যোনা 1:14 - Chakma Bible

¹⁴ সেক্কে তারা লগেপ্রভুরে ডাগিনে কলাক্, “ও লগেপ্রভু, এ মানুচ্চোর মরণর্ কারনে আমাত্তুন্ যেন মরা ন-পড়ে। এক্কো নিদ্দুজি মান্‌জ্যর্ মরণর্ কারনে তুই আমারে দায়ী ন গুরিচ্, কিয়া ও লগেপ্রভু, তুই দঅ তর্ আওজ্ মজিম কাম গোজ্যস্।”

যোনা 1:14 Iomraidhean Croise

পত্থম 9:6

গোজেনে মানুচ্চুনোরে তা ধোক্ক্যেন গুরি বানেইয়্যে; সেনত্ত্যে কনঅ মান্‌জ্যরে যুদি কেউ খুন্‌ গরন্‌ সালে অন্য একজনত্তুন্‌ সে খুনীবোর পরাণান্‌ নেযা অবঅ।

গীতসংহিতা 107:28

দজাত্ পুরিনে তারা লগেপ্রভু ইদু কানাকুদি গুরিলাক্, সেক্কে দুঘোত্তুন্ তে তারারে নিগিলেই আনিলো।

গীতসংহিতা 115:3

আমা গোজেনে স্বর্গত্ আঘে; তা আওজ্ মজিম তে কাম গরে।

গীতসংহিতা 135:6

আগাজত্, পিত্‌থিমীত, সাগরত্ আর পিত্‌থিমীর তলে জাগানত্ লগেপ্রভু তার আওজ্ মজিম কাম গরে।

যিশাইয় 26:16

ও লগেপ্রভু, দুঘো সময় তারা তরে দেখ্যন্; তত্তুন্ সাজা পেবার সময়োত্ তারা ওলোমোত্য ওইনে ফিস্ ফিস্ গুরি তবনা জানেয়োন্।

যোনা 1:13

তো সেই নাবিক্‌‌কুনে সিয়েন ন-গুরিনে কুলোচরত্ ফিরি যেবাত্তে যাহ্ বল্ আঘে পাঙেই বাহ্ ধুরিলাক্; মাত্তর্ তারা ন-পারিলাক, কিত্যেই সাগরান আগত্তুন্ বেশ্ আরঅ দর্‌‌‌গরেপারা ওই উদিলো।

যোনা 1:16

সেক্কে সে মানুচ্চুনে লগেপ্রভুরে অমকদ দরা ধুরিলাক্। তারা লগেপ্রভুর নাঙে য়েমান উৎসর্ব গুরিলাক্ আর তাইদু কয়েক্কান মানত্ গুরিলাক্।

যোনা 1:5

ইয়েনত্ নাবিক্‌‌‌কুন বেক্কুনে দোরেইনে পত্তিজনে নিজো নিজো দেবেদা ইধু কানাকুদি গরা ধুরিলাক্। জাহাজ ভরান্ কোমেবাত্তে তারা পযাপিরানি সাগরত্ ফেলেই দিলাক্। মাত্তর্ ইয়েনর্ আগেদি যোনা জাহাজর্ তলেদি লামিনে ঘুমোত্ পড়িলো আর তার্ যদেবদে ঘুম্ অলঅ।

যোনা 3:8

মানুচ্ আর য়েমানে বস্তা পাদা পিনোদোক্। পত্তিজনে বেক্ বলান্দোই গোজেনরে ডাগোদোক্ আর ভান্ন্যেই পথ আর কুজুরোমীর্ কামানি ছাড়ি দেদোক্।

মথি লেখ্যে গম্ হবর্ 11:26

অয় বাবা, তর্ আওজ্ মজিম্ ইয়েনি ওইয়্যে।

প্রেরিত্‌ 28:4

সাপ্পোরে পৌল আঢত্ ঢুলদে দেগিনে সেই দ্বীপোর্ মানুচ্চুনে কুয়ো কি গরা ধুরিলাক্, “এ মানুচ্চো ঘেচ্চেকগুরি খুনী, কারন সাগর আঢত্তুন্ রোক্ষ্যে পেলেয়ো গম্ দেবেদাবো তারে বাঁজিবাত্তে ন-দিলো।”

ইফিষীয় 1:11

গোজেনে তার্ বিচেরবুদ্ধি অনুসারে নিজোর্ আওজ্ মজিম বেক কামানি গরে। তার্ উদ্দেচ্চ্য অনুসারে তে আগে যিয়েনি ঠিগ্ গুরি থোইয়্যে সেই মজিম খ্রীষ্টর্ মাধ্যমে তার্ নিজো মানুচ্ অবাত্যে তে আমারে বেঈ লোইয়্যে।

ইফিষীয় 1:9

ঠিগ্ যেবাবোত্যে তে চেইয়্যে আর খ্রীষ্টর্ মাধ্যমে আগেবাগে ঠিগ্ গুরি থোইয়্যে, সেই মজিম তে তার্ গুমুরো উদ্দেচ্চ্যগানি আমারে জানেয়্যে।

দ্বি’লম্বর বিররণ 21:8

ও লগেপ্রভু, তর্‌ উদ্ধোর গোজ্যে ইস্রায়েলীয়গুনোরে তুই ক্ষেমা গর্‌। এ মানুচ্চোর্‌ লো-ঝড়ানাত্তে তুই তর্‌ মানুচ্চুনোরে দায়ী ন গুরিচ্‌। ইয়েনত্‌ সে লো-ঝড়ানার্ দুষছানি ক্ষেমা গরা অবঅ।