যোহন 9:7 - Chakma Bible

⁷ “যাহ্, শীলোহ পোর্‌বোত্ যেইনে ধোই ফেলা।” শীলোহ মানে দিপাধা অলঅ। মানুচ্চো যেইনে চোগ্ ধোই ফেলেল আর চোগেদি দেগিনে ফিরি এলঅ। ইয়েন্ দেগিনে তা পাড়াল্ল্যেগুনে আর যিগুনে তারে আগে ভিক্ষ্যে মাগদে দেক্ক্যন্ সিগুনে বেক্কুনে কুয়ো ধুরিলাক্,

যোহন 9:7 Iomraidhean Croise

নহিমিয় 3:15

মিস্পা জেলার শাজন্‌গুরিয়্যে কল্‌হোষির পূঅ শল্লুম পয়নালার্‌-গেট্‌তুয়ো ঠিগ্‌ গুরিলো। তে সিয়েন উগুরে ছাল্‌ দিলো আর সিয়েনর দোরান্‌, খিলুন্‌ আর হুক্কুন্‌ লাগেল। রাজার বাগানর কায়-কুরে শীলোহর পুয়োরর্‌ দেবালত্তুন্‌ আরাম্ভ গুরিনে দায়ূদোর শঅরত্তুন্‌ যে সিড়িগান্‌ তলেন্দি লামি যেইয়্যে সিয়েন সং তে ঠিগ্‌ গুরিলো।

গীতসংহিতা 146:8

লগেপ্রভু কান্ মানুচ্চুনোরে রিনি চেবার খেমতাগান দে; যিগুনে লুঙি পোজ্যন্ লগেপ্রভু তারারে তুলি ধরে; লগেপ্রভু গম্ মানুচ্চুনোরে কোচ্‌পায়।

যাত্রা 4:11

মাত্তর্‌ লগেপ্রভু তারে কলঅ, “মান্‌‌জ্যর মুয়োনি কন্না বানেই দিয়্যে? কন্না তারে বুব্‌, বহ্‌রা, চোখ কান্‌ গোজ্যে? আর কন্না বা তারে চোগোদি দেগিবার্‌ খেমতাগান্‌ দিয়্যে? সিবে কি মুই লগেপ্রভু নয়?

যিশাইয় 32:3

সেক্কে যিগুনোর চোগ্‌কুনে দেগিবাক্ তারা চোগ্‌কুন নাঢা ন-যেবাক্, আর যিগুনোর কানানিয়ে শুনে তারা শুনিবাক্।

যিশাইয় 35:5

সেক্কে কান্ মানুচ্চুনোর চোগ্‌কুন খুলি যেবঅ,‌ বরাগুনোর্ কানানি নাঢা যেইয়্যে ন-থেবঅ।

যিশাইয় 42:7

তুই কান্ মানুচ্চুনো চোগ্‌কুন খুলি দিবে, জেলখানাত্তুন্ বন্দিগুনোরে উদ্ধোর্ গুরিবে আর সিদুগোর্ আন্ধার গাদত্ রাগেয়্যে মানুচ্চুনোরে নিগিলেই আনিবে।‌‍‍

যিশাইয় 43:8

যিগুনে চোগ্ থাগদেয়ো কান্ আর কান্ থাগদেয়ো বহ্‌‌রা তারা নিগিলি এজোদোক্।

যিশাইয় 8:6

এ মানুচ্চুনে শিলোহর্ ইন্দি লারে গুরি বেঈ যেইয়্যে পানিগান বাদ্ দিইনে রৎসীন আর রমলিয় পুয়োবোরে নিইনে ফুত্তি গোজ্যন্।

মথি লেখ্যে গম্ হবর্ 11:5

তারে জানঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেঁই উদোদন্ আর নাঢা মানুচ্চুনো ইধু গম্ হবর্ প্রচার গরা অর্।

লূকে লেখ্যে গম্ হবর্ 13:4

শিলোহর্ অজল্ ঘরান্ পড়ি যানায় যে আদার জনর্ মরণ ওইয়্যে, তমার্ কি মনে অয়, যিরূশালেমর্ বাদ্‌বাগী মানুচ্চুনোত্তুন্ তারার্ বেশ্ দুচ্‌ এলঅ?

লূকে লেখ্যে গম্ হবর্ 2:32

অন্য জাদ ইধু ইয়েন্ পথ দেগেবার পহরান্, আর তঅ ইস্রায়েল জাদ ইধু ইয়েন বাঈনী গুরিবার্ কধা।”

যোহন 10:36

সালে বাবা নিজো নাঙে যিগুনোরে যুদো গুরিলো আর জগদত্ পাধেই দিলো সিবে মুই যেক্কে কলুং, ‘মুই গোজেনর্ পুয়ো,’ সেক্কে তুমি কেধোক্ক্যেন্ গুরি কলা, ‘তুই গোজেন বিরুদ্ধে অগমানর্ কধা কর্’?

যোহন 11:37

মাত্তর্ যিহূদীগুনোত্তুন্ কেঅ কেঅ কলাক্, “কানা মান্‌জ্য চোগ্ যিবে মেলি দে, তে কি এমন্‌ কিজু গুরি ন-পারিদো যেনে মানুচ্চো মুরি ন-যেদঅ?”

যোহন 9:11

তে জোব্ দিলো, যীশু নাঙে সে মানুচ্চো প্যাক্ বানেইনে মঅ চোগ্‌কুনোত্ বাজেই দিলো, “শীলোহ পোর্‌বোত্ যেইনে ধোই ফেলা। মুই যেইনে ধলুং আর দেগিলুং।”

যোহন 9:39

যীশু কলঅ, “মুই এ পিত্‌থিমীত্ বিচের্ গুরিবাত্যে এচ্চ্যং, যেন যিগুনে ন-দেগন্ তারা দেগন্ আর যিগুনে দেগন্ তারা কানা অন্।”

রোমীয় 8:3

মান্‌জ্যর পাপ খাচ্চ্যদত্যে আইন-কানুনানি ভাঙি পোজ্জ্যে, আর সেনত্তে রীতি-সুদোমে যিয়েনি গুরি ন-পারে গোজেনে নিজে সিয়েনি গোজ্জ্যে। তে পাপ্‌পানি ধাবেবাত্যে নিজোর্ পাপ-নেইয়্যে পুয়োবোরে মান্‌জ্যর্ খাচ্চ্যত্ দিইনে পাধেই দিলো আর তা পুয়োবোর্ মরণর্ মাধ্যমে পাপর্ বিচের গুরিনে তা খেমতাগানরে বাদ দি দিলো।

গালাতীয় 4:4

মাত্তর্ সময় পূরেলে পরেদি গোজেনে তা পুয়োবোরে পাধেই দিলো। সেই পুয়োবো মিলে পেদত্ জোর্মেল আর রীতি-সুদোম অধীনোত্ জিংকানি কাদেল,