যোহন 7:4 - Chakma Bible

⁴ যুনি কেঅ চান্ মান্‌জ্যে তারে জানোদোক্ সালে তে ভিদিরে ভিদিরে কিচ্চু ন-গরে। তুই যেক্কে এই বেক্ কামানি গরর্ সেক্কে মানুচ্চুনো মুজুঙোত্ নিজোরে দেগা।”

যোহন 7:4 Iomraidhean Croise

১ রাজাবলী 22:13

যে মানুচ্চো মীখায়রে ডাগি আনিবাত্তে যেইয়্যে তে তারে কলঅ, “চাহ্, অন্য ভাববাদীগুনে বেক্কুনে এককধায় রাজার ফলেদে কধানি কদন্‌। তঅ কধাগান্‌অ যেনে তারা কধা ধোক্ক্যেন্ অয়। তুই ভালেদির কধা কবে।”

মথি লেখ্যে গম্ হবর্ 23:5

মানুচ্চুনোরে দেগেবাত্তে তারা বেক্ কামানি গরন্। পবিত্র বোইবোর্ পদ-লেগা তাবিজ্ তারা দাঙর্ গুরিনে বানান্ আর নিজোরে ধার্মিক দেগেবাত্তে কাবড় কোণাত্ লাম্বা জুদো লাগান্।

মথি লেখ্যে গম্ হবর্ 4:6

“তুই যুনি গোজেনর্ পুয়ো অচ্ সালে ঝাম্ দিইনে তলেদি পড়্, কিয়া পবিত্র বোইবোত্ লেঘা আঘে, গোজেনে তা দূত্তুনোরে তঅ পৌইদ্যেনে উগুম দিবো; তারা তরে আঢ্‌তোই ধুরি ফেলেবাক্ যেনে তঅ টেঙত্ পাত্তর আঘাত্ ন লাগে।”

মথি লেখ্যে গম্ হবর্ 6:16

তুমি যেক্কে উবোস্ থাগঅ সেক্কে ফক্করুনো ধোক্ক্যেন্ মুয়োন্ কালা গুরি ন-রাগেয়ো। তারা যে উবোস্ থাদন্ সিয়েন মান্‌জ্যরে দেগেবাত্তে তারা মাঢাবোত্ আর মুয়োনত্ ছেই গুলিনে বেড়ান্। মুই তমারে ঘেচ্চেকগুরি কঙর্, তারা তারার্ বক্‌শিজ্‌চানি পেইয়োন।

মথি লেখ্যে গম্ হবর্ 6:5

তুমি যেক্কে তবনা গরঅ সেক্কে ভন্ডগুনো ধোক্ক্যেন্ ন-গোজ্য, কিয়া তারা মান্‌জ্য ইধু নিজোরে দেগেবাত্তে সমাজ-ঘরত্ আর পদ মুয়োত্ থিয়্যেইনে তবনা গত্তে গম্ পান্। মুই তমারে ঘেচ্চেকগুরি কঙর্, তারা তারার্ বক্‌শিজ্ পেইয়োন।

লূকে লেখ্যে গম্ হবর্ 6:45

গম্ মান্‌‌‌জ্যে তা রিবেঙত্তুন্ গম্ কধা নিগিলেই আনন্, আর বজং মান্‌‌‌জ্যে তা মনত্তুন্ বজং কধা নিগিলেই আনন্। মান্‌‌‌জ্যর মনানি যিয়েনিলোই ভরা থায় মুয়োনে দঅ সে কধানি কয়।

যোহন 18:20

যীশু জোবত্ কলঅ, “মুই মানুচ্চুনো ইধু খুলোমেলা গুরি কধা কোইয়োং। যিয়েনত্ যিহূদীগুনে বেক্কুনে একসমারে এগত্তর্ অন্ সেই বেক্ সমাজ-ঘরানিত্ আর উবোসনা-ঘরত্ মুই নিত্য শিক্ষ্যে দুয়োং। মুই দঅ গুমুরো কধা কিচ্চু ন-কং;

যোহন 7:3

ইয়েনত্যে যীশুর ভেইয়ুনে তারে কলাক্, “এ জাগায়ান্ ছাড়িনে যিহূদিয়াত্ যাগোই, যেন তুই যেদক্কানি কাম্ গোজ্যস্ তঅ শিচ্চ্যগুনে সিয়েনি দেগন্।

যোহন 7:5

আজলে যীশুর্ ভেইয়ুনেয়ো যীশু উগুরে বিশ্বেজ্ ন-গুরিদাক্।