যোনা 1:9 - Chakma Bible

⁹ জোবত্ যোনা কলঅ, “মুই এক্কো ইব্রীয়। মুই স্বর্গর্ গোজেন লগেপ্রভুর উবোসনা গরং। তেয়ই সাগর আর মাদি বানেয়্যে।”

যোনা 1:9 Iomraidhean Croise

পত্থম 1:10

গোজেনে সে শুগুনো জাগায়ান নাঙান দিলো মাদি, আর সে জমা ওইয়্যে পানিয়ান্ নাঙান দিলো দোজ্যে সাগর। গোজেনে দেগিলদে সিয়েন জদবদে দোল্‌ ওইয়্যে।

পত্থম 14:13

পরেদি এক্কো মানুচ্‌ ধেই এইনে ইব্রীয় অব্রামরে সে হবরান্‌ দিলো। অব্রামে সে অক্তত্‌ ইমোরীয় মম্রির্ এলোন ঝাড় কায়কুরে বজত্তি গুরিদো। মম্রি এলদে ইষ্কোল আর আনের ভেই। অব্রাম লগে ইগুনে সমাজ্যে ধোক্ক্যেন এলাক্‌।

পত্থম 24:7

স্বর্গর গোজেন লগেপ্রভু মরে মঅ বাবঅ ঘর-ভিদে আর মর্‌ জর্মেয়্যে জাগাত্তুন্‌ নিগিলেই আনিলো। তে মঅ লগে কধা কোইয়্যে আর শমত্‌ খেইনে কোইয়্যেদে, এ দেজ্‌সান্‌ তে মঅ বংশবোরে দিবো। তে তঅ আগেন্দি তা দূত্তোরে সিদু পাদেই দিবো যেনে মঅ পুয়োবোর্‌ মোক্‌ অবাত্তে তুই সিয়েনত্তুন্‌ এক্কো মিলে আনি পারচ্‌।

২ রাজাবলী 17:25

সিদু বজত্তি গুরিবার্‌ পোল্যেন্দি তারা লগেপ্রভুর উবোসনা ন-গুরিদাক্‌, সেনত্তে তে তারা ভিদিরে সিংহ পাধেই দিলো। সিগুনে তারাত্তুন কয়েক্কো মান্‌জ্যরে মারে ফেলেল।

২ রাজাবলী 17:28

সেক্কে শমরিয়াত্তুন্‌ নেযেয়্যে ধর্মগুরুগুনোত্তুন্‌ একজনে যেইনে বৈথেলত্‌ বজত্তি গরা ধুরিলো আর তেয়ই তারারে শিগেই দিলো কেধোক্ক্যেনগুরি লগেপ্রভুরে তবনা গরা পড়ে।

ইষ্রা 1:2

পারস্যের রাজা কোরসে এই কধাগান কোইয়্যেদে, স্বর্গর গোজেন লগেপ্রভু পিত্‌থিমীর পুরো রেজ্যগান্ মরে দিয়্যে আর যিহূদা দেজর্ যিরূশালেমত্ তাত্তেই এক্কান ঘর বানেবাত্যে মরে নেযা ওইয়্যে।

ইষ্রা 5:11

জোবত্ তারা আমারে কলাক্, “আমি স্বর্গ আর পিত্‌থিমীর্ গোজেনর্ দাস। আমি সেই উবোসনা-ঘরান আরঅ বানের্ যিয়েন ইস্রায়েলর এক্কো দাঙর্ রাজা ভালোক্ দিন আগেদি বানেইনে থুম্ গোজ্যে।

নহিমিয় 1:4

এ কধানি শুনিনে মুই বজিনে কানা ধুরিলুঙ্‌। কয়েকদিন ধুরিনে মুই আবিলেচ্‌ খেলুঙ্‌ আর উবোস্‌ থেলুং আর স্বর্গর গোজেনর ইদু তবনা গুরিলুং।

নহিমিয় 2:4

রাজা মরে কলদে, “তুই কি চাজ্‌?” সেক্কে মুই স্বর্গর গোজেনর ইদু তবনা গুরিলুঙ্‌।

নহিমিয় 9:6

বানা তুয়ই লগেপ্রভু। তুয়ই আগাজ্‌, দাঙর্‌ আগাজ্‌ আর সিয়েন ভিদিরে বেক্কানি, পিত্‌থিমী আর তা উগুরে বেক্কানি আর সাগর্‌ আর তা ভিদিরে বেক্কানি বানেয়োচ্‌। তুয়ই বেক্কুনোর্‌ পরাণান্‌ দুয়োচ্‌ আর স্বর্গর বেক্কুনে তর্‌ উবোসনা গরন্‌।

ইয়োব 1:9

সেক্কে সদান্‌নো কলঅ, “ইয়োবে কি এনে বাদে তরে ভোক্তিগুরিনে দরায়?

গীতসংহিতা 136:26

তুমি স্বর্গর্ গোজেনরে ভালেদি জানঅ; - তার কোচ্‌পানাগান উমরত্তে থিদেবর্ গোজ্যে।

যাত্রা 1:15

ইগুনবাদে শিফ্রা আর পূয়া নাঙে দ্বিজন ইব্রীয়, অত্তাৎ ইস্রায়েলীয় ওঝাগুনোরে মিসর রাজাবো কোই দিলো,

যাত্রা 2:13

তার্‌কেল্যে তে আরঅ বারেদি যেইনে দ্বিজন ইব্রীয়রে পিদেপিদি গর্‌তে দেগিলো। যে দুষী তারে তে কলঅ, “কিত্তে তুই তঅ ভেইবোরে পিদোর্‌?”

দানিয়েল 2:44

“সেই বেক রাজাগুনোর অক্তত্ স্বর্গর্ গোজেনে এমন এক্কান রেজ্য থিদেবর্ গুরিবো যিয়েন কনদিন্‌অ ভস্ত ন-অবঅ বা অন্য মান্‌জ্য আঢত্ ন-যেবঅ। সেই রেজ্যগানিয়ে উই বেক্ রেজ্যগানিরে ভস্ত গুরি শেজ্ গুরি দিবো মাত্তর্ সেই রেজ্যগান নিজে উমরত্যে থেবঅ।

হোশেয় 3:5

সে পরেদি তারা তারার্ গোজেন লগেপ্রভুর আর তারার্ রাজা দায়ূদো ইন্দি ফিরিবাক্। শেষ্‌‌‌‌‌‌‌‌‌‌কালত্ তারা লগেপ্রভুর বর্ পেবাত্তে দোরেই দোরেই তাইদু এবাক্।

প্রেরিত্‌ 14:15

“সমাজ্যেগুন, তুমি কিত্তে ইয়েনি গরর্? আমি দঅ বানা মানুচ্‌, তমা ধোক্ক্যেন স্বভাব। আমি তমা ইধু গম্ হবরান্ ফগদাং গুরির্ যেন তুমি এ বেক্‌ বাজে জিনিচ্চানি ছাড়িনে জেদা গোজেন ইন্দি ফিরো। তেয়ই আগাজ্, পিত্‌থিমী, সাগর আর সিয়েনি ভিদিরে যেদক্কানি আঘে বেক্কানি বানেয়্যে।

প্রেরিত্‌ 27:23

মুই যিবের্ মানুচ্‌ আর মুই যিবেরে সেবা গরং সেই গোজেনর্ এক্কো দূত্ গেল্লে রেদোত্ মঅ কায়কুরে থিয়্যেইনে কলঅ,

ফিলিপীয় 3:5

আট্য দিনোত্ মর্ চুনু মাঢাবোর চামান্ কাবা ওইয়্যে; ইস্রায়েল জাদ ভিদিরে বিন্যামীন গুট্টিত্ মর্ জর্ম; মুই এক্কো খাটি ইব্রীয়; মোশির রীদি-সুদোম পালানা পৌইদ্যেনে মুই এক্কো ফরীশী;

ফগদাং পেইয়্যে 11:13

সেই অক্তত্ যদবদে ভূজোল্ বেলঅ আর সেই শঅরর্ দশ ভাগর এক ভাগ ভাঙি পড়ি গেলঅ। সেই ভুজোলত্ সাত আজার মানুচ্‌ মুরি গেলাক্। সিয়েন্দোই বাদবাগী বেক্কুনে দোরেইনে স্বর্গর্ গোজেনরে বাঈনী গরা ধুরিলাক্।

ফগদাং পেইয়্যে 15:4

প্রভু, কন্না বা তরে ন-দোরেব? কন্না বা তর্ নাঙানর্ বাঈনী ন-গুরিবো? বানা তুয়ই দঅ পবিত্র। বেক্‌ জাদ্‌তুনে তইধু এবাক্, বেক্কুনে তর্ উবোসনা গুরিবাক্; কিয়া তর্ ন্যায় বিচেরানি ফগদাং ওইয়্যে।”