যোয়েল 3:2 - Chakma Bible

² সেক্কে মুই বেক্ জাদ্‌তুনোরে এগত্তর্ গুরিম আর যিহোশাফটর কলগত্ তারারে লামেই আনিম। সিয়েনত্ মর্ সোম্বোত্তি, অত্তাৎ মঅ মানুচ্ ইস্রায়েলীয়গুনো বেপার নিইনে মুই তারা বিরুদ্ধে বিচের্ গুরিম, কিত্যে তারা জাদ ভিদিরে মঅ মানুচ্চুনোরে ছিদি দিয়্যে আর মঅ দেজ্‌চান ভাগ গোজ্যে।

যোয়েল 3:2 Iomraidhean Croise

২ বংশধর 20:26

চের্‌ দিনোত্‌ তারা বরাখা কিজিঙোত্‌ এগত্তর্‌ ওইনে লগেপ্রভুরে নাঙ্‌ গিনিলাক্‌। ইয়েনত্তে এজঅ সং সে জাগায়ানরে কুয়ো অয় বরাখা কিজিং (যিয়েনর্ ভেদ্‌তান্ “নাঙ্‌ গিনেনা”)।

যিশাইয় 66:16

লগেপ্রভু আগুন আর তলোয়ারলোই বেক্ মানুচ্চুনো উগুরে তা বিচেরর্ কামান চালেব; তে যিগুনোরে মারে ফেলেব তারার্ জনেদি ভালোক্কুন্।

যিশাইয় 66:18

মুই তারার বেক্ কামানি আর কল্পনার কধাগানি হবর্ পাং। বেক্ জাদ ভাষার মানুচ্চুনোরে এগত্তর্ গুরিবার সময় এচ্চ্যে। তারা এইনে মর্ মহিমাগান দেগিবাক্।”

যিরমিয় 12:14

লগেপ্রভু কোইয়্যেদে, “মুই অধিকার ইজেবে যে জাগায়ান মঅ মানুচ্চুনোরে দুয়োং মর্ বেক পাজি পাড়াল্যেগুনে সিয়েনত্ হানা দুয়োন। সেনত্তে মুই তারার দেজত্তুন্ তারারে তুলি দিম্ আর তারাত্তুন যিহূদার মানুচ্চুনোরে তুলি আনিম।

যিরমিয় 25:31

পিত্‌থিমীর শেজ্ ধুজি সং সেই রবো শুনো যেবঅ, কিত্তে লগেপ্রভু জাদ্‌তুনো বিরুদ্ধে আবিত্তি গুরিবো। তে বেক্ মানুচ্চুনোর বিচের্ গুরিবো আর তলোয়ার ইদু পাজিগুনোরে তুলি দিবো‌‌।’ ”

যিরমিয় 49:1

অম্মোনীয়গুনো পৌইদ্যেনে লগেপ্রভু এ কধাগান কোইয়্যে, ইস্রায়েলর কি কনঅ পুয়ো নেই? তা মরানার্ পরেদি তা সোম্বোত্তির্ অধিকারি কি কনজন নেই? সালে মিল্‌‌‌‌‌‌কমে কিত্তে গাদ-গুট্টির জাগানি গজক্ গোজ্যে? কিত্তে মিল্‌‌‌‌‌‌‌কমর পূজোগুরিয়্যেগুন সিদুগোর্ শঅরানিত্ বজত্তি গরদন্?

যিরমিয় 50:17

ইস্রায়েল যেনে এক্কান ছিদি পোজ্যে ভেড়া পাল যিগুনোরে সিংহগুনে লোড়েই দুয়োন্। পত্তমে আসিরিয়ার রাজা তারে আক্রমণ গোজ্যে; যেরেদি বাবিল রাজা নবূখদ্‌নিৎসরে তা আড়ুন্ গুড়ি গুরি দিয়্যে।

যিহিষ্কেল 25:8

পরেদি প্রভু লগেপ্রভু কোইয়্যেদে, “মোয়াব আর সেয়ীরে কত্তে, ‘চাহ্, যিহূদার মানুচ্চুনে অন্য বেক্ জাদ্‌‌‌‌‌তুনো ধোক্ক্যেন ওই যেইয়োন।’

যিহিষ্কেল 34:6

মর্ ভেড়াগুন বেক মুড়ো-মুড়িগুনোত্ ঘুরি বেড়াদন্। তারা পুরো পিথ্‌তিমীগানত্ ছিদি পোজ্যন; কনজনে তারারে ন-তগান্।

যিহিষ্কেল 35:10

“‘মুই লগেপ্রভু যুনিয়ো ইস্রায়েল আর যিহূদাত্ এলুং তো তুই কোইয়োচ্, এ দ্বি’দেজ মানুচ্চুন আর তারা দেজ্‌চান তমার্ অবঅ আর তুমি সিয়েন অধিকার গুর‌‌‌িবা।

যিহিষ্কেল 36:1

পরেদি লগেপ্রভু মরে কলঅ, ও মান্‌‌‌‌জ্যর পুয়োবো, ইস্রায়েলর মুড়ো-মুড়ি ইধু আগাম্ কধা কঅ আর প্রভু লগেপ্রভুর এই কধানি তারারে শুনিবাত্তে কঅ, শত্রুবো তারা পৌইদ্যেনে কোইয়্যেদে, বাঃ! পুরোণ অজল্ জাগায়ানি আমা গজগত্ এচ্চ্যে।

যিহিষ্কেল 36:5

মুই প্রভু লগেপ্রভু তমারে কঙর্, মর্ মনর্ জ্বালায় মুই অন্য জাদ্‌‌‌‌‌তুনোর আর বেক ইদোমর বিরুদ্ধে কধা কোইয়োং, কিত্যে তারার মনর্ হুজি আর ইংসেলোই তারা মঅ দেজ্‌‌‌‌‌চানরে নিজোর গজগত্ আন্যন্ যেনে সিয়েন লুদেই পারন। মুই প্রভু লগেপ্রভু এ কধাগান কঙর্।

যিহিষ্কেল 38:22

মুই ভানা আর লো ঝোরেইনে গোগরে সাজা দিম্; মুই অমকদ ঝড়, শিল্ আর জ্বোল্ জোল্যে গন্ধক তা উগুরে, তা সৈন্যগুনো উগুরে আর তা লগে বেক্ জাদ উগুরে ঢালি দিম।

যিহিষ্কেল 39:11

সেদিন্যে মুই গোগরে ইস্রায়েল ভিদিরে এক্কান গোর্ দিম। সিয়েন অবদে সাগর পূগেদি আঢি যেইয়্যেগুনোর কলগ ভিদিরে। যিগুনে যানা-এযানা গরন্ তারা পথ্‌তান ইয়েনে বন্ধ গুরি দিবো, কিয়া গোগ আর তার বেক্ দলবলুনোরে সিয়েনত্ গোর্ দিয়্যে অবঅ। সেনত্তে ইয়েনরে কুয়ো অবঅ গোগর দলবলর্ কলগ্।‌‌

যোয়েল 3:12

লগেপ্রভু কত্তে, “জাদ্‌‌তুনোরে ডাগি আনা ওক্; তারা যিহোশাফটর কলগত্ উজেই যোক্, কিত্যে সিয়েনত্ মুই চেরোকিত্তে বেক্ জাদ্‌‌তুনোরে বিচের্ গুরিবাত্তে বুজিম্।

যোয়েল 3:14

সাজা দিবার কলগ্‌কানত্ বোউত্ মান্‌‌‌জ্য ভিড়্, বোউত্ মান্‌জ্যর ভিড়্,‌‌ কিত্যে সাজা দিবার কলগ্‌কানত্ লগেপ্রভুর দিনুন্ কায়কুরে লুম্মেগি।

আমোষ 1:11

লগেপ্রভু কত্তে, “ইদোমর তিনেন্ পাপ, এমন কি, চেরান পাপর কারনে মুই হামাক্কায় তারে সাজা দিম, কিত্যে বেক্ মেয়্যে-দোয়্যেনি ছাড়িনে তে লাম্বা ছুরিলোই তা ভেইবোরে লোড়েয়্যে। ইয়েনি বাদেয়ো তার্ অমকদ রাগ নিত্য দেগা দিয়্যে আর তে সিয়েন্ মন ভিদিরে রাগেয়্যে।

মীখা 4:12

মাত্তর্ তারা লগেপ্রভুর পরিকল্পনাগানর কধা হবর্ ন-পান; তারা বুঝি ন-পারন যে, তে শোজ্যবনা ধোক্ক্যেন্ খামারত্ মাড়িবাত্তে তারারে এগত্তর্ গোজ্যে।

সফনিয় 3:8

“ও যিরূশালেম, তুই মত্তে বাজ্জেই থাগ্; যেদিন্যে মুই জাদ্‌‌‌‌তুনো বিরুদ্ধে সাক্ষি দিবাত্তে থিয়্যেম্ তুই সেদিন্নোত্তে বাজ্জেই থাগ্। মুই ঠিগ্ গোজ্যংগে, জাদ্‌তুনোরে মুই এগত্তর্ গুরিম, রেজ্যগানি এগত্তর্ গুরিম আর তারা উগুরে মর্ অমকদ অহুজিগান, মর্ জ্বোল্‌‌‌‌‌জোল্যে রাগ্‌‌‌‌‌কান ঢালি দিম। মর্ মনর্ জ্বালার্ আগুনে গোদা পিত্‌‌‌‌থিমীগান পুড়ি যেবঅ। গোটা জগৎতান্ পুড়ি যেবঅ।

ফগদাং পেইয়্যে 11:18

বেক্‌ জাদ্‌তুনে রাগ গোজ্জ্যন্, আর তর্ রাগ ফগদাং গুরিবার সময় ওইয়্যে। মরাগুনোরে বিচের্ গুরিবার সময় এচ্চ্যে, আর তর্ চাগরুনোর্, অত্তাৎ ভাববাদীগুনোর আর তঅ মানুচ্চুনোর আর চিগোন-দাঙর্ যিগুনে তরে ভোক্তি গরন্ তারারে বক্‌শিজ্ দিবার সময় এচ্চ্যে। ইয়েনিবাদে যিগুনে পিত্‌থিমীর ক্ষোতি গোজ্জ্যন্, সিগুনোরে ভস্ত গুরিবার সময় এচ্চ্যে।”

ফগদাং পেইয়্যে 16:14

সেই ভান্ন্যেই আত্মাগুনে আমক্ আমক্ কাম গত্তন্। বেগত্তুন্ খেমতাবলা সেই গোজেনর দাঙর্ দিনোত্ যুদ্ধো গুরিবাত্যে তারা সারা জগদর্ রাজাগুনোরে এগত্তর্ গুরিলাক্।

ফগদাং পেইয়্যে 16:16

ইব্রীয় কধানি যে জাগায়ানর নাঙান্ হরমাগিদোন, ভান্ন্যেই আত্মাগুনে সেই রাজাগুনোরে সিয়েনত্ থুবেলাক্।

ফগদাং পেইয়্যে 16:6

এ মানুচ্চুনে গোজেন মানুচ্চুনোরে আর ভাববাদীগুনোরে খুন গোজ্জ্যে। সেনত্যে তুই তারারে এ লো-গান হেবাত্যে দুয়োচ্ আর ইয়েনই তারাত্যে যগাজ্জ্যে ওইয়্যে।”

ফগদাং পেইয়্যে 20:8

তে সেক্কে যেইনে গোদা পিত্‌থিমীর জাদ্‌তুনোরে, অত্তাৎ গোগ-মাগোগরে ভুল পধেদি নেযেব আর যুদ্ধোত্যে তারারে এক সমারে এগত্তর্ গুরিবো। ইগুনে জনেদি অবাক্ দোজ্জ্যে সাগরর্ ধূল্যেচর ধোক্ক্যেন গুণি ন-পুরেইয়্যে।