যোয়েল 1:7 - Chakma Bible

⁷ তে মর্ বেক আংগুর-লুদিগানি বর্‌বাত গোজ্যে আর ডোমোর্ গাজ্‌চুন ভাঙি ফেলেয়্যে। সিগুনোর বাগলানি ছুলিনে তে সিয়েনি ফেলেই দিয়্যে; সেক্কে ডেলাগুন বেক্কানি দুপ্ ওই যেইয়্যে।

যোয়েল 1:7 Iomraidhean Croise

গীতসংহিতা 105:33

তারার আংগুর লুদিগানিত্ আর ডোমোর গাজত্ তে আঘাত গুরিলো আর দেজত্ বেক গাজ-বাশ্‌ছুন ভাঙি দিলো।

যাত্রা 10:14

সেক্কে পুরো মিসর দেজছান উগুরে গুণি ন-পুড়েইয়্যে পুগ্-যুগ্ এইনে বেক্‌ জাগানিত্‌ বজিলাক্। এদক্‌ পুগ্-যুগ্ আগেদি আর কনঅদিন দেগা ন-যায়, কনদিন্‌ দেগায়ো ন-যেবঅ।

যাত্রা 10:15

সে পুগ্-যুগ্‌কুনে পুরো দেজছানত্‌ এমন্‌গুরি ছিদি পড়িলাক্, মাদি উগুরেদি কালা গুরি দেগা যেদঅ। মাদত্‌ য়েল্‌ বাবোত্যে বেক্কানি আর গাজত্‌ যিদুক্কুন্‌ গুলো শিলো-ঝড়ত্তুন্‌ রেহাই পেইয়োন্‌ সিগুন্‌ বেক্কুন্‌ তারা হেই ফেলেলাক্। পুরো মিসর দেজর্‌ গাছ-গাছরাগুনোত্‌ য়েল্‌ বাবোত্যে আর কিচ্চু ন-রলঅ।

যিশাইয় 24:7

নুয়ো আংগুর-রস ন-থেবঅ আর আংগুর লুদিগানি শুগেই যেবঅ; যিগুনে রঙ্গ-ফুত্তি গরন্ তারা বেক্কুনে দুঘে ভঅ নিজেস্ ফেলেবাক্।

যিশাইয় 32:12

চোগ্ জুড়োইদ্যে খেত্ আর গুলো-গুলিলোই ভরা আংগুর লুদিগানিত্তে তমা বুগ্‌কুন্ চাবেড়েয়ো।

যিশাইয় 5:6

মুই সিয়েন এক্কান ভস্তর্ জাগা বানেম্; সিয়েনর্ লুদিগান কাবায়ো ন-অবঅ আর তার ভূইয়ান্‌অ চাজ্ গরা ন-অবঅ, আর সিয়েনত্ জোর্মেব বানা কাদাঝুপ্ আর কাদাগাজ্। মুই মেঘ্‌কানরে উগুম দিম্ যেন তে ঝড়্ ন-পেলায়।”

যিরমিয় 8:13

লগেপ্রভু কোইয়্যেদে, “তারারে মুই শেজ্ গুরি দিম। আংগুর লুদিত্ কনঅ আংগুর ন-থেবাক্, ডোমোর গাজত্ ডোমোর গুলো ন-থেবাক্ আর সিগুনোর পাদানি শুগেই যেবঅ। মুই তারারে যিয়েনি দুয়োং সিয়েনি আর ন-থেবঅ।”

হোশেয় 2:12

যেদক্কানি আংগুর-লুদি আর ডোমোর্ গাজ পৌইদ্যেনে তে কোইয়্যে, তার পাওনা ইজেবে তা লাঙুনে দুয়োন, সিয়েনি মুই বর্‌‌বাত্ লাগেম; সিয়েনি মুই ঝারত্ ফেলেই দিম্বোই আর য়েমানুনে সিয়েনি হেই ফেলেবাক্।

যোয়েল 1:12

আংগুর লুদি শুগেই যেইয়্যে আর ডোমোর্ গাজ মুরি যার্; ডালোম্, খাজোর্ আর আপেল গাজ, এন্ কি, খেদর্ বেক্ গাজ্‌‌চুন শুগেই যেইয়োন। ঘেচ্চেকগুরি মানুচ্চুনো ভিদিরেত্তুন হুজি রাজি ফুরেই যেইয়্যে।

আমোষ 4:9

মুই বোউত্‌‌‌বার্ তমারে বাগান আর আংগুর খেত্ শুগেই যেইয়্যে পীড়ে আর ছাৎলা-পোজ্যে পীড়েলোই আঘাত্ গুরিলুং। পুগ্-যুগে তমার্ ডোমোর্ আর জলপাই গাজচুন্ শেজ্ গুরি দিলো; তো তুমি মইদু ফিরি ন-এলা।

হবক্‌‌‌‌কূক 3:17

যুনিও ডোমোর্ গাজত্ বোল্ ন-পড়িবাক্ আর আংগুর লুদিত্ ন-থেবাক্ কনঅ আংগুর, যুনিও জলপাই গাজত্ ফল ন-ধুরিবাক্ আর খেদত্ ন-জোর্মেবাক্ হেবাত্তে কনঅ শোজ্য, যুনিও ভেড়ার ঘরত্ ন-থেবাক্ ভেড়া আর গোরু ঘরত্ ন-থেবাক্ গোরু,

মালাখি 3:11

মুই গজক্ গুরিয়্যে পুগ্‌-যুগরে মানা গুরিম যেনে তারা তমা খেত্-খেত্তিগানি হেই ন-ফেলান; ইয়েন বাদেয়ো তমা খেদত্ আংগুর লুদির্ ফলুন্ ঝুরি ন-পুড়িবাক্।