিগুনোরে যেরেদি কামত্ লাগা ওইয়্যে তারা বানা এক ঘন্টা কাম্ গোজ্যন্, অদচ তারারে তুই আমা সং সং বেতন দিলে।

ফগদাং পেইয়্যে 3:19

মুই যিগুনোরে কোচ্‌পাং সিগুনোরে দুষ্ দেগেই দুয়োং আর শাসন গরং। সেনত্যে এ অবস্থাত্তুন্ মনানি ফিরেবাত্যে আওজি অং।

ফগদাং পেইয়্যে 7:16

ইগুনোর্ আর পেট্ ন-পুরিবো, তিরেচ্অ ন-পেবঅ; বেলানর্ তেজ্‌‌চান ইগুনো কিয়্যেত্ আর ন-লাগিবো,

১ শমূয়েল 3:18

সেক্কে শমূয়েল এলিরে বেক্‌ কধানি ভাঙি কলঅ, কিচ্ছু ন-লুগেল। সিয়েনি শুনিনে এলি কলঅ, “তেয়ই লগেপ্রভু; তাইদু যিয়েন গম্‌ লাগে তে সিয়েনই গোরোক্।”