যোহন 7:1 - Chakma Bible

¹ ইয়েন পরেদি যীশু গালীল রেজ্যগান ভিদিরে আঢাউদো গরা ধুরিলো। যিহূদী নেতাগুনে তারে মারে ফেলেবাত্তে চেইয়োন্ বিলি তে যিহূদিয়া রেজ্যগানত্ আঢাউদো বন্ধ গুরি দিলো।

যোহন 7:1 Iomraidhean Croise

মথি লেখ্যে গম্ হবর্ 10:23

কনঅ আদাম মান্‌জ্যে যেক্কে তমা উগুরে অত্যেচার গুরিবাক্ সেক্কে অন্য আদামত্ ধেই যেয়ো। মুই তমারে ঘেচ্চেকগুরি কঙর্, ইস্রায়েল দেজর্ শঅর আর আদামত্ তমা কামানি থুম্ অবার্ আগেদি মান্‌জ্যপুয়োবো এবঅ।

মথি লেখ্যে গম্ হবর্ 21:38

মাত্তর্ সেই চাষাবলাগুনে পুয়োবোরে দেগিনে নিজো ভিদিরে কুয়ো-কি গুরিলাক্, ‘ইবেই দঅ সোম্বোত্তির্ গিরোজ পুয়োবো। যেই, আমি তারে মারে ফেলেই, সেক্কে আমি সোম্বোত্তির্ গিরোজ্ অবং।’

মার্ক 11:18

আজল্ ধর্মগুরুগুনে আর ধর্ম-মাষ্টরুনে এ কধাগান শুনিনে যীশুরে মারে ফেলেবার্ পথ্‌তান্ তগা ধুরিলাক্। তারা যীশুরে দোরেদাক্, কিয়া মানুচ্চুনে যীশুর্ শিক্ষ্যেলোই আমক্ ওই যেইয়োন্।

যোহন 1:19

যেক্কে যিহূদী নেতাগুনে যিরূশালেম শঅরত্তুন্ কয়েক্কো ধর্মগুরু আর লেবীয়রে যোহন ইধু পাধেল সেক্কে যোহনে তারা ইধু এ সাক্ষিগান্ দিলো। তারা পুযোর্ গুরিলাক্, “তুই কন্না?”

যোহন 4:3

যীশু সিয়েন্ কোই পারিনে যিহূদিয়া রেজ্য ফেলেনে আরঅ গালীলোত্ গেলঅ।

যোহন 4:54

যিহূদিয়াত্তুন্ গালীলোত্ এজানার্ পরেদি যীশু এই দ্বিলম্বর্ আমক্ অইদে কামান্ গুরিলো।

যোহন 6:1

ইয়েন পরেদি যীশু গালীল সাগরর্ উকুলে গেলঅ। এ সাগরানরে তিবিরিয়া সাগর-অ কুয়ো অয়।

যোহন 7:11

পরব সময়োত্ যিহূদী নেতাগুনে যীশুরে তগা ধুরিলাক্ আর কুয়ো ধুরিলাক্, “সে মানুচ্চো কুধু?”

যোহন 7:13

মাত্তর্ যিহূদী নেতাগুনোর্ দরে খুলোমেলা গুরি কনজনে তা পৌইদ্যেনে কিচ্চু ন-কলাক্।

যোহন 7:19

মোশি কি তমারে রীতি-সুদোম ন-দে? মাত্তর্ তমা ভিদিরে কেঅ সেই রীতি-সুদোমানি-পালঅ। সালে কিত্ত্যে তুমি মরে মারে ফেলেবার্ চেষ্টা গরর্?”

যোহন 7:25

সেক্কে যিরূশালেমর্ কয়েক্কো মান্‌জ্যে কলাক্, “যিবেরে নেতাগুনে মারে ফেলেবাত্তে চান্, ইবে কি সেই মানুচ্চো নয়?

যোহন 7:35

যীশুর এ কধাগান্দোই যিহূদী নেতাগুনে নিজো ভিদিরে কুয়ো কি গরা ধুরিলাক্, “এ মানুচ্চো কুধু যেবঅ যে, আমি তারে তোগেই ন-পেবং? অযিহূদীগুনো ভিদিরে যে যিহূদীগুন্ ছিদি পোজ্যে আগন্, তে কি সিধু যেইনে অযিহূদীগুনোরে শিক্ষ্যে দিবো?

যোহন 8:37

মুই হবর্ পাং তুমি অব্রাহাম বংশর মানুচ্, মাত্তর্ তো তুমি মরে মারে ফেলেবাত্তে চর্, কিয়া মঅ কধানি তমা মনত্ কনঅ জাগা ন-পায়।

যোহন 8:40

গোজেনত্তুন্ যে সত্যগান্ মুই হবর্ পেইয়োং সিয়েনই তমারে কঙর্, আর তো তুমি মরে মারে ফেলেবাত্তে চর্; মাত্তর্ অব্রাহামে এবাবোত্যে ন-গরে।

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।