যোহন 8:53 - Chakma Bible

⁵³ তে দঅ মুরি যেইয়্যে আর ভাববাদীগুনেয়ো মুরি যেইয়োন্। তুই নিজোরে কি মনে গরচ্?”

যোহন 8:53 Iomraidhean Croise

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

মথি লেখ্যে গম্ হবর্ 12:6

মুই তমারে কঙর্, উবোসনা-ঘরত্তুন্অ বেশ্ দাঙর্ একজন ইয়োত্ আঘে।

মথি লেখ্যে গম্ হবর্ 3:9

তুমি অব্রাহাম গুট্টির্ মানুচ্, ইয়েন নিজো মনত্ কোই পারিবার কধাগান চিন্তেয়ো ন-গোজ্য। মুই তমারে কঙর্, গোজেনে এ পাত্তরুনোত্তুন্ অব্রাহামর গুট্টি বানেই পারে।

যোহন 10:33

নেতাগুনে জোবত্ কলাক্, “গম্ কামত্যে আমি তরে পাত্তর্ ন-মারিই, মাত্তর্ তুই গোজেন বিরুদ্ধে অগমান কধা কর্ ক্যেনে মারিই। মানুচ্‌ ওইনেয়ো তুই নিজোরে গোজেন বিলিনে দাবী গরর্।”

যোহন 12:34

সেক্কে মানুচ্চুনে যীশুরে কলাক্, “আমি পবিত্র বোইবোত্তুন্ শুন্ন্যেই মশীহ উমরত্তে থেবঅ। মাত্তর্ তুই কিবাবোত্যে গুরি কর্ যে, মান্‌জ্য পুয়োবোরে অজলত্ তুলো অবঅ? সালে এ মান্‌জ্যপুয়োবো কন্না?”

যোহন 19:7

যিহূদী নেতাগুনে পীলাতরে কলাক্, “আমার্ এক্কো আইন আঘে, সেই আইন মজিম্ তার্ মরণ অনা উচিত, কিয়া তে নিজোরে গোজেনর্ পুয়ো কোইয়্যে।”

যোহন 4:12

তুই আমা পূরোণিমানুচ্ যাকোবত্তুন্ দঅ দাঙর্ নয়। এ কুয়োবো তে আমারে দিয়্যে। তে নিজে আর তা পুয়োগুনে এ কুয়োবোত্তুন্ পানি হেদাক্ আর তার্ য়েমানুনেয়ো হেদাক্।”

যোহন 5:18

যীশুর এ কধানত্যে যিহূদী নেতাগুনে তারে মারে ফেলেবাত্যে ফন্দি গরা ধুরিলাক্, কিয়া তে যে বানা জিরেবার্ দিনুনোর সুদোম্ ভাঙে সিয়েন্ নয়, গোজেনরে নিজোর্ বাপ্ বিলি ডাগিনে নিজোরে গোজেন সং অ গোজ্যে।

যোহন 8:58

যীশু তারারে কলঅ, “মুই তমারে ঘেচ্চ্যেক্‌গুরি কঙর্, অব্রাহামে জোর্মেবার্ আগেত্তুন্ ধুরি মুই আঘং।” এ কধাগান্ শুনিনে সেই নেতাগুনে যীশুরে মারিবাত্যে পাত্তর্ কুড়েলাক্। মাত্তর্ যীশু হবর্ ন-পেইয়্যে গুরি উবোসনা-ঘরত্তুন্ নিগিলি গেলঅ।

রোমীয় 9:5

গোজেনর্ দাঙর্ ভক্তগুনে তারার্ পুরোণি মানুচ্ এলাক্ আর মানুচ্ ইজেবে মশীহ তারা গুট্টিত্ জোর্মেয়্যে। তেয়ই গোজেন, যিবে বেক্কুনো উগুরে; বেক্ বাঈনীগান্ তার্। আমেন।