যোহন 6:12 - Chakma Bible

¹² যেক্কেনে তারা বেক্কুনে পেট ভরে সং হেলাক্, যীশু তা শিচ্চ্যগুনোরে কলঅ, “যে কট্টানি উগুজ্যে সিয়েনি এক সমারে থুবো যেন কিচ্চু বর্‌বাদ্ ন-অয়।”

যোহন 6:12 Iomraidhean Croise

নহিমিয় 8:10

নহিমিয় কলদে, “তুমি যেইনে গম্‌ গম্‌ হানা আর মিষ্টি রস্‌ খঅ আর যিগুনোর্‌ কনঅ হেবার্‌ নেই তারারে কিজু কিজু পাধেই দুয়ো। এচ্ছ্যে দিন্নো অলদে আমা লগেপ্রভুর নাঙে পবিত্র। তুমি মনত্‌ দুঘ্ ন-আন্য, কিত্যে লগেপ্রভুর দিয়্যে হুজিগান্‌ অলদে তমার্‌ বল্‌।”

নহিমিয় 9:25

তারা দেবাল্‌-ঘিজ্যে ভালোক্কানি শঅর্‌ আর বোল্‌বোল্যে ভূই গজক্‌ গোজ্যন্‌; তারা নানান্‌ বাবোত্যে গম্‌ গম্‌ জিনিজ্‌সোই ভোজ্যে ঘর্‌ আর আগেন্দি কুড়ো ওইয়্যে এধোক্কেন্‌ কূয়ো, আংগুর ক্ষেত্‌, জলপাইয়োর্‌ বাগান আর বোউত্‌ গুলোগুলি গাজ্‌ গজক্‌ গোজ্যন্‌। তারা হেইনে পেট্‌ ভুরিনে পক্তা-মোক্তা ওইয়োন্‌ আর তর্‌ দিয়্যে বোউত্‌ ভালেদি ভোগ গোজ্যন।

গম্ উপদেজ্ 18:9

যে নিজো কামত্ আল্‌সেমি গরে তে ভস্তগুরিয়্যে ভেই।

লূকে লেখ্যে গম্ হবর্ 1:53

যিগুনোর্ অভাব আঘে, গম্ গম্ জিনিচ্চোই তে তারার্ অভাব্‌পানি পূরোণ গোজ্যে, মাত্তর্ তাগোয়্যেগুনোরে সুদো আঢে বিদেয় গোজ্যে।

লূকে লেখ্যে গম্ হবর্ 15:13

কিজু দিন পরেদি চিগোন্ পুয়োবো তা সম্বোত্তিগান্ বেজিনে টেঙা-পৌইজ্যে লোইনে দূর্ দেজত্ গেলঅ। সিধু তে ভান্ন্যেই গুরি জিংকানি কাদেইনে তার্ বেক্‌ টেঙা-পোইজ্যেগুন্ উড়েই দিলো।

লূকে লেখ্যে গম্ হবর্ 16:1

যীশু তা শিচ্চ্যগুনোরে কলঅ, কনঅ এক্কো থাগোইয়্যে মান্‌জ্যর আজল্ চাগর্‌বোরে ইয়েন কোইনে দুচ্‌ দিয়্যে অলঅ যে, তে তার গিরোজর্ ধন-সোম্বোত্তিগানি বর্‌বাদ্ গরের্।

লূকে লেখ্যে গম্ হবর্ 9:17

তারা বেক্কুনে পেট ভরে সং হেলাক্। যেরেদি যে কট্টানি পড়ি এলঅ সিয়েনি বারবো লেইয়োত্ তুলি নেযা অলঅ।

যোহন 2:2

সে মেলাত্ যীশু আর তা শিচ্চ্যগুনেয়ো বাত্যেয়োন।