যোনা 3:10 - Chakma Bible

¹⁰ তারা যিয়েন গোজ্যন্ আর কেধোক্ক্যেন গুরি তারার্ ভান্ন্যেই পদত্তুন্ ফিজ্যন্ সিয়েন যেক্কে গোজেনে দেগিলো সেক্কে তে তার্ মনান্ ফিরেল। তে যে অমংগল গুরিবো কোইয়্যে সিয়েন ন-গুরিলো।

যোনা 3:10 Iomraidhean Croise

১ বংশধর 21:15

যিরূশালেম শঅরান ভস্ত গুরিবাত্তে গোজেনে এক্কো দূতোরে পাধেই দিলো। মাত্তর্‌ সে দুত্‌তো যেক্কে সে কামান্‌ গুরিবাত্তে যার্‌ সেক্কে লগেপ্রভু সে অমকদ সাজা দেনাত্তুন্‌ মনান্‌ ফিরেল। সে ভস্তগুরিয়্যে স্বর্গদুত্‌তোরে তে কলঅ, “থাগ্‌, যদবদে ওইয়্যে, এবেরা তঅ আত্তান্‌ বাদি গর্‌।” লগেপ্রভুর দূত্‌তো সেক্কে যিবূষীয় অরৌণার খামার ইদু থিয়্যেই এলঅ।

যাত্রা 32:14

এই কধাগান্‌ শুনিনে লগেপ্রভুর্‌ মনত্‌ দোয়্যে অলঅ‌। তার্‌ মানুচ্চুনো উগুরে যে দজাগানি আনিবার্‌ কধা তে কোইয়্যে সিয়েনি আর তে ন-আনিলো।

গম্ উপদেজ্ 28:13

যে মানুচ্চো নিজোর পাপ গুমুরোত্ রাগায় তার ভালেদি ন-অয়, মাত্তর্ যে সিয়েনি স্বিগের্ গুরিনে ছাড়ি দে তে দোয়্যে পায়।

যিশাইয় 30:18

তো লগেপ্রভু তমা উগুরে দোয়্যে গুরিবাত্তে বাজ্জেই আঘে; তমারে মেয়্যে গুরিবাত্তে তে যুক্কোল্ ওই আঘে। লগেপ্রভু ন্যায়বিচেরর্ গোজেন; যিগুনে তাত্তে বাজ্জেই আগন্ তারা বর্ পেইয়্যে।

যিরমিয় 18:7

কন্ সময় মুই কন্ জাতি বা রেজ্যর্ শিঙোর্ সুমুত্তো উগুরে ফেলেবার, ভাঙি ফেলেবার আর ভস্ত গুরিবার কধা ফগদাং গুরিলে যুনি সেই জাদ্‌তো মর্ উজিয়ার কধা শুনিনে তার ভান্ন্যেয়ত্তুন ফিরে, মাত্তর্ মুই যে দজাগান আনিবাত্তে ঠিগ্ গোজ্যং সিয়েন তা উগুরে ন-আনিম। ‌‌

যিরমিয় 36:3

যিহূদা মানুচ্চুনো উগুরে যেদক্কানি দজা ঘুদিবার বিষয় ঠিগ্ গোজ্যং অয়ত তারা সে কধানি শুনিনে পত্তিজনে তারার ভান্ন্যেই পধত্তুন ফিরিবাক্; সেক্কে মুই তারার ভান্ন্যেই আর পাপ্‌‌‌পানি খেমা গুরিম।”

যিরমিয় 42:10

তুমি যুনি দেজত্ থাগঅ সালে মুই তমারে তুলিম, ভাঙি ন-ফেলেম; মুই তমারে লাগেই দিম্, উগুরে ন-ফেলেম, কিত্তে তমা উগুরে যে দজাগান আন্যং সিয়েনত্তে মুই মনত্ দুঘ্ পেইয়োং।

যোয়েল 2:13

তমা পোজাক্কানি ন-ফাদিনেই মনান্ ফাদি ফেলঅ। তমা গোজেন লগেপ্রভু ইধু ফিরি এজঅ, কিত্যে তে দোয়্যেবলা আর মেয়্যেলোই ভরা; তে সহজে বেজার্ ন-অয়, তার অমকদ কোচ্‌‌পানার দুযি নেই আর তে মনান্ বুদুলিনে আর্ সাজা ন-দে।

আমোষ 7:3

সেক্কে লগেপ্রভু মনান্ ফিরেইনে কলঅ, “সেবাবোত্যে আর ন-ঘুদিবো।”

আমোষ 7:6

সেক্কে প্রভু লগেপ্রভু মনান্ ফিরেইনে কলঅ, “সেবাবোত্যে ন-ঘুদিবো।”

যোনা 4:11

মাত্তর্ নীনবীত্ এক লাখ্ কুড়ি আজারর্‌অ বেশ্ চিগোন গুরো আগন্ যিগুনে হবর্ ন-পান কুবোন ডেন্ আত্ আর কুবোন বাং আত্; ইগুন বাদেয়ো বোউত্ গোরু-ভেড়ায়ো আগন্। সালে মুই কি গুরিম? মুই কি সেই দাঙর্ শঅরানত্তে মেয়্যে ন-গুরিম?

যোনা 4:2

তে লগেপ্রভু ইধু তবনা গুরিনে কলঅ, “ও লগেপ্রভু, মুই দেজত্ থাগদে হবর্ পেদুং যে, এবাবোত্যে অবঅ। সেনত্তে দঅ মুই পত্তমে তর্শীশোত্ ধেই যাঙর্। মুই হবর্ পেদুং যে, তুই দোয়্যেবলা আর মেয়্যেলিবলা গোজেন, তুই সহজে বেজার্ ন-অচ্, তর্ অমকদ কোচ্‌পানার দুযি নেই আর সাজা দেনার্ পৌইদ্যেনে মনান্ বুদুলি থাচ্।‌

লূকে লেখ্যে গম্ হবর্ 11:32

বিচের দিনোত্ নীনবী শঅর মানুচ্চুনে উদিনে এ কালর্ মানুচ্চুনোরে দুষ্ দেগেই দিবাক্, কিয়া নীনবীর মানুচ্চুনে যোনার প্রচারর্ কারনে পাপত্তুন্ মনানি ফিরেয়োন্; আর চঅ, ইয়েনত্ যোনাত্তুন্অ আরঅ দাঙর্ এক্কো আঘে।

লূকে লেখ্যে গম্ হবর্ 15:20

ইয়েন কোইনে তে উদিনে তা বাবঅ ইধু গেলঅ। তে দূরোত্ থাগদে তারে দেগিনে তা বাবর্ ভারী চিত্‌ পুল্ল্য। তে ধাবা যেইনে তারে বেড়েই ধুরিনে চুমিলো।