যোনা 2:8 - Chakma Bible

⁸ যিগুনে অকেজর্ মূত্তিগুনোর্ পূজো গরন তারা তর্ যে দোয়্যে পেদাক্ সিয়েন য়েলাফেলা গরন,

যোনা 2:8 Iomraidhean Croise

২ রাজাবলী 17:15

তারা তার্‌ বেক্‌ সুদোমানি, তারার্‌ পূরোণি মানুচ্চুনোত্তে থিদেবর্ গোজ্যে তার্‌ সুদোমান্‌ আর তারা ইদু তার্‌ দিয়্যে উজিয়ারর্‌ কধানি মানদে অস্বীগের্‌ গোজ্যন্‌। তারা বাজে মূত্তি পূজো গুরিনে নিজেয়ো বাজে ওই পোজ্যন্‌। লগেপ্রভু যিগুনো ধোক্ক্যেন চলিবাত্তে ইস্রায়েলীয়গুনোরে মানা গোজ্যে তারা তারার্‌ চেরোকিত্তে সে জাত্তুনোর্‌ ধোক্ক্যেন চলিদাক্‌।

গীতসংহিতা 142:4

মঅ ডেনেন্দি রিনি চাহ্, মরে চিনোন্ এবাবোত্যে কনজন নেই। মর্ ধেই যেবার কনঅ জাগা নেই; কনজনে মঅ পরাণানত্তে চিদে ন-গরন্।

গীতসংহিতা 31:6

যিগুনে বাজে মুত্তিগুনোরে ভোক্তি গরন মুই তারারে ঘিনাং; মাত্তর্ মুই লগেপ্রভু উগুরে বিশ্বেজ্ গরং।

গীতসংহিতা 69:14

ফুদোত্তুন্ মরে উদ্ধোর গর্, মরে ডুবিবাত্তে ন-দিচ্; মঅ শত্রুগুনোর আঢত্তুন্ তুই মরে উদ্ধোর গর্, উদ্ধোর গর্ গভিন পানি ভিদিরেত্তুন্।

যিরমিয় 10:8

তারা বেক্কুনে জ্ঞাননেইয়্যে আর ভুল্। তারার মূত্তিগুন দঅ তক্তালোই বানেয়্যে, সিগুনে কেধোক্ক্যেন গুরি শিক্ষ্যে দিবাক্?

যিরমিয় 16:19

ও লগেপ্রভু, মর্ খেমতা, মর্ ঘর, মর্ দুঘো সময়োর আশ্রয়, পিথ্‌তিমীর শেজ্ দুযিত্তুন অন্য জাদ্‌‌তুনে তইধু এইনে কবাক্, “আমা পুরোণি মানুচ্চুনে এমন মিজে দেব-দেবেদা আর অপদাত্ত মূত্তির্ গিরোজ্ এলাক্ যিয়েনিলোই তারার কনঅ লাভ ন-অয়।‍‍‍

যিরমিয় 2:13

কিত্তে মঅ মানুচ্চুনে দ্বিয়েন পাপ গোজ্যন্। জিংকানিবলা পানির পয়নাল্ সিবে যে মুই তারা মরে ফেলেই যেইয়োন, আর নিজোত্তে তারা এমন্ পানি রাগেবার জাগা বানেয়োন যিবে ভাঙা, যিয়েনত্ পানি রাগা ন-যায়।

মীখা 1:2

ও জাদ্‌‌তুন, তুমি বেক্কুনে কান্ পাদঅ; ও পিত্‌‌থিমীগান আর সিয়েন ভিদিরে বেক্কানি, শুনো। প্রভু লগেপ্রভু তা পবিত্র ঘরানত্তুন্ তমা বিরুদ্ধে সাক্ষ্য দিবো।

১ শমূয়েল 12:21

তুমি তাত্তুন্‌ সুরি ন-যেইয়ো, কিত্যে সিয়েন গুরিলে তুমি অসার দেব-দেবেদাগুনোর পিজেন্দি যেবা। সিগুন অসার বিলিনে তমার কনঅ উপকারঅ গুরি ন-পারিবাক্ আর তমারে রোক্ষেয়ো গুরি ন-পারিবাক্।