যোহন 5:7 - Chakma Bible

⁷ পিড়েল্ল্যেবো জোব্ দিলো, “মর্ এমন্‌ কনজন নেই যে, পানিগান্ লুড়ি উদোনার্ লগে লগে মরে পোর্‌বোত্ লামেই দে। মুই যাদে ন-যাদে আর এক্কো মঅ আগেদি লামেগোই।”

যোহন 5:7 Iomraidhean Croise

গীতসংহিতা 142:4

মঅ ডেনেন্দি রিনি চাহ্, মরে চিনোন্ এবাবোত্যে কনজন নেই। মর্ ধেই যেবার কনঅ জাগা নেই; কনজনে মঅ পরাণানত্তে চিদে ন-গরন্।

গীতসংহিতা 72:12

যিদুক্কুন নাঢা মানুচ্, অত্যেচার ওইয়্যে আর অসহায় মানুচ্ সাহায্যত্তে কানদন্ তারারে তে উদ্ধোর গুরিবো।

যোহন 5:2

যিরূশালেম ভেড়া-গেদো কায়কুরে এক্কো পোর্ আঘে; সিয়েনত্ পাচ্চান্ ছাল্-দিয়্যে জাগা আঘে। ইব্রীয় কধাদি পোর্‌বো নাঙান্ বৈথেস্‌দা।

যোহন 5:3

সেই বেক্‌ জাগায়ানিত্ সয়-সাগোজ্যে পিড়েল্ল্যে পড়ি থেদাক্। কানা, লেং, এমন্‌ কি যিগুনোর কিয়্যেগানি এক্কুবারে শুগেই যেইয়্যে সেবাবোত্যে মানুচ্‌অ তারা ভিদিরে এলাক্।

যোহন 5:4

এক্কো স্বর্গদূতে অক্‌ত অক্‌ত সে পোর্‌‌বোত্ লামিনে পানি এলোনি-ফেলোনি গুরিদো, আর সে পরেদি যে পৌইল্যা পানিত্ লামিদো তার্ যে কনঅ পিড়ে গম্ ওই যেদঅ। সেনত্তে বেক্‌ পিড়েল্ল্যেগুনে পানি লুরিবোদে আজায় সিধু পড়ি থেদাক্।

যোহন 5:6

ভালোক্ দিন ধুরিনে তে এবাবোত্যেগুরি পড়ি আঘে কোই পারিনে যীশু তারে পুযোর্ গুরিলো, “তর্ কি গম্ অবার্ আওজ্ আঘে?”

রোমীয় 5:6

যেক্কে আমার্ কনঅ খেমতা ন-এলঅ সেক্কে ঠিগ্ সময়োত্ খ্রীষ্ট গোজেন উগুরে ভোক্তি নেইয়্যে মানুচুনোত্তে, অত্তাৎ আমাত্যে পরাণান্ দিলো। কনঅ গম্ মান্‌জ্যত্তে কনজনে পরাণ্ ন-দুয়োন।

১ করিন্হীয় 9:24

তুমি কি হবর্ ন-পঅ ধাবা দোন্দে খারাত্ বেক্কুনে ধাবা দুয়োন্, মাত্তর্ বানা একজনে বক্‌শিজ্ পায়? তুমি এমন্‌ গুরি ধাবা দুয়ো যেন বক্‌শিজ্ পেই পারঅ।

দ্বি’লম্বর বিররণ 32:36

লগেপ্রভু সেক্কে কবঅ, তার মানুচ্চুনোর বল্‌ ফুরেইয়্যে, চাগর বা গিরোজ্ কারর্‌ আর বল্‌ নেই, সেক্কে তে তার মানুচ্চুনোর পক্ষ নেযেব, তার চাগরুনো উগুরে দোয়্যে গুরিবো।