যোয়েল 3:13 - Chakma Bible

¹³ তারার্ পাজি কামানি বোউত্, সেনত্তে তুমি চারি বাজঅ, কিত্যে খেত্-খেত্তি পাক্যে। তুমি এইনে আংগুর মাড়, কিত্যে আংগুর মাড়েদে গাঢ্‌‌তো ভোজ্যে। আংগুর-রসর্ পিলেবোত্তুন্ রস উদুরে পড়ের্।”

যোয়েল 3:13 Iomraidhean Croise

পত্থম 13:13

সদোম মানুচ্চুনে অমকদ বজং এলাক্ আর লগেপ্রভু মুজুঙোত্‌ তারা জদবদে পাপ গুরিলাক্।

পত্থম 15:16

মাত্তর্‌ তঅ বংশর্‌ চের্‌ আজু মানুচ্চুনে ইধু ফিরি এবাক্‌, কিত্তে পাপ গর্‌তে গর্‌তে ইমোরীয়গুনে এযঅ এমন্‌ অবস্তাদ্‌ যেইনে ন লুমোন্দোই যিয়েনত্ত্যে মত্তুন্‌ তারারে সাজা-দিয়া পুড়িবো।

পত্থম 18:20

সে পরেদি লগেপ্রভু কলঅ, “সদোম আর ঘমোরা বিরুদ্ধে অমকদ গন্দগুল্‌ চলের্‌, আর তারার্‌ পাপঅ বেশ্‌ ওইয়্যে।

যিশাইয় 17:5

মান্‌জ্যে যেধোক্ক্যেন গুরি খেদর্ শোজ্যগানি কাবিনে তুবোন্, ইস্রায়েলীয়গুনোর অবস্থাগান সেধোক্ক্যেন্ অবঅ। রফায়ীমোর কলগত্ মান্‌জ্যে যেধোক্ক্যেন গুরি পড়ি থেইয়্যে শোজ্যগানি তুবোন্ তারার্ অবস্থাগান সেধোক্ক্যেন অবঅ।

যিশাইয় 63:3

“মুই গায় গায় আংগুর মাজ্যং; জাদ্‌তুনো ভিদিরে কনজনে মঅ সমারে ন-এলঅ। মুই অমকদ বেজার্ ওইনে তারা টেঙানিলোই দোল্যং আর রাগে তারা টেঙানিলোই মাজ্যং; তারার লো ফুদোগুন মঅ কাবড়ানিত্ পোজ্যে আর বেক্ কাবড়ানিত্ দাগ্ লাক্যে।‌

যিরমিয় 51:33

মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, “বাবিল-ঝি শোজ্য মারিবার সময়োর হানা ধোক্ক্যেন ওইয়্যে; খেত্-খেত্তি কাবেদে ধোক্ক্যেন তারে কাবি ফেলেবার সময় যাদিমাদি এবঅ।”

আবিলেচ্ 1:15

লগেপ্রভু মঅ ভিদিরে বেক যোদ্ধাগুনোরে বাদ্ দিয়্যে; মর্ গাবুজ্যেগুনোরে ভস্ত গুরিবাত্তে মঅ বিরুদ্ধে এক্কান সময় ঠিগ্ গোজ্যে। আংগুর মাড়েদে গাদত্ গাবুজ্যে মিলে যিহূদারে তে টেঙোই মাজ্যে।

হোশেয় 6:11

ও যিহূদা, তত্তেয়ো খেত্-খেত্তি কাবিবার সময় ঠিগ্ গরা ওইয়্যে।

মথি লেখ্যে গম্ হবর্ 13:39

যে শত্রুবো বীজি ফেলেয়্যে তে অলঅ শদান্, আর শোজ্য কাবিবার অক্তবো অলঅ এ যুগোর্ থুম্ সময়। যিগুনে শোজ্য কাবিবাক্ তারা অলাক্ স্বর্গদূত।

মার্ক 4:29

দানাগুন্ পাগিলে পরেদি তে চারি বাজেল, কিয়া ফসল কাবিবার্ সময় ওইয়্যে।”

দ্বি’লম্বর বিররণ 16:9

ভূইয়োর্‌ খেত্-খেত্তি কাবানা আরাম্ভত্তুন ধুরি তুমি গুণি গুণি সাত সাপ্তাহ্‌ বাদ দিবা।

ফগদাং পেইয়্যে 14:14

যেরেদি মুই রিনি চেইনে এক্কান্ ধূব্ মেঘ দেগিলুং, আর সেই মেঘ্‌কান উগুরে মান্‌জ্য পুয়োবো ধোক্ক্যেন কেঅ একজন বৈ এলঅ। তা মাঢাবোত্ জিদেনার্ সনার মুকুট এলঅ আর আঢত্ এলঅ ধার্‌বলা চারি।

ফগদাং পেইয়্যে 19:15

তে যেন বেক্‌ জাদ্‌‌তুনোরে আঘাত্ গুরি পারে সেনত্যে তা মুয়োত্তুন্ এক্কান ধারেয়্যে ছুরি নিগিলি এজের্। তে লুয়োর্ লুদিক্কোই বেক্‌ জাদ্‌‌তুনোরে শাসন গুরিবো আর আঙ্গুর মাড়িবার গাঢত্ তে আঙ্গুর টেঙোই মাড়িবো। এই আঙ্গুর মাড়িবার গাঢ্‌‌তো অলঅ বেগত্তুন্ খেমতাবলা গোজেনর্ দর্‌‌গরেপারা রাগ্‌‌কান।