যোহন 7:12 - Chakma Bible

¹² ঝাগ ভিদিরে মানুচ্চুনে যীশু পৌইদ্যেনে পুযু পুযু গুরি নিজো ভিদিরে ভালোক্কানি কধা কুয়ো ধুরিলাক্। কেঅ কেঅ কলাক্, “তে গম্ মানুচ্‌।” আরঅ কেঅ কেঅ কলাক্, “নয়, তে মানুচ্চুনোরে ভুল্ পধেদি নেযার্।”

যোহন 7:12 Iomraidhean Croise

মথি লেখ্যে গম্ হবর্ 10:25

ছাত্র পক্ষে মাষ্টর ধোক্ক্যেন্ অনা আর চাগর পক্ষে গিরোজ ধোক্ক্যেন্ অনা যদেষ্ট। ঘর গিরোজরে যেক্কে তারা বেল্‌সবূল কোইয়োন সেক্কে ঘরর্ অন্য বেক্কুনোরে আরঅ কদক্ বেশ্ গুরি না বেল্‌সবূল কবাক্।

মথি লেখ্যে গম্ হবর্ 21:46

সেক্কে তারা যীশুরে ধুরিবাত্তে চেলাক্, মাত্তর্ মানুচ্চুনো দরে সিয়েন্ ন-গুরিলাক্, কিয়া মান্‌জ্যে তারে ভাববাদী বিলি মনে গুরিদাক্।

মথি লেখ্যে গম্ হবর্ 27:63

“বাবু, আমাত্তুন্ ইদোত্ উদের্, সেই ঠোগেয়্যেবো বাঁজি থাগদে কোইয়্যেদে, ‘মুই তিন্ দিন পরেদি জেদা ওই উদিম্।’

লূকে লেখ্যে গম্ হবর্ 18:19

যীশু তারে কলঅ, “মরে কিত্তে গম্ কর্? গোজেনে বাদে আর কেঅ গম্ নয়।

লূকে লেখ্যে গম্ হবর্ 23:47

সিয়েনত্ কি ঘুদি যেইয়্যে আর্মি অফিসার্‌বো দেগিলো, আর তে গোজেনরে বাঈনী গুরিনে কলঅ, “ঘেচ্চ্যেক্‌গুরি তে গম্ মানুচ্ এলঅ।”

লূকে লেখ্যে গম্ হবর্ 23:50

যোষেফ নাঙে এক্কো গম্ আর ধার্মিক মানুচ্‌ বড়সভার্ মেম্বার্ এলঅ। তে অরিমাথিয়া নাঙে যিহূদীগুনোর্ এক্কান আদামর মানুচ্‌।

লূকে লেখ্যে গম্ হবর্ 6:45

গম্ মান্‌‌‌জ্যে তা রিবেঙত্তুন্ গম্ কধা নিগিলেই আনন্, আর বজং মান্‌‌‌জ্যে তা মনত্তুন্ বজং কধা নিগিলেই আনন্। মান্‌‌‌জ্যর মনানি যিয়েনিলোই ভরা থায় মুয়োনে দঅ সে কধানি কয়।

লূকে লেখ্যে গম্ হবর্ 7:16

ইয়েন্দোই বেক্কুনো মনত্ ভোক্তি আর দর্ লাগিলো। তারা গোজেনরে বাঈনী গুরিনে কুয়ো ধুরিলাক্, “আমা ইধু এক্কো দাঙর্ ভাববাদী আজির্ ওইয়্যে। গোজেনে দোয়্যে গুরিনে তা মানুচ্চুনো ইন্দি মনযোগ্ দিয়্যে।”

যোহন 6:14

যীশুর এ আমক্ কামানি দেগিনে মানুচ্চুনে কুয়ো ধল্ল্যাক্, “পিত্‌থিমীত্ যে ভাববাদীবোর্ এবার্ কধা আঘে ইবে ঘেচ্চেক্‌‌গুরি সেই ভাববাদীবো।”

যোহন 7:32

মানুচ্চুনে যে যীশু পৌইদেনে এ বেক্কানি কুয়োকি গত্তন্ সিয়েনি ফরীশীগুনে শুনিলাক্। সেক্কে আজল্ ধর্মগুরুগুনে আর ফরীশীগুনে যীশুরে ধুরিবাত্যে কয়েক্কো চাগররে পাধেই দিলাক্।

যোহন 7:47

ইয়েন্দোই ফরীশীগুনে সেই চাগর্‌বোরে কলাক্, “তুমিয়ো কি থুগিলা নাহি?

যোহন 7:52

ফরীশীগুনে নীকদীমরে জোব্ দিলাক্, “তুইয়ো কি গালীলো মানুচ্‌? পবিত্র বোইবোত্ তোগেই চাহ্, গালীলোত্ কনঅ ভাববাদীর জোর্মেবার্ কধা নেই।”

যোহন 9:16

সেক্কে ফরীশীগুনোত্তুন্ কয়েকজনে কলাক্, “সে মানুচ্চো গোজেনত্তুন্ ন-এজে, কিয়া তে জিরেবার্ দিন ন-পালায়।” অন্য ফরীশীগুনে কলাক্, “যে মানুচ্চো পাপী তে কেধোক্ক্যেন্ গুরি এবাবোত্যে আমক্ অইদে কাম্ গুরি পারে?” এবাবোত্যেগুরি তারা ভিদিরে কধার্ অমিল্ দেগা দিলো।

প্রেরিত্‌ 11:24

বার্ণবা এক্কো গম মানুচ্‌ এলঅ আর তে পবিত্র আত্মালোই আর বিশ্বাজে ঠিগ্ এলঅ। সেক্কে প্রভু ভালোক্ জনরে তার্ নিজো ইধু আন্যে।

রোমীয় 5:7

যিবে অন্যরে উপকার্ গরে সেবাবোত্যে মান্‌জ্যত্তে অয়ত বা কনজনে সাহস্ গুরিনে পরাণান্ দিলেয়ো দি পারন্।

ফিলিপীয় 2:14

তুমি কনঅ আবিত্তি আর তর্ক ন-গুরিনে বেক্কানি গরঅ, যেন তুমি নিদ্দুজি আর খাটি ওই পারঅ আর এই কালর্ বিবেক-নেইয়্যে আর বজং খাচ্চ্যদর্ মানুচ্চুনো মুজুঙোত্ গোজেনর্ থুদোনেইয়্যে মানুচ্ ওই পারঅ। সে মানুচ্চুনো মুজুঙোত্ তুমি দঅ জিংকানি দান গুরিয়্যে কধা তুলি ধুরিনে এ জগদত্ তারা ধোক্ক্যেন জ্বোল্‌জোল্যে ওই আঘঅ, সালে খ্রীষ্ট যেদিন্যে এবঅ সেদিন্যে মুই ইয়েনিলোই দেমাগ্ গুরি পারিম যে, মর্ চেষ্টা আর কামানি নিষ্ফল ন-অয়।