যোনা 2:6 - Chakma Bible

⁶ মুই ডুবিনে মুড়োবো গড়াগান সং গেলুং; মরণ জাগায়ানে উমরত্তে মরে আক্‌‌‌‌সোই রাগেল। মাত্তর্ ও মর্ গোজেন লগেপ্রভু, তুই সিয়েনত্তুন্ মরে তুলি আনিলে।

যোনা 2:6 Iomraidhean Croise

ইয়োব 33:24

সালে তে তা উগুরে দয়্যেলু ওইনে হোক্, মরণর জাগাত লামে নেযানাত্তুন তারে বাদ দুয়ো; মুই তাত্তেই উদ্ধোর দাম পেইয়োং।

ইয়োব 33:28

মরণর জাগাত্ লামানার আধত্তুন তে মঅ পরাণান মুক্তো গোজ্যে; মুই পহর্ দেগঙর্।

গীতসংহিতা 104:6

তুই পিত্‌থিমীগানরে কাবড়্‌লোই ঢাগেদে ধোক্ক্যেন গুরি সাগর পানিলোই ঢাগি দুয়োচ্; মুড়ো-মুড়িগুনো সেই পানিলোই ঢাক্যে এলঅ।

গীতসংহিতা 104:8

মুড়ো-মুড়িগুন আরঅ অজল ওই উদিলাক্, বেক্ কলগ্‌কানি আরঅ তলে পুরিলো; তুই যে জাগায়ান ঠিগ্ গুরি রাগেয়োচ্ সিয়নি সিদ্দুর সং যেইনে লুমিলো।

গীতসংহিতা 116:3

মরণর দুড়িত্ মুই বানা হেইয়োং, চিদেশালর পিড়ে মরে পেইয়্যে; মুই অমকদ দুঘ্ পাঙর্।

গীতসংহিতা 143:7

ও লগেপ্রভু, তুই মরে যাদিমাদি জোব্ দে, কিত্তে মঅ পরাণানে যেন নিগিলি যাত্তে ধোক্ক্যেন্; মইদু তঅ মুয়োন ফিরেই ন-রাগেচ্, গোরত্ যিগুনোরে লামাদন্ মুই তারা ধোক্ক্যেন্ যেন ন-অং।

গীতসংহিতা 16:10

কিয়া তুই মরে মরণ জাগাত্ ফেলেই ন-রাগেবে, তর্ ভক্তবোর্ কিয়্যেগানরে তুই বর্‌বাদ্ অবাত্তে ন-দিবে।

গীতসংহিতা 18:5

মরণ দুড়িত্ মুই বানা হেইয়োং, মত্তেই মরণ ফাল্ পাদা ওইয়্যে।

গীতসংহিতা 30:3

ও লগেপ্রভু, তুই মরে মরণর জাগাত্তুন্ তুলি আন্যচ্; তুয়ই মরে বাঁজে রাগেয়োচ্ যেনে সেই গাত্তোত্ মত্তুন্ লামা ন-পড়ে।

গীতসংহিতা 30:9

“মর্ মরণত্ বা মরণর জাগাত্ যানাগান কি লাভ? ধূল্যেগানে কি তর্ বাঈনী গুরিবো বা তর্ বিশ্বেজ্‌ছান ফগদাং গুরিবো?

গীতসংহিতা 55:23

মাত্তর্ ও গোজেন, তুই খুনি আর ছলনাগুরিয়্যেগুনোরে মরণর জাগাত ফেলেই দিবে, আর সিয়েন গুরিবাদে তারার আয়ুর অদ্দেক্ শেজ্ অবার আগেন্দি; মাত্তর্ মুই তঅ উগুরে বিশ্বেজ্ গুরিম।

গীতসংহিতা 65:6

তর্ খেমতালোই বেক মুড়ো-মুড়িগুন থিয়্যেই আগন্; ইয়েন্দোই ফগদাং অয় তুই খেমতাবলা।

গীতসংহিতা 69:2

মুই গভিন পুদোত্ ডুবঙর্, সিয়েনত্ মর্ থিয়্যেবার জাগা নেই। মুই গভিন পানিত্ এইনে পোজ্যং; বান পানিয়ে মঅ উগুরেন্দি বেই যার্।

যিশাইয় 38:10

মুই কোইয়োঙে, “মঅ জিংকানির অদ্দেগত্ কি মত্তুন্ মরণ জাগানর দোরান ইন্দি সমা পুরিবো? আর মর্ বাদবাগি বজরুনোত্তুন্ কি মরে বঞ্চিত গরা অবঅ?”

যিশাইয় 38:17

“ঘেচ্চেকগুরি মর্ ভালেদিত্তে মুই এ অমকদ দুঘ্‌‌কানি ভোগ গোজ্যং, মাত্তর্ ভস্তর্ গাদত্তুন তর্ কোচ্‌পানালোই তুই মরে উদ্ধোর্ গোজ্যস্। মর্ বেক পাপ্‌‌‌পানি তুই পিজেদি ফেলেই দুয়োচ্।

যিশাইয় 40:12

কন্না তা আঢ কুলুঙোত্ পিথ্‌তিমীর বেক্ পানিগানরে মাপ্যে‌ বা তার্ বিঘত্‌‌তোই আগাজ দুযিগান্ মাপ্যে? কন্না পিত্‌‌থিমীর ধূল্যেগানি ঝলা ভিদিরে ভোরেয়্যে বা পাল্লালোই মুড়িমুড়িগুন্ মাপ্যে?

যিহিষ্কেল 26:20

সেক্কেনে মুই তরে মরণ জাগাত যেইয়্যে মানুচ্চুনো সমারে পুরোনা দিনো মানুচ্চুনো ইধু তলে লামেই দিম। মুই তরে পিত্‌‌‌‌‌‌‌‌‌‌থিমীর গভীনোত্ পুরোনা দিনোর ভস্তওইয়্যে জাগানর সংমোধ্যে মরণ জাগাত্ যেইয়্যে মানুচ্চুনো সমারে বজত্তি গোরেম। তঅ ভিদিরে আর কনজনে বজত্তি ন-গুরিবাক্ আর জেদাগুনো দেজত্ তর্ জাগা ন-অবঅ।

যিহিষ্কেল 31:14

সিয়েনত্তে পানি পার অন্য কনঅ গাজে অহংকারে অজল্ ন-অবঅ, তার মাঢাবো আগাজত্ ন-লুমিবো আর তে এদক্ অজলজত্‌অ ন-লুমিবো। তারা বেক্কুনে মান্‌‌‌‌জ্য ধোক্ক্যেন মরণর্ তলে; তারা পিত্‌‌‌‌থিমীর গভীনোত্, অত্তাৎ মরণ জাগাত্ লামিবাত্তে ঠিগ্ ওই আগন।

হবক্‌‌‌‌কূক 3:10

মুড়ো-মুড়িগুন তরে দেগিনে গির্‌গিরে উদিলাক্। অমকদ পানি গঙার্ বেঈ গেলঅ; গভীন্ পানিগানে গুজুরি উদিলো আর তার্ তুবোলুন্ উগুরে তুলিলো।

হবক্‌‌‌‌কূক 3:6

তে থিয়্যেইনে পিত্‌থিমীগানরে লাড়ার্; তে রিনি চেইনে জাদ্‌তুনোরে গির্‌গিরে তুলের্। পুরোণি দিনোর্ মুড়ো-মুড়িগুন কট্টা কট্টা ওই যাদন্ আর পুরোণি যুগোর্ মুড়োগুন ভাঙি পত্তন্। উমর কালত্তুন্ ধুরি তা পথ্‌তানর কনঅ পরিবত্তন্ নেই।

মথি লেখ্যে গম্ হবর্ 16:18

মুই তরে কঙর্, তুই পিতর, আর এ পাত্তর উগুরে মুই মর্ মন্ডলীবো গোড়েই তুলিম। নরগর্ কনঅ খেমতা সিবে উগুরে জিদি ন-পারিবো।

দ্বি’লম্বর বিররণ 32:22

মর্‌ রাগর আগুনান জুলি উঠ্যে; সেই আগুনান জ্বলের গোরর্ বেগত্তুন তলেন্দি জাগান সং। সেই আগুনান পিত্‌থিমী আর তার বেক ফসলানি হেই ফেলেব আর আগুনান্ লাগেব বেক মুড়োবোর গড়াত্‌।