যোয়েল 1:10 - Chakma Bible

¹⁰ বেক্ খেত্তানি বর্‌‌বাত্ ওই যেইয়্যে, মাদিগানে আবিলেচ্ গরের্, কিত্যে শোজ্যগানি বর্‌‌বাত্ ওইয়্যে, নুয়ো আংগুর-রস শুগেই যেইয়্যে আর তেল শেজ্ ওই এজের্।

যোয়েল 1:10 Iomraidhean Croise

পত্থম 4:12

তুই যেক্কে ভূইয়ো চাষ গুরিবে সেক্কে সিয়েনে আর তরে সেধোক্ক্যেন খেত-খেত্তি ন-দিবো। তুই পোল্ল্যেই পোল্ল্যেই পিত্‌থিমীয়ানত্‌ ঘুরি বেড়েবে।”

যিশাইয় 15:6

নিম্রীমর বেক পানিগান বর্‌বাদ দিয়্যে ওইয়্যে আর ঘাস্‌ছানি শুগেই যেইয়্যে; গাজ-গাজ্‌ড়া নেই, য়েল্ বিলিনে আর কিচ্চু বাগি নেই।‌

যিশাইয় 24:11

পধে পধে আংগুর-রসত্তে রঅ ছাড়ি উদিবাক্। বেক্ রঙ্গ-ফুত্তিগানির বদলে দুঘ্ অবঅ, আর পিত্‌থিমীত্তুন্ বেক্ রঙ্গ-ফুত্তিগানি দূর্ ওই যেবঅ।‌

যিশাইয় 24:7

নুয়ো আংগুর-রস ন-থেবঅ আর আংগুর লুদিগানি শুগেই যেবঅ; যিগুনে রঙ্গ-ফুত্তি গরন্ তারা বেক্কুনে দুঘে ভঅ নিজেস্ ফেলেবাক্।

যিরমিয় 12:11

সিয়েনে মইধু মানুচ্ নেইয়্যে ওইনে আবিলেচ্ গোজ্যন। পুরো দেজ্‌চান আঙ্যা ভূই ওইনে রোইয়্যে বিলি কনজনে সিয়েন ইন্দি মনযোগ্ ন-দুয়োন।‌‌

যিরমিয় 12:4

আর কয়দিন দেজ্‌‍‍‌‌‌‌‌চানে আবিলেজ্ গুরিবো আর মাদ গাজ্‌‍‍‌‌‌‌‌চানি শুগুনো ওই থেবঅ? যিগুনে সিয়েনত্ বজত্তি গরন তারা ভান্ন্যেই বিলিনে য়েমানে আর পেগ্‌‍‍‌‌‌‌‌কুনে বেক্কুন ভস্ত ওই যেইয়োন। সেই মানুচ্চুনে কদন, “আমার যিয়েন অবঅ সিয়েন তে ন-দেগিবো।”

যিরমিয় 48:33

মোয়াবর ফলর্ বাগান, অত্তাৎ মোয়াব দেজত্তুন্ ফুত্তি আর হুজির্ ভাব যেইয়্যেগোই। মুই আংগুর মাড়েদে জাগানত্তুন্ আংগুর-রসর গঙারান্ নাঢি দুয়োং; হুজিয়ে রাজিয়ে আর সিগুন কনজনে ন-মাড়ন। যুনিয়ো কিজিক্ কাজাক্ আঘে মাত্তর্ সিগুন হুজির্ রঅ নয়।

হোশেয় 4:3

ইয়েনত্তে দেজ্‌চানে আবিলেচ্ গরের আর যিগুনে দেজ ভিদিরে বজত্তি গত্তন্ তারা শেজ্ ওই যাদন আর য়েমান, পেগ্ আর মাছ মুরি যাদন্।

হোশেয় 9:2

ইয়েনর্ পরেদি খামার আর আংগুর মাড়েদে জাগানিয়ে মানুচ্চুনোরে হানা ন-দিবাক্; তারা নূয়ো আংগুর-রস ন-পেবাক্।

যোয়েল 1:12

আংগুর লুদি শুগেই যেইয়্যে আর ডোমোর্ গাজ মুরি যার্; ডালোম্, খাজোর্ আর আপেল গাজ, এন্ কি, খেদর্ বেক্ গাজ্‌‌চুন শুগেই যেইয়োন। ঘেচ্চেকগুরি মানুচ্চুনো ভিদিরেত্তুন হুজি রাজি ফুরেই যেইয়্যে।

যোয়েল 1:5

ও মাত্তল্‌বলাগুন, জাগি উদো আর কানাকুদি গরঅ। ও বেক্ মদ খুরুন, তুমি তাজা আংগুর-রজর্ মদত্তে আবিলেচ্ গরঅ, কিত্যে সিয়েন তমা মুয়োত্তুন্ কাড়ি নেযা ওইয়্যে।

যোয়েল 2:19

লগেপ্রভু তারার্ কধানির জোব্ দিইনে কবঅ, মুই তমা ইধু শোজ্য, নূয়ো আংগুর-রস আর তেল পাদাঙর্, সেক্কে তুমি ভর্‌‌‌‌পুনোং গুরিনে হুজি অবা; অন্য জাদ ইধু আর কনদিন্‌অ মুই তমারে ঈচ্ গরেপারা ন-গুরিম।

লেবীয় 26:20

সেক্কে তুমি অনত্তক্ কাম গুরিনে মুরিবা; তমার ভূইয়োত্‌ সেক্কে ফসলঅ ন-অবঅ, গাজ-বাজত্‌ গুলোগুলিও ন-ধুরিবাক্।

হবক্‌‌‌‌কূক 3:17

যুনিও ডোমোর্ গাজত্ বোল্ ন-পড়িবাক্ আর আংগুর লুদিত্ ন-থেবাক্ কনঅ আংগুর, যুনিও জলপাই গাজত্ ফল ন-ধুরিবাক্ আর খেদত্ ন-জোর্মেবাক্ হেবাত্তে কনঅ শোজ্য, যুনিও ভেড়ার ঘরত্ ন-থেবাক্ ভেড়া আর গোরু ঘরত্ ন-থেবাক্ গোরু,

হগয় 1:11

খেত-খামার, মুড়ো-মুড়ি, শোজ্য, নূয়ো আংগুর-রস, তেল আর মাদিত্ যিয়েনি জর্মায় সিয়েনি উগুরে মানুচ্, য়েমান আর তমা আঢর্ বেক কামানি উগুরে ঝড় ন-পড়িবাত্তে মুই উগুম দুয়োং।”

মালাখি 2:3

তমাত্যে মুই তমা বংশধরুনোরে সাজা দিম; তমা পরবর্ উৎসর্বর য়েমানুনোর্ কাজরানি মুই তমা মুয়োত্ লিবি দিম আর সেই কাজরান্ সুমুত্তো তমারে দূর্ গুরি দিয়্যে অবঅ।”