যোহন 8:3 - Chakma Bible

^3-4 এন্ সময়োত্ ধর্ম-মাষ্টরুনে আর ফরীশীগুনে এক্কো মিলেরে যীশু ইধু আনিলাক্। মিলেবো বেশ্যেমিত্ ধরা পোজ্যে। ধর্ম-মাষ্টর্ আর ফরীশীগুনে সে মিলেবোরে সংমধ্যে থিয়্যেই রাগেইনে যীশুরে কলাক্, “মাষ্টরবাবু, এ মিলেবো বেশ্যে কামত্ ধরা পোজ্যে।

যোহন 8:3 Iomraidhean Croise

যিহিষ্কেল 16:38

যে মিলেগুনে ব্যভিচের্ গরন আর যিগুনে লো ঝরান্ তারারে যে সাজাগান দিয়্যে অয় সেই সাজাগান মুই তরে দিম। মর্ রাগে আর মনর্ জ্বালাত্তে মুই তরে মরণর্ সাজা দিম।

যিহিষ্কেল 23:45

মাত্তর্ গম্ মানুচ্চুনে বেভিচের্ আর লো ঝরানার সাজা সেই মিলেগুনোরে দিবাক্, কিত্তে তারা বেভিচারিনী আর তারা আঢত্ রোইয়্যেদে লো।

গণাণা 15:33

যিগুনে তারে দার্‌বো কুড়োদে দিগিলাক্ তারা তারে মোশি, হারোণ আর বেক্‌ ইস্রায়েলীয়গুনো ইদু নেযেলাক্।

মথি লেখ্যে গম্ হবর্ 2:4

হেরোদে বেগ আজল্ ধর্মগুরু আর ধর্ম-মাষ্টরুনোরে ডাগিনে পুযোর্ গুরিলো মশীহ কুদু জোর্মেব।

যোহন 8:2

তার্ কেল্যে বেন্ন্যেপোত্যে যীশু আরঅ উবোসনা-ঘরত্ যানার্ পরেদি বেক্‌ মানুচ্চুনে তা ইধু এলাক্। সেক্কে যীশু বুজিনে তারারে শিক্ষ্যে দিয়্যে ধুরিলো।

যোহন 8:9

এ কধাগান্ শুনিনে সেই ধর্ম নেতাগুনো ভিদিরে বুড়োগুনোত্তুন্ ধুরি আরাম্ভ গুরিনে একজন একজন গুরি বেক্কুনে গেলাক্। যীশু বানা গায় গায় রলঅ আর সে মিলেবো তা মুজুঙোত্ থিয়্যেই এলঅ।

যোহন 9:13

যে মানুচ্চো কানা এলঅ মানুচ্চুনে তারে ফরীশীগুনো ইধু নেযেলাক্।

প্রেরিত্‌ 4:7

তারা পিতর আর যোহনরে তারা সংমধ্যে থিয়্যেই রাগেইনে পুযোর্ গুরিলাক্, “তুমি কাহ্ বল্লোই বা কাহ্ নাঙে এ কামানি গোজ্য?”

রোমীয় 7:3

সেনত্তে নেক্কো বাঁজি থাগদে সেই মোক্কো যুনি অন্য কাররে লয় সালে তারে বেগেয়্যেবানী কুয়ো অয়। মাত্তর্ যুনি তা নেক্কো মুরি যায় সালে তে সেই আইনোর্ বান্যেগানত্তুন্ উদ্ধোর্ অয়। আর সেক্কে যুনি তে অন্য কাররে লয় সালে তে বেগেয়্যে/সিনেলী ন-অয়।