যোহন 5:5 - Chakma Bible

⁵ আটত্রিশ বজর্ ধুরিনে পীড়েত্ ভুগের্ সেবাবোত্যে এক্কো মানুচ্অ সিয়েনত্ এলঅ।

যোহন 5:5 Iomraidhean Croise

মার্ক 9:21

যীশু তা বাব্‌‌পোরে পুযোর্ গুরিলো, “কয়দিন অলঅ তার্ এবাবোত্যে ওইয়্যে?” মানুচ্চো কলঅ, “চিগোনত্তুন্ ধুরি।

লূকে লেখ্যে গম্ হবর্ 13:16

সালে অব্রাহাম বংশর্ এই যে মিলেবোরে আদার বজর্ ধুরিনে শদানে বানি থোইয়্যে, সেই বান্যেত্তুন্ জিরেবার্ দিনোত্ কি তারে উদ্ধোর্ গরানা উচিত নয়?

লূকে লেখ্যে গম্ হবর্ 8:43

তারা ইত্তুন্ এক্কো মিলে বার বজর্ ধুরি মিলেপীড়েত্ ভুগের্। ডাক্তরুনো পিজেদি তে তার্ বেক্কুন্ খরচ্ গোজ্যে, মাত্তর্ কনজনে তারে গম্ গুরি ন-পারন্।

যোহন 5:14

ইয়েন পরেদি যীশু সে মানুচ্চোরে উবোসনা-ঘরত্ দেগিনে কলঅ, “চাহ্, তুই গম্ ওইয়োচ্। পাপ জিংকানি আর ন-কাদেচ্, যেন তর্ আর ক্ষতি ন-অয়।”

যোহন 5:4

এক্কো স্বর্গদূতে অক্‌ত অক্‌ত সে পোর্‌‌বোত্ লামিনে পানি এলোনি-ফেলোনি গুরিদো, আর সে পরেদি যে পৌইল্যা পানিত্ লামিদো তার্ যে কনঅ পিড়ে গম্ ওই যেদঅ। সেনত্তে বেক্‌ পিড়েল্ল্যেগুনে পানি লুরিবোদে আজায় সিধু পড়ি থেদাক্।

যোহন 5:6

ভালোক্ দিন ধুরিনে তে এবাবোত্যেগুরি পড়ি আঘে কোই পারিনে যীশু তারে পুযোর্ গুরিলো, “তর্ কি গম্ অবার্ আওজ্ আঘে?”

যোহন 9:1

পধেদি যেবার্ অক্তত্ যীশু এক্কো কানা মান্‌জ্যরে দেগিলো। তে জর্মত্তুন্ ধুরি কানা এলঅ।

যোহন 9:21

মাত্তর্ কেধোক্ক্যেন্ গুরি তে ইক্কিনে দেগের্ সিয়েন্ আমি কোই ন-পারিই; আর কন্না যে তা চোগ্‌কুন্ মেলি দিয়্যে সিয়েন্-অ কোই ন-পারিই। তার বয়চ্ ওইয়ে, তারেই পুযোর্ গরঅ। তে নিজো পৌইদ্যেনে নিজেই হোক্।”

প্রেরিত্‌ 14:8

লুস্ত্রা শঅরত্ এক্কো লেং মানুচ্‌ বৈই থেদঅ। তে জর্মত্তুন্ ধুরি লেং এলঅ আর কনদিন্অ ন-আঢে।

প্রেরিত্‌ 3:2

মানুচ্চুনে পত্তিদিন এক্কো মান্‌জ্যরে বুয়োই আনিনে উবোসনা-ঘরর দোল্ নাঙে দোরান কুরে থদাক্। তে জর্মত্তুন্ ধুরি লেং এলঅ। যিগুনে উবোসনা-ঘরত্ যেদাক্ তারা ইধু ভিক্ষ্যে মাগিবাত্যে তারে সিয়েনত্ থুয়ো অদঅ।

প্রেরিত্‌ 4:22

যে মানুচ্চো আমক্ অইদ্যে ধোক্ক্যেন গুরি গম্ ওইয়্যে তা বয়স্‌চান এলঅ চল্লিশ বজরত্তুন্অ বেশ্।

প্রেরিত্‌ 9:33

সেই আদামত্ ঐনিয় নাঙে এক্কো মানুচ্‌ এলঅ। তে বেশৎ রুগে আট্ট্য বজর্ ধুরিনে বিচ্চোনত্ পড়ি এলঅ।