যোহন 5:4 - Chakma Bible

⁴ এক্কো স্বর্গদূতে অক্‌ত অক্‌ত সে পোর্‌‌বোত্ লামিনে পানি এলোনি-ফেলোনি গুরিদো, আর সে পরেদি যে পৌইল্যা পানিত্ লামিদো তার্ যে কনঅ পিড়ে গম্ ওই যেদঅ। সেনত্তে বেক্‌ পিড়েল্ল্যেগুনে পানি লুরিবোদে আজায় সিধু পড়ি থেদাক্।

যোহন 5:4 Iomraidhean Croise

২ রাজাবলী 5:10

ইলীশায় এক্কো মানুচ্‌ দিইনে তারে কোই পাদেল, “তুই যেইনে সাতপল্লা যর্দন গাঙত্‌ গাত্‌তোই। সেক্কে তুই গম্‌ আর সিজি অবে।”

গীতসংহিতা 119:60

তুই যে উগুমানি দুয়োচ্ সিয়েনি মুই যাদিমাদি পালন গোজ্যং, দেরি ন-গরং।

গম্ উপদেজ্ 6:4

তঅ চোগ্‌কুনোরে ঘুম যেবাত্তে ন-দিচ্, চোগো পাদানিরে চোগ্ কাদিবাত্তে ন-দিচ্।

গম্ উপদেজ্ 8:17

যিগুনে মরে কোচ্‌পান মুইয়ো তারারে কোচ্‌পেম; যিগুনে মনদিইনে মরে তগান্ তারা মরে পান্।

উপদেশক 9:10

তঅ আঢত্ যে কনঅ কাম্ এদঅ সাৎ সিয়েনি তর্ বেক্ খেমতালোই গুরিবে, কিত্তে তুই যে জাগানত্ যর্ সে গোর জাগানত্ কনঅ কাম্, সল্লা গরানা, বুদ্ধি বা জ্ঞান বিলিনে কিচ্চু নেই।

যিহিষ্কেল 47:8

তে মরে কলঅ, “এ পানিগান পূগেদি বেঈ যার্ আর অরাবার ভিদিরেদি ধূল্যে-সাগরত্ যেইনে লুম্মেগোই। যেক্কে সিয়েন যেইনে সাগরত্ পোজ্যে সেক্কে সিদুগোর্ পানিগান মিদে ওই যায়।

হোশেয় 13:13

মিলেগুনোর্ পুয়ো-পুদোইদ্যে শূলোনী ধোক্ক্যেন্ তারে ধোজ্যে, মাত্তর্ তে দঅ বুদ্ধিনেইয়্যে গুরো; সময় এলে তে পেদ মুয়োত্ ন-এজে।

সখরিয় 13:1

মুই বেগত্তুন্ খেমতাবলা লগেপ্রভু কঙর্, সেদিন্যে দায়ূদো বংশর আর যিরূশালেম আদাম্মেগুনোর পাপ আর অসিজিগান ধোই ফেলেবাত্তে এক্কো পয়নালা খুলো অবঅ। সেদিন্যে দেজত্তুন্ মূত্তিগুন দূর গুরি দিয়্যে অবঅ আর তারার্ নাঙানিয়ো আর কারঅ মনত্ ন-থেবঅ। মুই দেজত্তুন্ তারার্ ভাববাদীগুনোরে দূর্ গুরি দিম আর ভান্ন্যেই আত্মাগুনোরেয়ো দূর্ গুরি দিম।

সখরিয় 14:8

সে অক্তত্ হরান্ন্যে আর ঝার্‌কালত্ যিরূশালেমত্তুন্ মিদে পানি নিগিলিনে অদ্দেক্কান পূগেদি সাগর ইন্দি আর অদ্দেক্কান্ পোজিমেদি সাগর ইন্দি বেঈ যেবঅ।

মথি লেখ্যে গম্ হবর্ 11:12

বাপ্তিষ্মদিয়্যে যোহন সময়ত্তুন্ ধুরি তা ফগদাং গোজ্জ্যে হবরান ইক্কিনে সং স্বর্গ-রেজ্যগান জদবদে জোরে উজেই এজের্, আর যিগুনে উগ্র তারা সিয়েন্ ধুরি আঘন্।

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

লূকে লেখ্যে গম্ হবর্ 13:24

চিগোন্ দুয়োরদি সুমিবাত্যে জদবদে চেষ্টা গরঅ। মুই তমারে কঙর্, ভালোক্‌জনে সুমিবাত্যে চেষ্টা গুরিবাক্ মাত্তর্ ন-পারিবাক্।

লূকে লেখ্যে গম্ হবর্ 16:16

মোশির আইন-কানুন্ আর ভাববাদীগুনোর্ লেখ্যে কধানি বাপ্তিষ্মদিয়্যে যোহন সং চুলিদো। সে পরেত্তুন্ ধুরি গোজেন রেজ্যর্ গম্ হবর্ ফগদাং গরা অর্ আর বেক্কুনে আয়োজি ওইনে জুরেসুরে সেই রেজ্যত্ সমদন্।

যোহন 5:3

সেই বেক্‌ জাগায়ানিত্ সয়-সাগোজ্যে পিড়েল্ল্যে পড়ি থেদাক্। কানা, লেং, এমন্‌ কি যিগুনোর কিয়্যেগানি এক্কুবারে শুগেই যেইয়্যে সেবাবোত্যে মানুচ্‌অ তারা ভিদিরে এলাক্।

যোহন 5:5

আটত্রিশ বজর্ ধুরিনে পীড়েত্ ভুগের্ সেবাবোত্যে এক্কো মানুচ্অ সিয়েনত্ এলঅ।

যোহন 5:7

পিড়েল্ল্যেবো জোব্ দিলো, “মর্ এমন্‌ কনজন নেই যে, পানিগান্ লুড়ি উদোনার্ লগে লগে মরে পোর্‌বোত্ লামেই দে। মুই যাদে ন-যাদে আর এক্কো মঅ আগেদি লামেগোই।”

১ করিন্হীয় 6:11

তমা ভিদিরে কেঅ কেঅ সেবাবোত্যে এলা, মাত্তর্ প্রভু যীশু খ্রীষ্টর্ মাধ্যমে আর আমা গোজেন আত্মার্ মাধ্যমে তমারে ধোইনে সাব্ গরা ওইয়্যে, গোজেন নাঙে যুদো গরা ওইয়্যে আর নিদ্দুজি বিলিনে মানি লুয়ো ওইয়্যে।

১ যোহন 1:7

মাত্তর্ গোজেনে যেধোক্ক্যেন পহ্‌রত আঘে আমিয়ো যুনি সেধোক্ক্যেন পহ্‌রত চলিই সালে আমা ভিদিরে উদোন্-বজন্ থায় আর তা পুয়োবো যীশুর লো-গান্দোই বেক্ পাপ্পানিত্তুন্ আমারে সিজি গরে।