5 যেদক্ দিন মুই পিত্থিমীত্ আঘং মুই জগদর্ পহ্র।”
তে কোইয়্যেদে, “বানা যাকোবর্ বংশবোরে উদ্ধোর্ গুরিবাত্তে আর ইস্রায়েলর বাঁজি থেইয়্যে মানুচ্চুনোরে ফিরেই আনিবাত্তে যে তুই মর্ চাগর্ অবে সিয়েন নয়; সিয়েন খুব সামান্য বেপার। ইয়েন বাদেয়ো মুই অন্য জাদ্তুনো ইদু তরে পহ্র ধোক্ক্যেন গুরিম যেন তঅ মাধ্যমে সংসারর বেগ্ মানুচ্চুনে পাপত্তুন্ উদ্ধোর পান।”
মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।
যে মানুচ্চুনে আন্ধারত্ বজত্তি গরন, তারা বোউত্ পহ্র দেগিবাক্। যিগুনে ঘুর্গুজ্যে আন্ধার দেজত্ বজত্তি গরন, তারা ইধু পহ্র ফগদাং অবঅ।
তুমি জগদর্ পহ্র্। মুড়ো উগুরে শঅর্ লুগেই থোই ন-পারে।
অন্য জাদ ইধু ইয়েন্ পথ দেগেবার পহরান্, আর তঅ ইস্রায়েল জাদ ইধু ইয়েন বাঈনী গুরিবার্ কধা।”
মুই এ জগদত্ পহ্র ইজেবে এচ্চ্যং যেন মঅ উগুরে যে বিশ্বেজ্ গরে তে আন্ধারত্ ন-থায়।
পরেদি যীশু আরঅ মানুচ্চুনোরে কলঅ, “মুয়ই পিত্থিমীর্ পহ্রান্। যে মঅ পধেদি আঢে তে কনদিন্অ আন্ধারত্ ঠেং ন-ফেলেব, বরং জিংকানির্ পহ্র পেবঅ।”
ইয়েনর্ কারনান্ অলঅ, প্রভু আমারে এ কধাগান কোইয়্যেদে, ‘মুই অন্য জাদ্তুনো ইধু তরে পহ্র ধোক্ক্যেন্ গোজ্জ্যং, যেন তর্ মাধ্যমে গোদা দুনিয়ের্ মানুচ্চুনে পাপত্তুন্ উদ্ধোর্ পান।’ ”
সেই কধাগান্ অলঅ ইয়েন্, মশীহত্তুন্ দুঘ্ ভুগো পড়িবো আর তার্ মরণত্তুন্ পত্তমে জেদা ওই উদিনে তার্ নিজো জাদর্ মানুচ্চুনো ইধু আর অযিহূদীগুনো ইধু পহ্র রেজ্যর্ পৌইদ্যেনে ফগদাং গরা পড়িবো।
কিয়া পহ্রানে বেক্কানি ফগদাং গরে। ইয়েনত্যে পবিত্র বোইবোত্ লেগা আঘে, “ও ঘুম যেইয়্যে মানুচ্চো, জাগি উঠ্, মরণত্তুন্ জেদা অ; সেক্কে তঅ উগুরে খ্রীষ্ট পহ্র দিবো।”
সেই শঅরানরে পহ্র দিবাত্যে বেলান্ বা চানানর্ কনঅ দরকার নেই, কিয়া গোজেনর্ মহিমাই সিয়েনত্ পহ্র দে আর ভেড়া-ছবো সিয়েনত্ চেরাগ;
