যোয়েল 2:2 - Chakma Bible

² সিবে আন্ধার্ আর অমকদ আন্ধারর্ দিন, মেঘর্ আর ঘুর্‌গুজ্যে আন্ধারর দিন। মুড়ো-মুড়ি উগুরে যেবাবোত্যে বেন্যেপোত্যে পহ্‌‌রান্ ছিদি পড়ে সেবাবোত্যেগুরি এক্কো দাঙর্ আর বোলী পুগ্-যুগর সৈন্যদল এজের্। এবাবোত্যে সৈন্যদল আগ-কালত্ কনদিন্‌অ ন-এলঅ, আর যিদুক্কুন যুগ এত্তন্ সেক্কেনেয়ো ন-থেবাক্।

যোয়েল 2:2 Iomraidhean Croise

গীতসংহিতা 10:6

তে মনে মনে কয়দে, “এমন্ কিজু নেই যিয়েনে মরে লারেই পারে; মর্ দজা কনঅ কালত্ ন-অবঅ।”

গীতসংহিতা 97:2

তার চেরোকিত্তে মেঘে আর আন্ধারে ঘিরে; ধর্ম আর দোল্‌বিচেরর্ উগুরে তার সিংহাসনান্ থিয়্যেই আঘে।

যাত্রা 10:14

সেক্কে পুরো মিসর দেজছান উগুরে গুণি ন-পুড়েইয়্যে পুগ্-যুগ্ এইনে বেক্‌ জাগানিত্‌ বজিলাক্। এদক্‌ পুগ্-যুগ্ আগেদি আর কনঅদিন দেগা ন-যায়, কনদিন্‌ দেগায়ো ন-যেবঅ।

যাত্রা 10:6

সে পরেদি তর্‌ আর তর্ বেক কাম্‌গুরিয়্যেগুন আর অন্য বেক্‌ মিসরীয়গুনো ঘরানিত্‌ এ পুগ্-যুগ্‌কুনে ভুরি যেবাক্। এ দেজত্‌ এজানার্‌ পরেত্তুন্‌ ধুরি এচ্চ্যে সং তর্‌ বাপ-দাদাগুনে আর তারার্‌ বাপ-দাদাগুনেয়ো কনদিন এবাবোত্যে অদে ন-দেগন্।’ ” এ কধাগান্‌ কনার্‌ পরেদি মোশি পিজেদি ফিরি ফরৌণ ইধু গেলগোই।

যাত্রা 20:21

মানুচ্চুনে দূরোত্‌ ঠিয়্যেই রলাক্‌ আর মোশি গোজেন ইদু সেই ঘন মেঘ ইন্দি উজেই গেলঅ‌।

যিশাইয় 5:30

সেদিন্যে তারা সাগর গুজুরোনি ধোক্ক্যেন্ গুরি লগেপ্রভু মানুচ্চুনো উগুরে গুজুরি উদিবাক্। কনজনে যুনি সেক্কে দেজ ইন্দি রিনি চায় সালে তে দেগিবোদে আন্ধার আর দুঘ্; এমন কি, পহ্‌রান্অ মেঘে ঢাগিনে আন্ধার্ ওই যেবঅ।

যিশাইয় 8:22

সে পরেদি তারা পিত্‌‌‌‌থিমীগান ইন্দি রিনি চেইনে দেগিবাক্ বানা দুঘ্, আন্ধার আর দর্‌‌গরেপারা যন্ত্রণা। গুর্‌‌গুজ্যে আন্ধার ভিদিরে তারারে দূর্ গুরি দিয়্যে অবঅ।

যিরমিয় 13:16

তুমি তমার গোজেন লগেপ্রভুরে বাঈনী গরঅ, সিয়েন ন-গুরিলে তে আন্ধার্ আনিবো আর আন্ধার ওই এচ্চ্যে বেক্ মুড়োমুড়িগুনো উগুরে তমা টেঙানিয়ে উজোত্ হেবঅ। তুমি পহ্‌‌‍র আশা গুরিলে তে সিয়েন অান্ধার গুরি দিবো, ঘুর্‌‌‍‍‍গুজ্যে আন্ধার্ গুরি দিবো।

যিরমিয় 13:6

ভালোক্ দিন পরেদি লগেপ্রভু মরে কলঅ, “তুই ইক্কিনে ইউফ্রেটিস গাঙ ইধু যাহ্ আর সিদু যে জাংগিবো মুই তরে লুগেই রাগেবাত্তে কোইয়োং সিবে আন।”

আবিলেচ্ 1:12

তুমি যিগুনে মঅ কায়-কুরেদি যঅ তমাত্তুন্ কি কনঅ কিজু গুরিবার নেই? এক্কানা ঘুরিনে রিনি চঅ। মরে যে যন্ত্রনা দিয়্যে ওইয়্যে সেধোক্ক্যেন্ যন্ত্রনা কি আর কাররে দিয়্যে ওইয়্যে, যিয়েন্ লগেপ্রভু তার জোল্‌‌জোল্যে রাগর্ দিনোত্ মরে দিয়্যে?

যিহিষ্কেল 32:7

তরে শেজ্ গুরি দিবার সময় মুই আগাজ্‌‌‌‌‌‌চান নাঢি দিম আর তারাগুন্ কালা গুরি দিম; মেঘ্‌‌‌‌‌‌কোই মুই বেলানরে নাঢি দিম আর চানানে পহ্‌‌‌‌‌‌র ন-দিবো।

যিহিষ্কেল 34:12

গরগে যেবাবোত্যেগুরি তার ছিদি পোজ্যে পালরে তগায় সেবাবোত্যেগুরি মুই মর্ ভেড়াগুনোরে তোগেম্। মেঘ আর আন্ধার দিনোত্ তারা যেদক্কানি জাগাত্ ছিদি পোজ্যন্ মুই সিয়েনিত্তুন্ তারারে উদ্ধোর্ গুরিম।

যিহিষ্কেল 38:9

তুই আর তর্ বেক সৈন্যগুন আর তঅ সমারে ভালোক্কুন জাদে সেই দেজ্‌‌‌‌‌‌চান আক্রমন গুরিবাত্তে ঝড় ধোক্ক্যেন উজেই যেবাক্; তুমি মেঘ ধোক্ক্যেন গুরি দেজ্‌‌‌‌‌‌চানরে নাঢি ফেলেবা।

দানিয়েল 12:1

“সেই সময়োত্ তঅ মানুচ্চুনোরে রোক্ষ্যে গুরিয়্যে দাঙর্ স্বর্গদূত মীখায়েলে তমা তপ্পে থিয়্যেব। এমন এক্কো দুঘো সময় এবঅ যিবে তঅ জাদর্ আরাম্ভত্তুন্ ধুরি সেই সময় সং কনদিন্‌অ ন-অয়। মাত্তর্ সেই সময় তঅ মানুচ্চুনো ভিদিরে যিগুনোর নাঙানি বোইয়ো ভিদিরে লেখ্যে থেবঅ তারা উদ্ধোর্ পেবাক্।

দানিয়েল 9:12

আমার আর আমার শাজন্‌গুরিয়্যেগুনোর্ বিরুদ্ধে তুই যে কধানি কোইয়োচ্ সিয়েনি পূরোণ গুরিবাত্তে তুই আমা উগুরে দাঙর্ দযা আন্যচ্। যিরূশালেম উগুরে যিয়েনি গরা ওইয়্যে গোদা পিত্‌‌‌থিমীত্ আর কনজাগাত্ সেবাবোত্যে গরা ন-অয়।

যোয়েল 1:6

এক্কো জাদে মঅ দেজ্‌চান আক্রমন গোজ্যে; তে বোলী আর তা সৈন্যগুন গুণি ন-পুড়েইয়্যে। তা দাত্তুন্ সিংহ দাদ ধোক্ক্যেন আর তার বিষদাত্তুন্ সিংহীর বিষদাদ ধোক্ক্যেন্।

যোয়েল 2:25

লগেপ্রভু কত্তে, মর্ বিরেট্ সৈন্যদল যিবে মুই তমা ইধু পাধেয়োং তারা, অত্তাৎ ঝাক্-বোত্যে পুগ্-যুগো পাল, ভস্তগুরিয়্যে পুগ্-যুগ্, ফাল্যে-যেইয়্যে পুগ্-যুগো পাল আর কামেড়্যেয়ে পুগ্-যুগো যেদক্ বজর ধুরিনে তমা ফসলানি হেইয়োন সিয়েনি মুই সুজি দিম।

যোয়েল 2:31

লগেপ্রভুর সেই মহৎ আর দর্‌‌গরেপারা দিনুন এবার্ আগেদি বেলান্ আন্ধার্ ওই যেবঅ আর চানান্ লো ধোক্ক্যেন অবঅ।

যোয়েল 2:5

রথ রঅ ধোক্ক্যেন্, নাড়া পুজ্যে আগুনো রঅ ধোক্ক্যেন তারা মুড়ো উগুরেদি ফাল্ দিইনে এজন্। তারা যুদ্ধোত্তে সুর্ গুরি এক্কো বোলীবন্দ সৈন্য ধোক্ক্যেন্।

যোয়েল 3:4

ইক্কিনে ও সোর, সীদোন আর পলেষ্টীয়ার বেক্ চাগালাগান, মঅ লগে তমার্ কি কুদুম্মো? তুমি কি মঅ উগুরে হেনা সুজোর্? যুনি তুমি মঅ উগুরে হেনা সুজো সালে তুমি যিয়েন গুরিবে সিয়েনই মুই লগে লগে খুব যাদিমাদি তমা নিজো মাঢা উগুরে ফিরেই দিম।

আমোষ 4:13

মনত্ রাগা, যিবে মুড়ো-মুড়ি বানায়, বোইয়্যের্ বানায় আর মান্‌‌‌‌জ্য ইধু নিজোর্ চিন্তেগানি ফগদাং গরে, যিবে পহ্‌‌‌‌রানরে আন্ধার্ গরে আর পিত্‌‌‌‌থিমীর মুড়ো-মুড়ি উগুরেদি আঢে সিবে নাঙান্ বেগত্তুন্ খেমতাবলা লগেপ্রভু গোজেন।

সফনিয় 1:7

তুমি প্রভু লগেপ্রভুর মুজুঙোত্ অলর্ অ, কিত্যে লগেপ্রভুর দিনুন্ কায়কুরে লুম্মেগি। লগেপ্রভু এক্কান উৎসর্বর আয়োজন গোজ্যে; তে যিগুনোরে বোলেয়্যে তারারে সিজি গোজ্যে।

সখরিয় 14:6

সেদিন্যে কনঅ পহ্‌র ন-থেবঅ, চানান্ আর বেলান্ আন্ধার্ ওই যেবঅ।

মথি লেখ্যে গম্ হবর্ 24:21

সেক্কে এমন্ দুঘ্ অবঅ যিয়েন্ জগদর্ আরাম্ভত্তুন্ ধুরি এ সময়ান সং কনদিন্অ ন-অয় আর নয়ো অবঅ।

মার্ক 13:19

কিয়া সে অক্তত্ এমন্ দুঘ্ অবঅ যিয়েন গোজেনে জগদ্‌থান সৃট্টিত্তুন্ ধুরি এ সময়ান সং ন-অয় আর সে পরেদিয়ো আর ন-অবঅ।

দ্বি’লম্বর বিররণ 32:7

সেই পুরোণি দিনুনোর কধানি মনত্‌ গর্‌; তমার ভালোক্‌ দিন আগর্ পুরোণি মানুচ্চুনোর কধানি ভাবি চঅ। সেই বেক্‌ দিনুনোর কধানি তমার বাপ্পোনোত্তুন পুজোর গরঅ, তারা তমারে কবাক্; বুড়ো মানুচ্চুনোরে পুযোর্‌ গরঅ, তারা তমারে বুঝেইনে কবাক্।

ইব্রীয় 12:18

যে জ্বোল্‌জোল্ল্যা মূড়ো ধরা যায় সেবাবোত্যে কনঅ মূড়ো কায়-কুরে তুমি ন-এজঅ। তুমি ঘুর্‌ঘুজ্জ্যে আন্ধার্ আর ঝড় বা কনঅ তূরীর্ রঅ আহ্ কধা রবোর্ কায়-কুরেয়ো ন-এজঅ। যিগুনে সেই কধানি শুন্ন্যন্ তারা কোজোলি গুরিনে কোইয়োন যেন তারা ইধু আর কিচ্চু কুয়ো ন-অয়,

যিহূদা 1:13

ইগুনে ঝরত্ সাগর তুবোল ধোক্ক্যেন; সাগর ফেনা ধোক্ক্যেন ইগুনোর্ লাজ্ গরেপারা কামানি ভাযি উদে। ইগুনে ঘুরি বেড়েয়্যে তারা ধোক্ক্যেন; উমরত্যে ভারী আন্ধারান ইগুনোত্যে জমা গুরি থুয়ো ওইয়্যে।

ফগদাং পেইয়্যে 9:2

তারাবো সেই গভিন্ গাঢ্‌তো খুলিলো; সেক্কে দাঙর্ চুলোবোত্তুন্ যেধোক্ক্যেন গুরি ধূমো নিগিলে, ঠিগ্ সেধোক্ক্যেন গুরি সেই গাঢ্‌তোত্তুন্ ধূমো নিগিলে ধুরিলো। সেই গাঢ্‌তোর্ ধূমোলোই বেলান আর আগাজ্‌চান আন্ধার ওই গেলঅ,