যোহন 7:3 - Chakma Bible

³ ইয়েনত্যে যীশুর ভেইয়ুনে তারে কলাক্, “এ জাগায়ান্ ছাড়িনে যিহূদিয়াত্ যাগোই, যেন তুই যেদক্কানি কাম্ গোজ্যস্ তঅ শিচ্চ্যগুনে সিয়েনি দেগন্।

যোহন 7:3 Iomraidhean Croise

পত্থম 37:20

এজঅ, ইক্কিনে আমি তারে মারে ফেলেইনে এক্কো গাদ ভিদিরে ফেলেই দিই। পরেদি আমি কবং, কনঅ ঝাড়্‌বো য়েমানে তারে হেই ফেলেয়্যে, আর সে পরেদি আমি দেগিবোং তা স্ববন দজাগান্‌ কি অয়।”

যিরমিয় 12:6

তঅ ভেইয়ুনে, অত্তাৎ তঅ বংশর নিজো মানুচ্চুনে তল্লোই বেঈমানী গোজ্যন; তারায়ো তঅ পিজেদি লাক্যন্। তঅ পৌইদ্যেনে গম্ কধা কলেয়ো তারারে বিশ্বেজ্ ন-গুরিচ্।

মথি লেখ্যে গম্ হবর্ 12:46

যীশু যেক্কে মানুচ্চুনো সমারে কধা কর্ সেক্কে তার মাবো আর ভেইয়ুনে তা লগে কধা কবাত্তে বারেদি থিয়্যেই এলাক্।

মার্ক 3:21

যীশুর নিজো মানুচ্চুনে এ হবরান্ শুনিনে তারে নিগিলেই নিবাত্তে এলাক্। তারা কলাক্, “তে পাগল ওই যেইয়্যে।”

মার্ক 3:31

ইয়েনর্ পরেদি যীশুর মাবো আর ভেইয়ুনে সিয়েনত্ এলাক্ আর বারেদি থিয়্যেই থেইনে যীশুরে ডাগিবাত্তে হবর্ পাদেলাক্।

লূকে লেখ্যে গম্ হবর্ 8:19

যীশুর্ মাবো আর ভেইয়ুনে তাইধু এলাক্ মাত্তর্ ভিড়োত্তে তা লগে দেগা গুরি ন-পারিলাক্।

লূকে লেখ্যে গম্ হবর্ 8:20

সেক্কে এক্কো মানুচ্ তারে কলঅ, “তঅ মাবো আর তঅ ভেইয়ুনে তঅ লগে দেগা গুরিবাত্তে বারেদি থিয়্যেই আগন্।”

যোহন 2:2

সে মেলাত্ যীশু আর তা শিচ্চ্যগুনেয়ো বাত্যেয়োন।

যোহন 6:60

তা শিচ্চ্যগুনোত্তুন্ ভালোক্‌জনে এ কধাগান্ শুনিনে কলাক্, “ইয়েন্ ভারী আগাত্ত্যে শিক্ষ্যে। কন্না ইয়েন্ মানি লোই পারে?”

যোহন 6:66

যীশুর এ কধাগানত্যে শিচ্চ্যগুনোত্তুন্ ভালোক্‌জনে ফিরি গেলাক্ আর তা লগে আঢাউদো বন্ধ গুরি দিলাক্।

যোহন 7:10

মাত্তর্ তা ভেইয়ুনে পরবত্ যানার্ পরেদি তেয়ো সিধু গেলঅ, মাত্তর্ খুলোমেলাগুরি ন-গেলঅ, হবর্ ন-পেইয়্যেগুরি গেলঅ।

যোহন 7:4

যুনি কেঅ চান্ মান্‌জ্যে তারে জানোদোক্ সালে তে ভিদিরে ভিদিরে কিচ্চু ন-গরে। তুই যেক্কে এই বেক্ কামানি গরর্ সেক্কে মানুচ্চুনো মুজুঙোত্ নিজোরে দেগা।”

যোহন 7:5

আজলে যীশুর্ ভেইয়ুনেয়ো যীশু উগুরে বিশ্বেজ্ ন-গুরিদাক্।

প্রেরিত্‌ 2:14

সেক্কে পিতরে সেই এগারজন শিচ্চ্য সমারে থিয়্যেইনে দাঙর্ রঅ গুরিনে সিয়েনি বেক্কানি মানুচ্চুনোরে কলঅ, যিহূদীগুন আর যিগুনে তুমি যিরূশালেমত্ বজত্তি গরর্, তুমি জানি রাগঅ আর মন দিইনে মঅ কধাগান শুনো।

১ শমূয়েল 17:28

দায়ূদোর দাঙর্ ভেই ইলীয়াব মানুচ্চুনো সমারে তার কধাবাত্তানি কদে শুনিনে রাগে ফুলি উদিলো। তে কলদে, “তুই কিত্তে ইদু এচ্ছোস্? ধূল্যেচর-চাগালার্‌ ভেড়াছাগলুনোরে কাইদু রাগেইনে এচ্চোস্? তর্‌ দেমাক্ আর মনর্‌ পাজি কধানি মত্তুন্‌ জানা আঘে। তুই যুদ্ধো চেবাত্তে এচ্ছোচ্ছে, নয় নি?”