যোহন 8:44 - Chakma Bible

⁴⁴ শদানে তমা বাপ্ আর তুমি তার্ পুয়ো-ছা; সেনত্তে তুমি তা আওজ্‌চান্ পুরেবাত্তে চঅ। শদানে পৌইল্যাত্তুন্ ধুরি খুনী। তে কনদিন্অ সত্যত্ বজত্তি ন-গরে, কিয়া তা ভিদিরে সত্য নেই। তে যেক্কে মিজে কধা কয় সেক্কে তে সিয়েন্ নিজোত্তুন্ কয়, কিয়া তে মিজে কধা মাদিয়্যে আর বেক্‌ মিজে কধার্ জর্ম তা ভিদিরেত্তুন্ ওইয়্যে।

যোহন 8:44 Iomraidhean Croise

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

১ রাজাবলী 22:22

লগেপ্রভু পুযোর্‌ গুরিলো, ‘কেধোক্ক্যেন্ গুরি গুরিবে?’ তে কলঅ, ‘মুই যেইনে তার্‌ বেক্‌ ভাববাদীগুনোর্‌ মুয়োত্‌ মিজে কধা কবার্‌ আত্মা ওম্‌।’ লগেপ্রভু কলঅ, ‘তুই তারে ভুলেইনে নেযেই পারিবে। তুই যেইনে সিয়েন গর্‌।’

১ বংশধর 21:1

শতান্‌নো এবেরা ইস্রায়েল বিরুদ্ধে লাগিলো। ইস্রায়েল জাদ মানুচ্চুনোরে গুণিবাত্তে তে দায়ূদো মনত্‌ আওজ্ জাগেল।

ইয়োব 1:11

মাত্তর্‌ তুই আঢ্ বাবেইনে তার বেক্কানিত্‌ আঘাত্‌ গর্‌, তে হামাক্কাই তঅ‌ মুজুঙোত্‌ তঅ বিরুদ্ধে অগমান কধা কবঅ‌।”

মথি লেখ্যে গম্ হবর্ 12:34

সাপ গুট্টিগুন! নিজে ভান্ন্যেই ওইনে কেধোক্ক্যেন্ গুরি তুমি গম্ কধা কোই পারঅ? মান্‌জ্যর্ মনানি যিয়েনিলোই ভরা থায় মুয়োনে দঅ সে কধানি কয়।

মথি লেখ্যে গম্ হবর্ 13:15

এই বেক্ মানুচ্চুনোর মনানি বাজে আর কানানি নাঢা যেইয়্যে, আর তারা তারার্ চোগ্‌কুন নাঢি রাগেয়োন, যেন তারা চোগেদি ন-দেগন্, কানদি ন-শুনোন্ আর মনানদি ন-বুঝোন্, আর গম্ অবাত্তে মইদু ফিরি ন-এজন্।

মথি লেখ্যে গম্ হবর্ 13:38

এই জগদ্‌তান ভূই, আর স্বর্গ-রেজ্যর্ মানুচ্চুন গম্ বীজি। শদান মানুচ্চুনে অলাক্ সেই শ্যামাঘাস।

যোহন 6:70

সেক্কে যীশু তারারে কলঅ, “মুই তমা বার জনরে কি বেঈ ন-নেযাং? অদচ তমা ভিদিরে এক্কো শত্রু আঘে।”

যোহন 7:17

যুনি কেঅ তা আওজ্ পালেবাত্তে চায় সালে তে বুঝি পারিবো, এ শিক্ষ্যেগান্ গোজেনত্তুন্ এচ্চ্যে, না মুই নিজোত্তুন্ কঙর্।

যোহন 8:38

মুই মঅ বাবা ইধু যিয়েনি দেক্ক্যং সে পৌইদ্যেনে কং, আর তুমি তমা বাবত্তুন্ যিয়েনি শুন্ন্য সিয়েনি গুরি থাগঅ।”

যোহন 8:41

তমা বাব্‌পো যিয়েন্ গরে তুমিয়ো সিয়েন্ গরর্।” তারা যীশুরে কলাক্, “আমি দঅ জার্গো নয়। আমার বানা এক্কো বাব্ আঘে, সে বাব্‌পো অলঅ গোজেন।”

যোহন 8:55

তুমি কনদিন্অ তারে হবর্ ন-পঅ, মাত্তর্ মুই তারে হবর্ পাং। যুনি মুই কং মুই তারে হবর্ ন-পাং সালে তমা ধোক্ক্যেন্ মুই মিজে মাদিয়্যে ওম্। মাত্তর্ মুই তারে চিনোং আর তা কধা বাধ্য ওইনে চলং।

প্রেরিত্‌ 13:10

“তুই শদানর্ পুয়ো আর যিয়েনি গম্ সিয়েনির শত্রু। তঅ ভিদিরে নানান্ বাবোত্যে ছলনা আর থগামি রোইয়্যে। প্রভুর উজু পধ্‌‌তানরে বেঙা গুরিবার কামান্ কি তুই কনঅ দিনঅ ন-থামেবে?

প্রেরিত্‌ 24:9

এই বেক্‌ কধানি যে সত্য সিয়েনত্ যিহূদীগুনেয়ো হাম্ খেলাক্।

প্রেরিত্‌ 5:3

সেক্কে পিতরে কলঅ, “অননিয়, কেধোক্ক্যেন্ গুরিনে শদানে তঅ মনান্ এবাবোত্যেগুরি গজক্ গুরিলো যে, তুই পবিত্র আত্মা ইধু মিজে কধা কলে আর ভূই বেস্যে টেঙাত্তুন্ কিজু নিজোত্তে থোই দিলে?

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

১ পিতর 5:8

নিজোরে দোঙেই রাগঅ আর সজাক্ থাগঅ, কিয়া তমার শত্রু শদানে গুজুরি উঠ্যে সিংহ ধোক্ক্যেন গুরি কারে হেই ফেলেব তারে তোগেইনে বেড়ার্।

২ পিতর 2:4

স্বর্গদূত্‌তুনে যেক্কে পাপ গোজ্জ্যন সেক্কে গোজেনে তারারে ইরি নঅ-দে বরং নরগর্ আন্ধার গাঢত্ ফেলে দিইনে বিচারত্যে থোই দিয়্যে।

১ যোহন 1:8

আমি যুনি কোই আমা ভিদিরে পাপ নেই সালে আমি নিজোরে ফাকি দিই। সেক্কে ইয়েনই বুঝো যায় যে, আমা মন ভিদিরে গোজেনর্ সত্যগান নেই।

১ যোহন 2:21

সত্যগানরে কোই ন-পারঅ বিলি মুই যে তমা ইধু লিগিলুং সিয়েন নয়, মাত্তর্ তুমি সত্যগানরে কোই পারঅ আর ইয়েন-অ কোই পারঅ যে, সত্যত্তুন্ মিজে কধানি ন-এজে; আর সেনত্যে মুই তমা ইধু লিগিলুং।

১ যোহন 2:4

যে কয়, “মুই তারে চিন্নোং,” অদচ তা উগুমানি পালন ন-গরে তে মিজে মাদিয়্যে; তা ভিদিরে সত্যগান নেই।

১ যোহন 3:12

সেনত্যে মুই কঙর্, আমি যেন কয়িন ধোক্ক্যেন ন-ওই। কয়িনে শদানর্ মানুচ্‌ এলঅ আর তা ভেইবোরে তে খুন্ গোজ্জ্যে। কিত্ত্যেই তে তারে খুন্ গোজ্জ্যে? কিয়া তে ভান্ন্যেই কাম গত্ত আর তা ভেইবো ন্যায় কাম গুরিদো।

১ যোহন 3:15

ভেইয়োরে যে ঘিনায় তে খুনী। কনঅ খুনী ভিদিরে যে উমর্‌অ জিংকানি ন-থায়, সিয়েন তমার অজানা নেই।

যিহূদা 1:6

ইয়েনবাদে যে স্বর্গদূত্‌তুনে নিজোর্ অধিকারান রোক্ষ্যে ন-গুরিনে নিজোর্ জাগায়ানি ফেলেই যেইয়োন তারার কধানি ইদোত্ তুলো। সেই দাঙর্ দিন্নোর্ বিচেরর্ আজায় গোজেনে তারারে উমরত্যে আন্ধারত্ বানি থোয়্যে।

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।

ফগদাং পেইয়্যে 13:14

সেই পত্তম য়েমান্নোর্ ওইনে যেদক্কানি আমক্ কাম গুরিবাত্যে তারে খেমতা দিয়্যে ওইয়্যে তে সিয়েনি গুরিনে মানুচ্চুনোরে ভুল্ পধেদি নেযা ধুরিলো। পত্তম যে য়েমান্নো ছুড়ির্ আঘাত্ পেইনেয়ো বাঁজি এলঅ, দ্বিলম্বর য়েমান্নোয়ো মানুচ্চুনোরে কলঅ যেন তারা তার্ এক্কো মূত্তি বানান্।

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।

ফগদাং পেইয়্যে 9:11

গভীন গাঢ্ দুনোবো এলদে এই পুগ্-যুগ্‌কুনোর্ রাজা। ইব্রীয় কধাদি সেই দূত্‌তোর নাঙান এলঅ আবদ্দোন আর গ্রীক কধাদি আপল্লুয়োন, অত্তাৎ ভস্ত গুরিয়্যে।