যোহন 7:7 - Chakma Bible

⁷ জগদ মানুচ্চুনে তমারে ঈচ্ গুরি ন-পারন্ মাত্তর্ মরে ঈচ্ গরন্, কিয়া মুই তারা পৌইদেনে এ সাক্ষ্যগান্ দুয়োঙর্, তারার্ বেক্ কামানি ভান্ন্যেই।

যোহন 7:7 Iomraidhean Croise

১ রাজাবলী 21:20

আহাবে সে কধাগান শুনিনে এলিয়রে কলঅ, “ও মর্‌ শত্রু, এবেরা তুই মরে পেইয়োচ্‌।” এলিয় কলঅ, “অয়, পেইয়োং, কিত্তেই লগেপ্রভুর চোগোত্‌ যিয়েনি ভান্ন্যেই সিয়েনি গুরিবাত্তে তুই নিজোরে বিজি দুয়োচ্‌।

১ রাজাবলী 22:8

জোবত্‌ ইস্রায়েলর রাজা যিহূদার রাজা যিহোশাফটরে কলঅ, “এজঅ এন্‌ ইক্কো মানুচ্‌ আঘে যিবের্‌ মাধ্যমে আমি লগেপ্রভু ইদু পুযোর্‌ গুরি পারিই, মাত্তর্‌ মুই তারে ঈচ্ গরং, কিত্তেই তে মঅ পৌইদ্যেনে ভালেদির্‌ কধা ন-কয়, অমংগলর্‌ কধা কোইয়্যে। তে অলদে যিম্লের পূঅ মীখায়।”

গীতসংহিতা 109:5

তারা ভালেদির্ বদলে মর্ উগুরে অমংগল গরন্, কোচ্‌পানার বদলে মরে ঈচ্ গরন।

গম্ উপদেজ্ 15:12

ঠাট্টা-ঈচ্ গুরিয়্যেগুনে সংশোধন কধা গম্ ন-পান; তে জ্ঞানীগুনো ইদু ন-যায়।

গম্ উপদেজ্ 8:36

মাত্তর্ যে মরে ন-পায় তে নিজোরে ক্ষতি গরে; যিগুনে মরে ঘিনেন্ তারা বেক্কুনে মরণানরে গমপান্।”

যিশাইয় 29:21

তারা মিজে কধালোই মান্‌জ্যরে দুষি গরন্, শঅর-গেদোত্ নিদ্দুযির তপ্পেদি থেইয়্যে মানুচ্চোরে ফালত্ ফেলান্ আর মিজে সাক্ষি দিইনে নিদ্দুযিবোরে ন্যায়বিচের্ পেবাত্তে ন-দুয়োন।

যিশাইয় 49:7

মান্‌জ্যে যি্বেরে ঈচ্ গত্তন আর ঘিনাইদে চোগেদি দেগদন্, যিবে শাজন্‌গুরিয়্যেগুনোর চাগর্, তারে ইস্রায়েলর সেই সুদ্ধো-সাংগ মানুচ্চো আর উদ্ধোর গুরিয়্যে লগেপ্রভু এ কধাগান কোইয়্যেদে, “রাজাগুনে তরে দেগিনে থিয়্যেবাক্, আর রাজ পুরুষ্‌চুনে তরে জু জু জানেবাক্, কিত্তে লগেপ্রভু তরে বেঈ লোইয়্যে; ইস্রায়েলর সেই সুদ্ধো-সাংগ মানুচ্চো বিশ্বেজি‌‍।”

যিরমিয় 20:8

যেদকবার মুই কধা কং সেদকবার অমকদ খেতি গরানা আর ভস্ত অনার্ কধা রঅ ছাড়িনে ফগদাং গরং। সেনত্তে লগেপ্রভুর কধানিত্তে সারা দিন মত্তুন অগমান আর অমকদ ইংসে গরা অয়।

সখরিয় 11:8

এক মাস ভিদিরে মুই তিনজন গরগরে দূর্ গুরি দিলুং। পরেদি সেই পাল্লো মরে ঈস্ গরা ধুরিলো আর মুইয়ো তারারে নিইনে বল্‌পোজ্যে ওই পুড়িলুং।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

লূকে লেখ্যে গম্ হবর্ 6:26

অভিশাব্ পোড়োক্ তমার্, যেক্কে বেক্ মানুচ্চুনে তমারে বাঈনী গরন্। এই বেক্ মানুচ্চুনোর পুরোণি মানুচ্চুনে ফক্কর্ ভাববাদীগুনোরেয়ো বাঈনী গুরিদাক্।

যোহন 17:14

তুই যিয়েনি কোইয়োচ্ মুই তারারে সিয়েনি জানেয়োং। জগদ মানুচ্চুনে তারারে ঈচ্ গোজ্যন্, কিয়া মুই যেধোক্ক্যেন্ এ জগদর্ নয় তারায়ো সেধোক্ক্যেন্ এ জগদর্ নয়।

যোহন 3:19

তারে দুষি বিলি ঠিগ্ গরা ওইয়্যে কিয়া জগদত্ পহ্‌র এচ্চ্যে, মাত্তর্ মান্‌জ্যর্ কামানি ভান্ন্যেই বিলি মানুচ্ পহ্‌রত্তুন্ আন্ধাররে বেশ্ কোচ্‌পেইয়োন্।

রোমীয় 8:7

যে মনানে পাপ-খচ্চ্যদে যিয়েন চায় সিয়েন্দোই আয়োজি, সেই মনান্ গোজেনর্ বিরুদ্ধে, কিয়া সিয়েন গোজেনর্ রীদি-সুদোম মানিবাত্তে ন-চায়, মানিয়ো ন-পারে।

গালাতীয় 4:16

ইক্কিনে সত্য কধাগান কবাত্যে কি মুই তমার শত্রু ওই যেইয়োং?

যাকোব 4:4

অবিশ্বেজি-মানুচ্চুন্! তুমি কি কোই ন-পারঅ, জগদর্ দাংগু অনা মানে গোজেনর্ শত্রু অনা? সেনত্যে যে কেঅ জগদর্ দাংগু অবার্ আওজ্ গরে তে নিজোরে গোজেনর্ শত্রু বানায়।

১ যোহন 4:5

সেই ভন্ডগুন এই জগদর্; সেনত্যে তারা এই জগদর্ কধা কন্ আর জগদ্‌তানে তারা কধা শুনে।