যোহন 7:51 - Chakma Bible

⁵¹ তে কলঅ, “কারঅ মুয়ো কধা ন-শুনিনে আর তে কি গোজ্যে সিয়েনি কোই ন-পারিনে কাররে সাজা দিবার্ বেবস্থা কি আমা রীতি-সুদোম আঘে?”

যোহন 7:51 Iomraidhean Croise

যাত্রা 23:1

মিজে কধানি ন-বাড়েবা। সিয়েনি গুরিনে অন্যেয়র্ পক্ষ ওইনে পাজি মান্‌জ্যরে এজাল্ ন-দিবা।

গম্ উপদেজ্ 18:13

শুনিবার আগেদি যে মানুচ্চো জোব্ দে তার্ তপ্পে সিয়েন ভুলো কাম আর লাজর্ কধা।

গণাণা 35:30

“সাক্ষীর কধা উগুরে নির্ভর গুরিনে খুনিবোরে মারে ফেলেই পারিবো। মাত্তর্‌ বানা এক্কো সাক্ষীর কধা উগুরে নির্ভর গুরিনে কনজনরে মারেই ফেলেই ন-পারিবো।

প্রেরিত্‌ 23:3

সেক্কে পৌলে অননিয়রে কলঅ, “ভন্ড, গোজেনে তরেয়ো আঘাত্ গুরিবো। আইন মজিম মর্ বিচের্ গুরিবাত্তে তুই সিয়েনত্ বোচ্চ্যস্, মাত্তর্ মরে পিদিবাত্তে উগুম দিইনে দঅ তুই নিজেই আইন ভাঙ্যস্।”

দ্বি’লম্বর বিররণ 1:17

বিচেরর্‌ পৌইদ্যেনে তুমি কারঅ‌ পক্ষ ন নিবা আর চিগোন্‌-দাগর্‌ বেক্কুনোর্‌ কধা শুনিবা। বিচেরর্‌ কামান্‌ আজলে গোজেনর্; সেনত্তে কনঅ মান্‌জ্যরে তুমি ন দোরেবা। যুনি কনঅ বিচের্‌ তমা ইদু আগাত্যে বিলিনে মনে গরঅ সালে তুমি সিয়েন্‌ মইদু আনিবা, মুই সেই বিচেরান গুরিম্‌।

দ্বি’লম্বর বিররণ 17:6

কনঅ মান্‌জ্যরে মারে ফেলাদে দ্বিজন বা তিনজন সাক্ষীর কধা উগুরে নির্ভর গুরিনে সিয়েনি গরা পুরিবো; বানা একজন সাক্ষীর কধা উগুরে নির্ভর গুরিনে সিয়েনি গুরি ন-পারিবো।