যোয়েল 3:1 - Chakma Bible

¹ শুনো, সেদিন্যে আর সেই অক্তত্ যেক্কে মুই যিহূদা আর যিরূশালেমর অবস্থাগান ফিরেম,

যোয়েল 3:1 Iomraidhean Croise

গীতসংহিতা 14:7

ইস্রায়েলীয়গুনোর্ উদ্ধোরান সিয়োন ভিদিরেত্তুন্ এজোক্; লগেপ্রভু যেক্কেনে তা মানুচ্চুনোর্ অবস্থাগান ফিরেব সেক্কেনে যাকোবর বংশগুনে ফুত্তি গুরিবাক্- ইস্রায়েলীয়গুনে হুজি অবাক্।

গীতসংহিতা 85:1

ও লগেপ্রভু, তঅ দেজ্‌ছান উগুরে তুই দোয়্যে দেগেয়োচ্; তুই যাকোবরে তা বন্দি দজাত্তুন্ ফিরেই আন্যচ্।

গম্ উপদেজ্ 1:23

মর্ শাজন কধালোই যুনি তুমি শুনিদা, সালে মঅ আত্মাগান মুই তমা উগুরে ঢালি দিদুং, মঅ মনঅ কধানি তমারে জানেদুং।

যিশাইয় 44:3

কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

যিরমিয় 16:15

বরং তারা কবাক্, যিবে উত্তর দেজত্ আর অন্য দেজত্ ইস্রায়েলীয়গুনোরে দূর্ গুরি দিয়্যে আর সিয়েনত্তুন নিগিলেই আন্যে সেই জেদা লগেপ্রভুর নাঙে। তারা এ কধাগান কবাক্, কিত্তে যে দেজ্‌চান মুই তারার পুরোণি মানুচ্চুনোরে দুয়োং সেই দেজত্ তারারে ফিরেই আনিম।‍‌‍

যিরমিয় 29:14

তুমি মরে হবর্ পেবা, আর মুই তমারে বন্দী দজাত্তুন্ ফিরেই আনিম। যিদুক্কুন জাদে আর যেদক্কানি জাগা ভিদিরে মুই তমারে ধাবেই দুয়োং সিয়েনত্তুন মুই তমারে এগত্তর্ গুরিম। যে জাগানত্তুন্ মুই তমারে বন্দী গুরি নেযেয়োং মুই সিয়োদোই তরে ফিরেই আনিম। মুই লগেপ্রভু এ কধাগান কঙর্।”

যিরমিয় 30:18

লগেপ্রভু কোইয়্যেদে, “মুই যাকোব বংশর মানুচ্চুনোর অবস্থা ফিরেম আর তারা উগুরে মেয়্যে গুরিম। শঅরানরে সিয়েনর ভস্ত ওইয়্যে জাগান উগুরে আরঅ তুলো অবঅ আর রাজঘরান্ থিয়্যেই থেবঅ তা আগ জাগানত্।

যিরমিয় 30:3

কিত্তে এমন দিন এজের্ যেক্কে মুই মর্ মানুচ্ ইস্রায়েল আর যিহূদার অবস্থা ফিরেম আর যে দেজ্‌চান মুই তারার পুরোণি মানুচ্চুনোরে দুয়োং সেই দেজত্ তারারে ফিরেই আনিম, আর সিয়েন তারা গজগত্ থেবঅ।”‌‌‌

যিহিষ্কেল 16:53

যাওক্, মুই সদোম আর তার মিলেগুনোরে, শমরিয়া আর তার মিলেগুনোরে আর তারা লগে লগে তর্‌অ অবস্থা ফিরেম।

যিহিষ্কেল 39:25

প্রভু লগেপ্রভু আরঅ কোইয়্যেদে, “মুই ইক্কিনে যাকোবরে বন্দীদজাত্তুন্ ফিরেই আনিম আর ইস্রায়েলর বেক্ মানুচ্চুনোরে মেয়্যে গুরিম আরে মঅ নাঙানর্ পবিত্রতাগানত্তে আওজি ওম্।

দানিয়েল 12:1

“সেই সময়োত্ তঅ মানুচ্চুনোরে রোক্ষ্যে গুরিয়্যে দাঙর্ স্বর্গদূত মীখায়েলে তমা তপ্পে থিয়্যেব। এমন এক্কো দুঘো সময় এবঅ যিবে তঅ জাদর্ আরাম্ভত্তুন্ ধুরি সেই সময় সং কনদিন্‌অ ন-অয়। মাত্তর্ সেই সময় তঅ মানুচ্চুনো ভিদিরে যিগুনোর নাঙানি বোইয়ো ভিদিরে লেখ্যে থেবঅ তারা উদ্ধোর্ পেবাক্।

যোয়েল 2:29

এন্ কি, সে অক্তত্ মর্ চাগর আর চাগরানীগুনো উগুরে মুই মঅ আত্মাগান ঢালি দিম।

আমোষ 9:14

বন্দীদজাত্ থেইয়্যে মঅ মানুচ্ ইস্রায়েলীয়গুনোরে মুই ফিরেই আনিম; তারা ভস্ত ওই যেইয়্যে শঅরানি আরঅ বানেবাক্ আর সিয়েনিত্ বজত্তি গুরিবাক্। তারা আংগুর খেত্ গুরিনে আংগুর-রস হেবাক্; তারা বাগান গুরিনে সিয়েনর্ ফলুন হেবাক্।

গণাণা 11:29

জোবত্‌ মোশি কলঅ, “মর্‌ মান-সর্মানান্‌ তইদু দাঙর্‌ ওই উদিলো? মুই চাং লগেপ্রভুর বেক্‌ মানুচ্চুনেয়ই যেন ভাববাদী অন আর লগেপ্রভু যেনে তার আত্মাগান্‌ তারা উগুরে দে।”

দ্বি’লম্বর বিররণ 30:3

সেক্কে লগেপ্রভু বোন্দীদজাত্তুন উদ্ধোর্ গুরিনে তমারে ফিরেই আনিবো। তে তমা উগুরে দোয়্যে গুরিবো আর যিদুক্কুন জাদ ভিদিরে তমারে ছিদি দিবো তারা ভিদিরেত্তুন তে আরঅ তমারে তোগেই আনিবো।