যোনা 3:8 - Chakma Bible

⁸ মানুচ্ আর য়েমানে বস্তা পাদা পিনোদোক্। পত্তিজনে বেক্ বলান্দোই গোজেনরে ডাগোদোক্ আর ভান্ন্যেই পথ আর কুজুরোমীর্ কামানি ছাড়ি দেদোক্।

যোনা 3:8 Iomraidhean Croise

ইয়োব 16:17

তো মুই কাররে অত্যেচার্‌ ন-গরং মঅ তবনাগান খাটি আঘে।

ইয়োব 36:10

তে তারার বুদুলিবাত্তে সল্লা দে আর ভান্ন্যেয়ত্তুন মনান ফিরেবাত্তে উগুম দে।

যিশাইয় 58:6

আজলে মুই এবাবোত্যে উবোস্ থানাগান্ চাং: তুমি অবিচারর শিগোল্ আর জুঙোল দুড়িগান খুলি দুয়ো, অত্যেচারিত গুনোরে মুক্তি দুয়ো আর পত্তি জুঙোল্ ভাঙি ফেলঅ,

যিশাইয় 59:6

তারার মাগড়গ জালত্ কাবড় ন-অয়; তারা যিয়েনি উরোন্ সিয়েনিলোই নিজোরে নাঢি ন-পারন্। তারার বেক্ কামানি ভান্ন্যেই, তারা আঢত্ আগেদে ক্ষতি গুরিবার কামানি।

যিরমিয় 18:11

“সেনত্তে ইক্কিনে তুই যিহূদার মানুচ্চুনোরে আর যিরূশালেমর আদাম্মেগুনোরে কঅ, লগেপ্রভু কোইয়্যেদে, ‘চঅ, মুই তমাত্তে দজা আনিবার বেবস্থা গোজ্যং আর তমা বিরুদ্ধে এক্কান পরিকল্পনা গোজ্যং। সেনত্তে তুমি বেক্কুনে তমা ভান্ন্যেই পধত্তুন ফিরো আর তমার আদাউদো আর কামানি গম্ গর।’

যিরমিয় 25:5

তারা লগেপ্রভুর এ কধাগান কোইয়োন, তুমি পত্তিজনে ইক্কিনে তমা ভান্ন্যেই পধত্তুন আর ভান্ন্যেই কামানিত্তুন্ ফিরো, সেক্কে যে দেজ্‌চান মুই তমার্ ‌আর তমা পুরোণিমানুচ্চোরে দুয়োং সেই দেজত্ তুমি জিংকানিবর্ থেই পারিবে।

যিরমিয় 26:3

অয়ত তারা শুনিবাক্ আর পত্তিজনে তারার ভান্ন্যেই পধত্তুন ফিরি এবাক্। সালেন্ তারার ভান্ন্যেই কামানিত্তে মুই তারা উগুরে যে দজাগান্ আনিবার পরিকল্পনা গোজ্যং সিয়েন আর ন-আনিম।

যিরমিয় 36:3

যিহূদা মানুচ্চুনো উগুরে যেদক্কানি দজা ঘুদিবার বিষয় ঠিগ্ গোজ্যং অয়ত তারা সে কধানি শুনিনে পত্তিজনে তারার ভান্ন্যেই পধত্তুন ফিরিবাক্; সেক্কে মুই তারার ভান্ন্যেই আর পাপ্‌‌‌পানি খেমা গুরিম।”

যিহিষ্কেল 33:11

তুই তারারে কঅ, মুই প্রভু লগেপ্রভু, মর্ জিংকানির নাঙে কঙর্, পাজি মানুচ্চুনোর মরণত্তে মুই কনঅ হুজি ন-অং, বরং তারা যেন ভান্ন্যেই পধত্তুন্ ফিরিনে বাঁজন্ সিয়েন্দোই মুই হুজি অং। ও ইস্রায়েল জাদ্, তুমি ফিরো, তমা ভান্ন্যেই পধত্তুন্ তুমি ফিরো। কিত্তে তুমি মুরি যেবা?

দানিয়েল 4:27

সেনত্তে ও মহারাজ, তুই মঅ সল্লাগান ধর্। তুই ন্যায় কাম্ গুরিনে আর নাঢাগুনো উগুরে দোয়্যেলু ওইনে তর্ পাপ আর অন্যেয়ানি ছাড়ি দে। সালে অয়ত তর্ গম্ অবস্থা থির্ থেবঅ।”

যোয়েল 1:14

তুমি সুদ্ধো-সাংগ উবোস্ থানার বেবস্থা গরঅ; এক্কো বিশেষ তেম্মাং ডাগঅ। বুড়ো নেতাগুনোরে আর দেজত্ বজত্তি গুরিয়্যে বেক্কুনোরে তমা গোজেন লগেপ্রভুর ঘরত্ ডাগি আনঅ আর লগেপ্রভু ইধু কানাকুদি গরঅ।

যোনা 1:14

সেক্কে তারা লগেপ্রভুরে ডাগিনে কলাক্, “ও লগেপ্রভু, এ মানুচ্চোর মরণর্ কারনে আমাত্তুন্ যেন মরা ন-পড়ে। এক্কো নিদ্দুজি মান্‌জ্যর্ মরণর্ কারনে তুই আমারে দায়ী ন গুরিচ্, কিয়া ও লগেপ্রভু, তুই দঅ তর্ আওজ্ মজিম কাম গোজ্যস্।”

যোনা 1:6

সেক্কে জাহাজ কেপ্টিন্নো যোনা ইধু যেইনে কলঅ, “তুই কিবাবোত্যেগুরি ঘুম যর্? উদিনে তঅ দেবেদাবোরে ডাগ্। তে অয়ত আমা ইন্দি মনযোগ দিবো আর সেক্কে আমি ভস্ত ন-অবং।”

মথি লেখ্যে গম্ হবর্ 3:8

গম্ ওইয়্যে, তুমি যে পাপত্তুন্ মনানি ফিরেয়ো সিয়েনির্ যগাজ্যে ফল্ তমা জিংকানিত্ দেগঅ।

প্রেরিত্‌ 26:20

যিগুনে দামেস্কত্ আঘন্ পত্তমে তারা ইধু, সে পরেদি যিগুনে যিরূশালেমত্ আর গোদা যিহূদিয়া রেজ্যত্ আঘন্ তারা ইধু আহ্ অযিহূদীগুনো ইধুয়ো মুই প্রচার গোজ্জ্যং, পাপত্তুন্ মনানি ফিরেইনে গোজেন ইন্দি তারার্ ফিরেনা উচিত্, আর এমন্‌ কাম্ গরানা উচিত্ যিয়েন্দোই প্রমাণ পায় যে, তারা মনানি ফিরেয়োন্।

প্রেরিত্‌ 3:19

ইয়েনত্যে তুমি পাপত্তুন্ মনানি ফিরেইনে গোজেন ইন্দি ফিরো যেন তমা পাপ্পানি পুযি ফেলা অয়;

ফগদাং পেইয়্যে 11:3

মাত্তর্ মুই মর্ দ্বিজন সাক্ষীরে এন্‌ খেমতা দিম যে কারনে তারা বস্তা পিনিনে এক আজার দ্বিশ ষায়েট দিন সং ভাববাদী ইজেবে কধা কবাক্।”