যোহন 4:6 - Chakma Bible

⁶ সে জাগানত্ যাকোবর্ কূয়ো এলঅ। পধত্ আঢ্‌তে আঢ্‌তে অরান্ ওইনে যীশু সে কূয়োবো কুরে বুজিলো। সেক্কে বেলান্ প্রায় দিবুজ্যে।

যোহন 4:6 Iomraidhean Croise

মথি লেখ্যে গম্ হবর্ 27:45

সেদিন্ন্যে দিবুজ্যে বারটাত্তুন্ ধুরি বেল্যেমাদান্ তিন ঘন্টা সং গোদা দেজ্‌চান আন্ধারে ঢাক্যে এলঅ।

মথি লেখ্যে গম্ হবর্ 4:2

সিধু তে চল্লিশ দিন আর চল্লিশ রেত্ উবোস্ থানার পরেদি যীশুর পেট্ পুরের্।

মথি লেখ্যে গম্ হবর্ 8:24

আদিক্ক্যেগুরি সাগরত্ অমকদ ঝড়্ উদিলো, আর সেক্কে নৌকো উগুরে তুবোলে এলোনি-পেলোনি গরা ধুরিলো। মাত্তর্ যীশু সেক্কেনে ঘুম্ যার্।

লূকে লেখ্যে গম্ হবর্ 2:7

সিধু তার্ পত্তম পুয়োবোর্ জর্ম অলঅ, আর তে পুয়োবোরে কাবড়ত্ বেড়েইনে য়েমানর্ হের খাজাবোত্ থলঅ, কিয়া হোটেলত্ তারাত্তে কনঅ জাগা ন-এলঅ।

লূকে লেখ্যে গম্ হবর্ 9:58

যীশু তারে কলঅ, “শিয়েলর্ গাঢ্ আঘে আর পেগোর্ পেগোবা আঘে, মাত্তর্ মান্‌জ্য পুয়োবোর্ মাঢা থবার্ জাগা কনমিক্ক্যে নেই।”

যোহন 11:9

যীশু জোব্ দিলো, “দিনোত্ কি বার ঘন্টা নেই? কেঅ যুনি দিনোত্ ঘুরোঘুরি গরন্ তে উজোত্ ন-খায়, কিয়া তে এ পিত্‌থিমীর্ পহ্‌রান্ দেগে।

যোহন 4:12

তুই আমা পূরোণিমানুচ্ যাকোবত্তুন্ দঅ দাঙর্ নয়। এ কুয়োবো তে আমারে দিয়্যে। তে নিজে আর তা পুয়োগুনে এ কুয়োবোত্তুন্ পানি হেদাক্ আর তার্ য়েমানুনেয়ো হেদাক্।”

যোহন 4:5

তে শুখর নাঙে শমরিয়ার্ এক্কান্ আদামত্ লুমিলো। যাকোবে তা পুয়ো যোষেফরে যে ভূইয়ান দান গোজ্যে এ আদামান্ এলঅ সিয়েন কায়-কুরে।

যোহন 4:7

যীশুর্ শিচ্চ্যগুনে হানা কিনিবাত্যে আদামত্ যেয়োন্; এমন্ সময়োত্ শমরিয়ার্ এক্কো মিলে পানি তুলিবাত্যে এলঅ। যীশু তারে কলঅ, “মরে এক্কেনা পানি হেবাত্তে দে।”

২ করিন্হীয় 8:9

তুমি দঅ আমার্ প্রভু যীশু খ্রীষ্টর্ দোয়্যের্ কধানি কোই পারঅ, তে নিজে থাগোইয়্যে ওইনেয়ো তমাত্যে নাঢা অলঅ, যেন তার্ নাঢা অনার্ মাধ্যমে তুমি থাগোইয়্যে ওই পারঅ।

ইব্রীয় 2:17

সেনত্যে যীশুত্তুন্ বেক্কানিন্দি তা ভেইয়ুনো ধোক্ক্যেন উয়ো পল্ল, যেনে তে এক্কো দোয়্যেলু আর বিশ্বেজি দাঙর্ ধর্মগুরু ইজেবে গোজেনর্ সেবা গুরি পারে। ইয়েনর উদ্দেচ্চ্যগান অলঅ, তে যেন নিজোর্ মরণানরে দিইনে মান্‌জ্যর পাপ্পানি দূর্ গুরিনে গোজেনরে হুজি গরে।

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।