যোনা 1:4 - Chakma Bible

⁴ সেক্কে লগেপ্রভু সাগরত্ এক্কান দাঙর্ বোইয়্যের্ পাধেই দিলো। সেক্কে এমন দর্‌‌‌গরেপারা এক্কান ঝড় অলঅ, জাহাজ্‌‌‌চান ভাঙি যাইদ্যে ধোক্ক্যেন অলঅ।

যোনা 1:4 Iomraidhean Croise

গীতসংহিতা 135:6

আগাজত্, পিত্‌থিমীত, সাগরত্ আর পিত্‌থিমীর তলে জাগানত্ লগেপ্রভু তার আওজ্ মজিম কাম গরে।

গীতসংহিতা 135:7

তেয়ই পিত্‌থিমীর থুম ধুজিত্তুন্ মেঘকানিরে তুলি আনে; তেয়ই ঝড় দিবাত্তে ঝিমিলেনিগানরে পাধেই দে, আর তার ভান্ডালত্তুন্ বোইয়্যেরানরে নিগিলেই আনে।

গীতসংহিতা 148:8

ও ঝিমিলেনিগান আর শিলুন, তুষার আর কুয়োগানি আর তা উগুমান পালেয়্যে ঝড় বোইয়্যেরান্, গোজেনরে নাঙ্ গিনো।

যাত্রা 10:13

সেক্কে মোশি মিসর্‌ দেজ্‌ছান উগুরে তা লুদিক্কো বাবেইনে ধুরিলো; আর লগেপ্রভু এমন্‌ গুরিলো যিয়েনত্তে সে দেজছান উগুরে পুরো রেত্‌ আর পুরো দিন ধুরি পূগো বোইয়্যের্‌ বেলঅ।

যাত্রা 10:19

সেক্কে লগেপ্রভু বোইয়্যের নাল্লো ঘুরেই দিলো আর পোজিমেত্তুন্‌ এক্কো দাঙর্‌ বোইয়্যের্‌ বেঈনে পুগ্-যুগ্‌কুনোরে উড়ে নিইনে লোহিত সাগরত্‌ ফেলেল। গোদা মিসর্‌ দেজত্‌ আর এক্কোয়ো পুগ্-যুগ্ ন-রলাক্।

যাত্রা 14:21

পরেদি মোশি বড়গাঙ উগুরে তার্‌ আত্তান্‌ বাড়েই দিলো; আর লগেপ্রভু গোদা রেত্তো ধুরিনে এক্কান পূগেন্দিত্তুন্ বোইয়্যের্‌ জোরে বেঈনে বড়গাঙর্‌ পানিগানরে দ্বিকিত্তেদি সোরেই দিলো। তে পানিগানরে দ্বিভাগ্‌ গুরিনেই বড়গাঙর্‌ ভিদিরেদি এক্কান্‌ শুগুনো পথ বানেই দিলো।

যাত্রা 15:10

মাত্তর্‌ তুই ফুন্‌ দিইনে বোইয়্যের্‌ ‌দিলে, আর সাগরানেয়ো তারারে ঢাগি ফেলেল। তারা মরং পানি তলাত্‌ শিজে ধোক্ক্যেন গুরি ডুবি গেলাক্।

যিরমিয় 51:16

তা উগুমে আগাজর্ পানিগান গুজুরি উদে; তে পিত্‌‌‌‌‌‌‌‌থিমীর শেজ্ দুযিত্তুন্ মেঘ তুলি আন্যে। তে ঝড়ত্তে কারেন্ বানায় আর তা ভান্ডালত্তুন্ বোইয়্যের্ নিগিলে আনে।

আমোষ 4:13

মনত্ রাগা, যিবে মুড়ো-মুড়ি বানায়, বোইয়্যের্ বানায় আর মান্‌‌‌‌জ্য ইধু নিজোর্ চিন্তেগানি ফগদাং গরে, যিবে পহ্‌‌‌‌রানরে আন্ধার্ গরে আর পিত্‌‌‌‌থিমীর মুড়ো-মুড়ি উগুরেদি আঢে সিবে নাঙান্ বেগত্তুন্ খেমতাবলা লগেপ্রভু গোজেন।

গণাণা 11:31

পরেদি লগেপ্রভু এক্কান্‌ বোইয়্যের্‌ পাদেল। সেই বোইয়েরান্‌ বড়সাগরত্তুন্‌ ভারুই পেক্কুন্‌ ঠিলি আনিনে তাম্বুলোর চেরোকিত্তে এক দিনোর পদথ্‌ এন্‌গুরি ফেলেই দিলো, সিগুন্‌ মাদিত্তুন্‌ দ্বিআত্‌ সং উজু ওইনে রলাক।