যোনা 2:10 - Chakma Bible

¹⁰ পরেদি লগেপ্রভু মাছ্‌‌‌‌‌সোরে উগুম দিলো আর মাছ্‌‌‌‌‌সো যোনারে শুগুনো মাদি উগুরে উগুলিনে নিগিলেই দিলো।

যোনা 2:10 Iomraidhean Croise

পত্থম 1:11

সিয়েন পরেদি গোজেনে কলঅ, “মাদি উগুরে খের্‌ উদোক্‌; আর এন্‌ শোজ্য আহ্ শাক-পাদর্ গাছ্‌ ওদোক্‌ যিগুনোর নিজোর নিজোর বিজি থেবঅ। মাদি উগুরে নানান্‌ জাদর গুলো-গুলি গাছঅ উদদোক্‌ যিগুনোত্‌ নিজোর নিজোর গুলো-গুলি ধুরিবাক্; আর সে গুলো-গুলিগুনো ভিদিরে থেবাক্ তারার নিজোর নিজোর বিজি।” আর সিয়েনই অলঅ।

পত্থম 1:14

সিয়েন পরেদি গোজেনে কলঅ, আগাজ ইধু পহ্‌র অয়্‌ এবাবোত্যে বেক্কুন দেগা যোগ্‌, আর সিগুনে রেদত্তুন্ দিন্নোরে ফারক্ গোত্তোক্‌। সিগুনে যুদো যুদো দিন, ঋতু আর বজরত্যে চিহ্ন ওই থাদোক্‌।

পত্থম 1:3

গোজেনে কলঅ, “পহ্‌র ওক্‌।” আর সেক্কে পহ্‌র অলঅ। তে দেগিলোদে সিয়েন জদবদে দোল্‌ ওইয়্যে। তে আন্ধারত্তুন্‌ পহ্‌রানরে ফারক্‌ গুরিনে পহ্‌রান নাঙান্‌ দিলো দিন আর আন্ধারান নাঙান্‌ দিলো রেত্‌। এধোক্কেনগুরি সাজোন্যে গেলঅ বেন্যেমাদান্ এলঅ, আর সিয়েনি অলঅ পত্তম দিনোত্‌।

পত্থম 1:7

এধোক্ক্যেনগুরি গোজেনে পানিগান ভিদিরে এক্কান ফারক্‌ জাগার সৃট্টি গুরিলো আরঅ তলে-উগুরে পানিগান ফারক্‌ গুরিলো। সেক্কে উগুরে পানিগান আর তলে পানিগান ফারক্ ওই গেলঅ।

পত্থম 1:9

ইয়েন পরেদি গোজেনে কলঅ, “আগাজ তলেদি বেক্‌ পানিগান এক্কান জাগাত্‌ জমা ওক্‌ আর শুগুনো জাগা দেগা দুয়োগ্‌।” আর সিয়েনই অলঅ।

গীতসংহিতা 105:31

তা কধালোই ঝাক্ ঝাক্ পুক্ এলাক্, তারার দেজত্ মশা ছিদি পড়িলাক্।

গীতসংহিতা 105:34

তা কধালোই পুক্-যুক্ আর গুণি ন-পুরেইয়্যে ফিড়িঙ্ এলাক্;

গীতসংহিতা 22:26

নম্র মানুচ্চুনোর্ হেইনে ঈল্ অবঅ; যিগুনে লগেপ্রভুর আওজ্ মজিম্ চলন্ তারা তার্ বাঈনী গুরিবাক্। তারা জিংকানিবর্ জেদা থেবাক্।

গীতসংহিতা 33:9

কিত্যে তে কলঅ আর বেক্কানি বানা অলঅ; তে উগুম দিলো আর বেক্কানি থিদেবর্ অলঅ।

যিশাইয় 38:20

লগেপ্রভু মরে রোক্ষ্যে গোজ্যে, সেনত্তে আমা জিংকানির বেক্ দিনুনোত্ লগেপ্রভুর ঘরত্ তারর্ বাজনা সমারে আমি গান গেবং।”

যিশাইয় 43:11

মুই, মুয়ই লগেপ্রভু, মুই বাদে আর কনঅ উদ্ধোরগুরিয়্যে নেই।

যিশাইয় 50:2

মুই এজানার্ পরেদি কনজনে সিয়েনত্ ন-এলঅ কিত্তে? মুই ডাগানার্ পরেদি জোব্ দিবাত্তে কনজন ন-এলঅ কিত্তে? তমারে উদ্ধোর্ গুরিবাত্তে মঅ আঢ্‌‌‌তান কি বেশ্ বাদি? তমারে উদ্ধোর্ গুরিবাত্তে মর্ কি খেমতার্ অভাব ওইয়্যে? বানা ধমক্ দিইনে মুই সাগরান শুগেই ফেলাং আর গাঙানি ধূল্যেচর গুরি দুয়োং; সিদুগোর মাছ্‌‌‌‌চুন পানি অভাবে পুযি যান আর পানি তিরেজে মুরি যান।

হোশেয় 13:4

লগেপ্রভু কত্তে, মিসরত্তুন্ তরে নিগিলেই আনিবার সময়ত্তুন্ ধুরি মুয়ই তর্ গোজেন লগেপ্রভু। মুই বাদে তর্ আর কনঅ গোজেন নেই; মুই বাদে তর্ আর কনঅ উদ্ধোর্ গুরিয়্যে নেই।

হোশেয় 14:3

আসিরিয়া আমারে উদ্ধোর্ গুরি ন-পারিবো; আমি যুদ্ধো ঘোড়া উগুরে নির্ভর ন-গুরিবোং। আমা নিজো আঢে বানেয়্যে মূত্তিগুনোরে আমি আর কনদিন্‌অ ন-কবং, ‘আমা দেব-দেবদা,’ কিয়া তইদু মা-বাব্ নেইয়্যেগুনে দোয়্যে পান্।”

যোনা 1:17

ইন্দি যোনারে গিলি ফেলেবাত্তে লগেপ্রভু এক্কো দাঙর্ মাছ ঠিগ্ গুরি রাগেয়্যে। যোনা সেই মাছ পেদত্ তিন দিন তিন রেত্ রলঅ।

যোনা 3:1

পরেদি লগেপ্রভুর কধানি দ্বিপল্লা যোনা ইধু ফগদাং অলঅ।