যোনা 1:12 - Chakma Bible

¹² জোবত্ যোনা কলঅ, “মরে সাগরত্ ফেলেই দুয়ো, সেক্কে সাগরান শান্ত অবঅ। মুই হবর্ পাং, মর্ দুজে এ জদবদে ঝরান্ তমা উগুরে এচ্চ্যে।”

যোনা 1:12 Iomraidhean Croise

২ শমূয়েল 24:17

যে স্বর্গদূত্তো মানুচ্চুনোরে আঘাত্ গোজ্যে দায়ূদে তারে দেগিনে লগেপ্রভুরে কলঅ, “পাপ আর অন্যেয় মুই গোজ্যং। তারা দঅ ভেড়া ধোক্ক্যেন্‌। তারা কি গোজ্যন্? সেনত্তেই মরে আর মঅ বাব বংশবোরে তুই সাজা দিচ্‌।” দায়ূদে এক্কান ডালিপূজো বানেল।

১ বংশধর 21:17

সেক্কে দায়ূদে গোজেনরে কলঅ, “মানুচ্চুনোরে গুণিবার উগুমান্‌ কি মুই ন-দুয়োং? পাপ মুয়ই গোজ্যং, অন্যেইঅ গোজ্যং। ইগুনে দঅ ভেড়া ছাগল ধোক্ক্যেন, ইগুনে কি গোজ্যন্‌? ও লগেপ্রভু, মঅ গিরোজ্‌, মর্‌ আর মঅ গিরি উগুরে তঅ আঢ্‌তান পোড়োক্‌, মাত্তর্‌ এ ভানা পিড়েগান যেনে আর তঅ মানুচ্চুনো উগুরে ন-থায়।”

ইয়োব 35:8

তর্ পাজিগানে বানা মান্‌জ্যর্ খেতি গরে, আর তর্ গম কামানিয়ে বানা তারারে সাহায্য গরে।

উপদেশক 9:18

যুদ্ধোর্ আত্যেরানিত্তুন্ জ্ঞানান্ গম্, মাত্তর্ এক্কো পাপী বোউত্ গম্ গম্ কাম বর্‌বাত্ গরে।

যোনা 1:11

সাগরান অশান্তত্তুন্ আরঅ অশান্ত ওই উঠ্যে বিলিনে তারা তারে পুযোর্ গুরিলাক্, “সাগরান যেনে আমাত্তে শান্ত অয় সেনত্তে আমি তরে নিইনে কি গুরিবোং?”

যোনা 1:13

তো সেই নাবিক্‌‌কুনে সিয়েন ন-গুরিনে কুলোচরত্ ফিরি যেবাত্তে যাহ্ বল্ আঘে পাঙেই বাহ্ ধুরিলাক্; মাত্তর্ তারা ন-পারিলাক, কিত্যেই সাগরান আগত্তুন্ বেশ্ আরঅ দর্‌‌‌গরেপারা ওই উদিলো।

যোহন 11:50

তে তারারে কলঅ, “তুমি কিচ্চু কোই ন-পারঅ, আর ভাবিয়ো ন-চঅ যে, গদা জাত্তো বর্‌বাদ্ অনাত্তুন্ বরং বেক্‌ মানুচ্চুনোর্ বদলে এক্কো মান্‌জ্যর্ মরাণা বোউত্ গম্।”

প্রেরিত্‌ 27:24

‘পৌল, ন-দোরেচ্। তত্তুন্ সম্রাট কৈসর মুজুঙোত্ থিয়্যে পরিবো। এ জাহাজ্‌‌চানত্ যিগুনে তঅ সমারে যাদন্ তারার্ বেক্কুনো জিংকানি গোজেনে দোয়্যে গুরিনে দান গোজ্জ্যে।’

যিহোশূয় 7:12

সেনত্তেই ইস্রায়েলীয়গুনে তারার্‌ শত্রুগুনোর মুজুঙোত্‌ থিয়্যেই ন-পাত্তন্‌; তারা পিচ্ছো ফিরিনে ধেই যাদন্‌, কিত্যে তারা ভস্তর্ অভিশাবর তলে ওই পোজ্যন্‌। ভস্তর্ অভিশাবর তলে কদক্কানি জিনিস তমা ইদু আঘে। যুনি তুমি সিয়েনি ভস্ত গুরি ন-ফেলঅ‌ সালে মুই আর তমা লগে ন-থেম্‌।