যোহন 7:23 - Chakma Bible

²³ ভারী গম্, মোশির সুদোমান্ ন-ভাঙিবাত্যে যুনি জিরেবার্ দিনোত্-অ পুয়োগুনোরে চুনু মাঢা কাবা যায়, সালে মুই জিরেবার্ দিনোত্ এক্কো মান্‌জ্যরে পুরোপুরি গম্ গোজ্যং বিলি তুমি মঅ উগুরে রাগ্ গরর্ কিত্ত্যে?

যোহন 7:23 Iomraidhean Croise

যাত্রা 31:14

“তুমি জিরেবার্‌ দিন্নো পালন গুরিবা, কিত্তে এদিন্নো তমাত্তে মর্‌ নাঙে ফারক্‌ গুরি রাগা ওইয়্যে। যুনি কনজনে এদিন্নো পালন্‌ ন-গরন্‌ সালে তারে মারে ফেলা পুরিবো; যুনি কনজনে এই দিন্নোত্‌ কনঅ‌ কাম্‌ গরন্‌ সালে তারে তার্‌ জাদ ভিদিরেত্তুন্‌ বাদ্‌ দিয়্যে পুরিবো।”

মথি লেখ্যে গম্ হবর্ 12:10

সিয়েনত্ এক্কো মানুচ্ এলঅ যিবের্ এক্কান আঢ্ অবস্ এলঅ। কয়েক্কো মানুচ্ সিয়েনত্ এলাক্ যিগুনে যীশুরে ভান্ন্যেই কাম গরের্ বিলিনে দুষ্ দেদন, সেনত্যে তারে পুযোর্ গুরিলাক্, “জিরেবার দিনোত্ কাররে গম্ গরানা কি আমার রীতি সুদোম বিরুদ্ধে?”

মথি লেখ্যে গম্ হবর্ 12:2

যেক্কে ফরীশীগুনে সিয়েন দেগিলাক্ তারা যীশুরে কলাক্, “ধর্মর সুদোম্ মজিম্ জিরেবার দিনোত্ যিয়েন্ গরানা উচিত নয়, চাহ্, তঅ শিচ্চ্যগুনে সিয়েনই গত্তন্।”

মথি লেখ্যে গম্ হবর্ 12:5

ইয়েনি বাদেয়ো তুমি কি মোশির আইন-কানুনোত্ ন-পড়, জিরেবার্ দিনোত্ উবোসনা-ঘরর্ ধর্মগুরুগুনে জিরেবার্ দিনোর সুদোম্ ভাঙিলেয়ো তারার্ দুষ্ ন-অয়?

যোহন 5:10

ইয়েনত্তে যে মানুচ্চোরে গম্ গরা ওইয়্যে তারে যিহূদী নেতাগুনে কলাক্, “এচ্চ্যে জিরেবার্ দিন্; ধর্মর্ সুদোম্ মজিম্ পাদিবো তুলি লনা তর্ উজিত্ নয়।”

যোহন 7:21

যীশু তারারে কলঅ, “মুই এক্কান্ কাম্ গোজ্যং বিলি তুমি বেক্কুনে আমক্ অর্।

যোহন 9:16

সেক্কে ফরীশীগুনোত্তুন্ কয়েকজনে কলাক্, “সে মানুচ্চো গোজেনত্তুন্ ন-এজে, কিয়া তে জিরেবার্ দিন ন-পালায়।” অন্য ফরীশীগুনে কলাক্, “যে মানুচ্চো পাপী তে কেধোক্ক্যেন্ গুরি এবাবোত্যে আমক্ অইদে কাম্ গুরি পারে?” এবাবোত্যেগুরি তারা ভিদিরে কধার্ অমিল্ দেগা দিলো।