যোনা 1:3 - Chakma Bible

³ মাত্তর্ যোনা লগেপ্রভুত্তুন্ তর্শীশোত্ ধেই যেবাত্তে রওনা অলঅ। তে যাফো বন্দরত্ যেইনে তর্শীশোত্ যেবার এক্কান জাহাজ পেলঅ। ভাড়া দেনার্ পরেদি তে সে জাহাজ্‌চানত্ উদিলো আর লগেপ্রভুত্তুন্ ধেই যেবাত্তে তর্শীশো ইন্দি যাহ্ ধুরিলো। ‌‌

যোনা 1:3 Iomraidhean Croise

পত্থম 3:8

যেক্কে সাজোন্যে বোইয়্যের ভানা আরাম্ভ অলঅ সেক্কে তারা লগেপ্রভু গোজেন রঅবো শুনিলাক্‌। তে বাগান ভিদিরে আদা-উদো গরের্‌। সেক্কে আদমে আর তা মোক্কো বাগান গাজঅ আন্দলত্‌ পোল্যে থেলাক্‌ যেনে লগেপ্রভু গোজেন মুজুঙোত্‌ তারা ধরা ন-পড়ন্‌।

পত্থম 4:16

ইয়েন পরেদি কয়িনে লগেপ্রভুর্ মুজুঙোত্তুন্ যেইনে এদনর্ পূগেদি নোদ নাঙে এক্কান দেজত্‌ বজত্তি গরা ধুরিলো।

১ রাজাবলী 19:3

এলিয় সেক্কে দোরেইনে তা পরাণান্‌ বাজেবাত্তে ধেই গেলঅ। তে যিহূদা-চাগালার্‌ বের্‌-শেবাত্‌ লুমিনে তা চাগর্‌বোরে সিদু রাগেল,

১ রাজাবলী 19:9

সিদু ইক্কো গাদঅ ভিদিরে সুমিনে তে রেত্তো কাদেল। সিয়েনত্‌ এলিয়োর্‌ ইদু লগেপ্রভু আঝিল্ ওইনে কলঅ, “এলিয়, তুই ইয়েনত্‌ কি গরর্‌?”

২ বংশধর 2:15

“সেনত্তে মর্‌ প্রভু তুই যেধোক্ক্যেন কোইয়োচ্‌ সেধোক্ক্যেন্‌ গুরিনে গম্, মোক্ক্যে, জলপাইয় তেল্‌ আর আংগুর-রস আমা ইদু পাধেই দিবে।

২ বংশধর 2:16

আমি লেবাননত্তুন্‌ তর্‌ দরকার মজিম্‌ বেক্‌ গাজ্‌ছুন কাবিনে একলগে বানিনে বড়্‌ সাগরত্‌ ভাজেইনে যাফো সং নেযেবং। সে পরেন্দি তুই সিগুন্‌ যিরূশালেমত্‌ তুলি নেযেবে।”

২ বংশধর 9:21

রাজার্‌ কদক্কানি দাঙর্‌ দাঙর্‌ জাহাজ হীরম মানুচ্চুনোর লগে নেযেইনে তর্শীশোত্‌ যেদাক্‌। পত্তি তিন বজর্‌ পর পর সে তর্শীশ-জাহাজছানিয়ে সোনা, রূবো, এ্যদো দাত্‌, বান্দর্‌ আর বেবুন লোইনে ফিরি এদাক্‌।

ইষ্রা 3:7

তারা রাজমিস্ত্রি আর গাজমিস্ত্রিরে টেঙা দিলাক্ আর সীদোন আর সোরর মানুচ্চুনোরে হানা, আংগুর-রস আর তেল দিলাক্ যেনে তারা পারস্যের রাজা কোরসের অনুমতি মজিম্ লেবাননত্তুন্ যাফো সং বড় গাঙ পধেদি এরস গাজ আনি পারিদাক্।

ইয়োব 1:12

সেক্কে লগেপ্রভু শদান্‌নোরে কলঅ, “ঠিগ্‌ আঘে; তার্‌ যিয়েনি আঘে সিয়েনি তঅ আঢত্‌ দিলুঙ্‌, মাত্তর্‌ তা কিয়্যেগান উগুরে তুই এক্কো আঙুল ন-বাজেবে।” সেক্কে শদান্‌নো লগেপ্রভুর মুজুঙোত্তুন্‌ নিগিলি গেলগোই।

ইয়োব 2:7

ইয়েন পরেদি শদান্‌নো লগেপ্রভুর মুজুঙোত্তুন্‌ নিগিলি গেলঅ‌ আর ইয়োবর মাধাবো তাল্লোত্তুন্‌ ধুরিনে টেঙঅ‌ পাদা সং চুলোনি-পড়ানি ঘালোই তারে দুঘ্‌ দিয়্যে ধুরিলো।

গীতসংহিতা 107:23

যিগুনে জাহাজত্ গুরি সাগরত্ যান আর দোজ্যে সাগর ইদু বেবসা গরন্,

যিশাইয় 2:16

বেক্ তর্শিশ-জাহাজ আর পত্তি সয়-সাগোজ্যে জাহাজ্‌চানি তলে গরা অবঅ।

যিশাইয় 23:1

সোর পৌইদ্যেনে লগেপ্রভুর কধাগান ইয়েন: ও দাঙর্ দাঙর্ তর্শীশ-জাহাজ্‌ছানি, আবিলেচ্ গর, কিত্তে সোর ভস্ত ওই যেইয়্যে; সিয়েনত্ ঘরঅ নেই, বন্দর্‌অ নেই। সাইপ্রাস দ্বিবোত্তুন্ তুমি এ হবরান্ পেইয়ো।

যিশাইয় 23:10

ও তর্শীশোর মানুচ্চুন্, য়েল্ গাঙর পানিগান যেবাবোত্যেগুরি পারানি ভাঙি যায় সেবাবোত্যেগুরি তুমিয়ো দেজত্ ছিদি পড়; তমারে আক্‌‌সোই রাগাইদ্যে ধোক্ক্যেন আর কনজন নেই।

যিশাইয় 23:6

ও সাগর পার মানুচ্চুন্, আবিলেচ্ গরঅ; তুমি পার্ ওইনে তর্শীশোত্ যঅ।

যিশাইয় 60:9

ঘেচ্চেকগুরি দূর দেজ মানুচ্চুনে মত্তেই বাজ্জেই আগন্; তমা পূয়োগুনোর আর তারার সোনা রূবোনিলোই দূরোত্তুন্ দাঙর্ দাঙর্ তর্শীশ-জাহাজ্‌চোই বেক্কুনোত্তুন্ আগে আগে এত্তন্।‌‌ ইস্রায়েলর সেই সুদ্ধো-সাংগ মানুচ্চোর, তর্ গোজেন লগেপ্রভুরে বাঈনী গুরিবাত্তে তর্ পুয়োগুনে এত্তন্, কিত্তে তরে তে সয়সাগজ্যে গুরি সাজেয়্যে।

যিরমিয় 10:9

তর্শীশত্তুন্ পিদেয়্যে রূবো আর ঊফসত্তুন সোনা আনা অয়। কালিগর আর বান্যেগুনে সিয়েনিলোই মূত্তিগুন বেড়েই থন্ । সিগুনোরে য়েল্ আর বিগুনি রঙ কাবড় উরো অয়; সিয়েন কাবিল্ কালিগর আঢ্‌তোই বানেয়্যে।‌‍‌‍‍

যিহিষ্কেল 2:8

ও মান্‌‌‌জ্যর পুয়োবো, মুই তরে যিয়েনি কং সিয়েনি শুন্। সে উল্লোমী জাদ্‌‌‌তো ধোক্ক্যেন্ তুই উল্লোমী ন-ওচ্। তুই আঃ গর্, মুই তরে যিয়েনি দুয়োঙর্ সিয়েনি হা।”

যিহিষ্কেল 27:12

তর্ অমকদ ধন-সম্পদত্তে তর্শীশে তঅ লগে বেবসা গুরিদো; রূবো, লুয়ো, টিন আর সীসের বদলে তারা তঅ পযাপিরানি নিদাক্।

যিহিষ্কেল 3:14

গোজেনর্ আত্মাগানে মরে তুলি নেযেবার্ অক্তত্ মুই মনে মনে কাঙেলেত্যে আর রাগ্‌‌‌‌‌‌কোই গেলুং, আর লগেপ্রভুর দরমর আঢ্‌‌‌‌‌‌তানি মঅ উগুরে এলঅ।

যোনা 1:10

তে যে লগেপ্রভুত্তুন্ ধেই যার্ সিয়েন তারা হবর্ পেলাক্, কিত্যে তে সেই কধাগান তারারে কলঅ। সেক্কে তারা অমকদ দোরেইনে পুযোর্ গুরিলাক্, “তুই ইয়েন কি গোজ্যস্?”

যোনা 4:2

তে লগেপ্রভু ইধু তবনা গুরিনে কলঅ, “ও লগেপ্রভু, মুই দেজত্ থাগদে হবর্ পেদুং যে, এবাবোত্যে অবঅ। সেনত্তে দঅ মুই পত্তমে তর্শীশোত্ ধেই যাঙর্। মুই হবর্ পেদুং যে, তুই দোয়্যেবলা আর মেয়্যেলিবলা গোজেন, তুই সহজে বেজার্ ন-অচ্, তর্ অমকদ কোচ্‌পানার দুযি নেই আর সাজা দেনার্ পৌইদ্যেনে মনান্ বুদুলি থাচ্।‌

লূকে লেখ্যে গম্ হবর্ 9:62

যীশু তারে কলঅ, “নাঙলত্ আঢ্ বাজেইনে যে পিজেদি রিনি চায় তে গোজেন রেজ্যর্ যগাজ্যে নয়।”

প্রেরিত্‌ 15:38

মাত্তর্ পৌলে তারে সমারে নেযানা গম্ বিলিনে মনে ন-গুরিলো, কিয়া মার্কে পাম্‌ফুলিয়াত্ তারারে ফেলেইনে যেয়্যেগোই আর তারা সমারে আর্ কাম্ ন-গরে।

প্রেরিত্‌ 26:19

রাজা আগ্রিপ্প, ইয়েনত্যে স্বর্গত্তুন্ এ দর্শনর্ মাধ্যমে মরে যিয়েনি কুয়ো ওইয়্যে সিয়েনির অবাধ্য মুই ন-অং।

প্রেরিত্‌ 9:36

যাফো শঅরত্ টাবিথা নাঙে এক্কো মিলে শিচ্চ্য এলঅ। গ্রীক ভাষায় এ নাঙানর্ অত্ত দর্কা। তে আমিযে অন্যগুনোরে উপকার গুরিদো আর নাঢা মানুচ্চুনোরে সাহায্য গুরিদো।

প্রেরিত্‌ 9:38

যাফো এলদে লুদ্দার কায়কুরে; ইয়েনত্তে শিচ্চ্যগুনে যেক্কে শুনিলাক্, পিতরে লুদ্দাত্ আঘে সেক্কে তারা দ্বিজন মানুচ্‌ তা ইধু পাধেইনে তারে এ কোজোলিগান্ গুরিলাক্, “তুই যাদিমাদি গুরিনে আমা ইধু আয়।”

প্রেরিত্‌ 9:42

এ কধাগান যাফো শঅরর্ বেক্কুনে কোই পারিলাক্ আর ভালোক্জনে প্রভু উগুরে বিশ্বেজ্ গুরিলাক্।

প্রেরিত্‌ 9:43

পিতরে যাফোদত্ শিমোন নাঙে এক্কো মান্‌জ্য ঘরত্ বেজ্ কিজু দিন কাদেল। এই শিমোনে চামড়্ কাম গুরিদো।

১ করিন্হীয় 9:16

মুই গম্ হবর্ প্রচার গরঙর্ সত্য, মাত্তর্ সিয়েনত্যে মর্ বাঈনী গুরিবার কিচ্চু নেই, কিয়া মত্তুন্ সিয়েন গরা পুরিবো। দুর্ভাগ্গ্য মর্, যুনি মুই সেই গম্ হবরান্ প্রচার ন-গরং!

২ থিষলনীকীয় 1:9

প্রভু যেক্কে এবঅ সেক্কে তারারে এমন্‌ সাজা দিয়্যে অবঅ যিয়েনর কারনে তারা আজিল্ আর দাঙর্ খেমতার্ বারেদি পড়িনে জিংকানিবর্ ভস্ত অনাত্ থেবাক্। সেদিন্যে তার্ নিজো মানুচ্চুনোর মাধ্যমে তার্ মহিমাগান ফগদাং অবঅ আর যিগুনে বিশ্বেজ্ গোজ্জ্যন তারার্ বেক্কুনোর্ মাধ্যমে তার্ বাঈনী অবঅ। তুমিয়ো সেই বিশ্বেজিগুনো ভিদিরে আঘঅ, কিয়া তুমি আমার সাক্ষিগানি বিশ্বেজ্ গোজ্জ্য।

যিহোশূয় 19:46

মেয়র্কোণ, রক্কোন আর যাফোর মুজুঙোন্দি চাগালাগান্‌।