যোয়েল 1:6 - Chakma Bible

⁶ এক্কো জাদে মঅ দেজ্‌চান আক্রমন গোজ্যে; তে বোলী আর তা সৈন্যগুন গুণি ন-পুড়েইয়্যে। তা দাত্তুন্ সিংহ দাদ ধোক্ক্যেন আর তার বিষদাত্তুন্ সিংহীর বিষদাদ ধোক্ক্যেন্।

যোয়েল 1:6 Iomraidhean Croise

গীতসংহিতা 107:34

আর ফসল জর্মেয়্যে ভূইয়ানিরে গরে নুনো খলা। যিগুনে সিদু বজত্তি গরন তারার পাজিগানির কারনে তে ইয়েনি গরে।

গম্ উপদেজ্ 30:14

তারার দাত্‌‌তুন যেন তলোয়ার আর মারিগান যেন ছুরি ধোক্ক্যেন্, যেনে তারা পিত্‌‌থিমীত্তুন্ দুঘি মানুচ্চুনোরে আর মান্‌‌জ্য ভিদিরেত্তুন্ অভাবীগুনোরে গিলিক্ গুরি পারন।

যিশাইয় 32:13

কাদাগাজে আর কাদাঝুব্‌পোই ভরা মঅ মানুচ্চুনোর্ দেজ্‌ছানত্তে বুগ্ চাবড়। অয়, রঙ্গ-ফুত্তিলোই ভরা ঘরানি আর কিজিক্-কাজাগে ভরা শঅরত্তে বুগ্ চাবড়।

যিশাইয় 8:8

আর সিয়েন যিহূদা দেজ ভিদিরে জোড়ে এইনে পুরিবো আর উদুরে উদিনে গত্তনা সং বাড়িবো। ও ইম্মানূয়েল, আসিরিয়ার রাজা তা মেল্যে ডুয়োগানিলোই তঅ পুরো দেজ্‌ছান নাঢি ফেলেব।

হোশেয় 9:3

তারা লগেপ্রভুর দেজত্ ন-থেবাক্; ইফ্রয়িমে মিসরত্ ফিরি যেবঅ আর আসিরিয়ার অসিজি হানা হেবঅ।

যোয়েল 2:25

লগেপ্রভু কত্তে, মর্ বিরেট্ সৈন্যদল যিবে মুই তমা ইধু পাধেয়োং তারা, অত্তাৎ ঝাক্-বোত্যে পুগ্-যুগো পাল, ভস্তগুরিয়্যে পুগ্-যুগ্, ফাল্যে-যেইয়্যে পুগ্-যুগো পাল আর কামেড়্যেয়ে পুগ্-যুগো যেদক্ বজর ধুরিনে তমা ফসলানি হেইয়োন সিয়েনি মুই সুজি দিম।