যোনা 1:5 - Chakma Bible

⁵ ইয়েনত্ নাবিক্‌‌‌কুন বেক্কুনে দোরেইনে পত্তিজনে নিজো নিজো দেবেদা ইধু কানাকুদি গরা ধুরিলাক্। জাহাজ ভরান্ কোমেবাত্তে তারা পযাপিরানি সাগরত্ ফেলেই দিলাক্। মাত্তর্ ইয়েনর্ আগেদি যোনা জাহাজর্ তলেদি লামিনে ঘুমোত্ পড়িলো আর তার্ যদেবদে ঘুম্ অলঅ।

যোনা 1:5 Iomraidhean Croise

১ রাজাবলী 18:26

যে বলদ গোরুবো তারারে দিয়্যে অলঅ তারা সিবে কাবিনে যুক্কোল্‌ গুরি নেযেলাক্‌। সে পরেন্দি তারা বেন্যেত্তুন্‌ ধুরি দিবুজ্যে সং বাল দেবেদাবোরে ডাগা ধুরিলাক্‌। তারা রঅ ছাড়ি ছাড়ি কুয়া ধুরিলাক্‌, “ও বালদেব, আমারে জোব্‌ দে।” মাত্তর্‌ কনঅ সাড়া ন-মিলিলো, কনজনে জোব্‌ ন-দিলো। যে ডালিপূজোবো তারা বানেয়োন্‌ সিবের্‌ চেরোকিত্তে তারা নাজা ধুরিলাক্‌।

ইয়োব 2:4

শদান্‌নো কলঅ, “তা জীংকানিগান তাইদু পরাণর পরান; মানুচ্‌ নিজো পরাণান বাঁজেবাত্তে তার্‌ যিয়েনি আঘে বেক্কানি দিবো।

গীতসংহিতা 107:25

একপল্লা তা কধালোই অমকদ ঝড় অলঅ, সেক্কে দাঙর্ দাঙর্ তুবোল্ উদিলো।

গীতসংহিতা 148:8

ও ঝিমিলেনিগান আর শিলুন, তুষার আর কুয়োগানি আর তা উগুমান পালেয়্যে ঝড় বোইয়্যেরান্, গোজেনরে নাঙ্ গিনো।

উপদেশক 3:6

তোগেইনে পেবার্ সময় আর আরেবার্ সময়, রাগেবার্ সময় আর ফেলেই দিবার্ সময়,

যিশাইয় 45:20

ও অন্য জাদর্ বাঁজি থেইয়্যে মানুচ্চুন্, তুমি এক সমারে এগত্তর্ ওইনে এজঅ। যিগুনে গাজ মূত্তি বুয়োইনে বেড়ান্ আর এবাবোত্যে দেবেদা ইদু তবনা গরন্ যে উদ্ধোর গুরি ন-পারে তারা কিচ্চু হবর্ ন-পান।

যিরমিয় 2:28

ও যিহূদা, তুই নিজোত্তে যে দেবদাগুন বানেয়োচ্ তারা সেক্কে কুদু থান্? যেক্কে তুই দজাত্ পড়চ্ সেক্কে যুনি তারা তরে উদ্ধোর গুরি পারন্ সালে তারা এত্তোক্, কিত্তে তর্ যেদক্কানি শঅর্ আঘে সিদুক্কুন দেবেদায়ো আগন্।”

হোশেয় 7:14

তারা বিচ্ছোন উগুরে তারা আবিলেচ্ হান্, মাত্তর্ তারা মনে-পরাণে মইদু ন-কানন্। শোজ্য আর নূয়ো আংগুর-রস পেবাত্তে তারা এগত্তর্ অন্ আর মঅ বিরুদ্ধে উল্লোমী গরন্।

যোনা 1:14

সেক্কে তারা লগেপ্রভুরে ডাগিনে কলাক্, “ও লগেপ্রভু, এ মানুচ্চোর মরণর্ কারনে আমাত্তুন্ যেন মরা ন-পড়ে। এক্কো নিদ্দুজি মান্‌জ্যর্ মরণর্ কারনে তুই আমারে দায়ী ন গুরিচ্, কিয়া ও লগেপ্রভু, তুই দঅ তর্ আওজ্ মজিম কাম গোজ্যস্।”

যোনা 1:16

সেক্কে সে মানুচ্চুনে লগেপ্রভুরে অমকদ দরা ধুরিলাক্। তারা লগেপ্রভুর নাঙে য়েমান উৎসর্ব গুরিলাক্ আর তাইদু কয়েক্কান মানত্ গুরিলাক্।

যোনা 1:6

সেক্কে জাহাজ কেপ্টিন্নো যোনা ইধু যেইনে কলঅ, “তুই কিবাবোত্যেগুরি ঘুম যর্? উদিনে তঅ দেবেদাবোরে ডাগ্। তে অয়ত আমা ইন্দি মনযোগ দিবো আর সেক্কে আমি ভস্ত ন-অবং।”

মথি লেখ্যে গম্ হবর্ 25:5

জামেইবো এত্তে দেরি অনায় তারা যুড়দে যুড়দে বেক্কুনে ঘুমোত্ পড়িলাক্।

মথি লেখ্যে গম্ হবর্ 26:43

তে কয়েকবার ফিরি এলঅ আর তে দেগিলো তা শিচ্চ্যগুনে ঘুমোত্ পোজ্জ্যন্, কিয়া তারা এদক্ অঘোর্ ঘুমোত্ যে চোগ্‌কুন্ খুলি ন-পারদন্।

মথি লেখ্যে গম্ হবর্ 26:45

পরেদি তে শিচ্চ্যগুনো ইধু এইনে কলঅ, “তুমি কি এজঅ ঘুম যর্ আর জিরোর্? চঅ, সময়বো লুম্মেগি, মান্‌জ্য পুয়োবোরে পাপীগুনো আঢত্ ধুরি দিয়্যে অবঅ।

প্রেরিত্‌ 27:38

বেক্কুনে পেট ভরে সং হেইনে পরেদি জাহাজর্ ভরান্ কমেবাত্যে বেক্‌ গমুন্ সাগরত্ ফেলেই দিয়্যে অলঅ।

বিচের গুরিয়্যেগুন 16:19

দলীলা শিম্‌শোনরে তা করত্‌ ঘুম্‌ নেযেল আর তার্‌ সাত্‌ বনা চুল কাবি ফেলেবাত্তে এক্কো মান্‌জ্যরে ডাগিলো। এধোক্কেন্‌ গুরিনে তে তারে দুগোত্‌ ফেলেল আর তা বলানেয়ো তারে ছাড়িনে গেলঅ।

১ শমূয়েল 24:3

পধেন্দি যাদে যাদে তে এন্‌ এক্কান্‌ জাগাত্‌ এলঅ যিয়েনত্‌ ভেড়া রাগেবার কয়েক্কান খুয়োর্‌ এলঅ। সে জাগায়ানর ইদু এক্কো গাট্‌ এলঅ। শৌল আগিবাত্তে সে গাট্টোত্‌ সোমেল। সে গাট্টোর এক্কুবারে ভিদিরেন্দি এলদে দায়ূদ আর তা মানুচ্চুনে।