যোহন 4:5 - Chakma Bible

⁵ তে শুখর নাঙে শমরিয়ার্ এক্কান্ আদামত্ লুমিলো। যাকোবে তা পুয়ো যোষেফরে যে ভূইয়ান দান গোজ্যে এ আদামান্ এলঅ সিয়েন কায়-কুরে।

যোহন 4:5 Iomraidhean Croise

পত্থম 48:22

তমা ভেইয়ুনোত্তুন্‌ বেশ্‌ সোম্বোত্তি মুই তরে দিলুং। যে জাগাগান্‌ মুই তলোয়ার আর ধনুলোই যুদ্ধো গুরিনে ইমোরীয়গুনো আঢত্তুন্‌ পেইয়োং সে জাগাগান্‌ মুই তরে দিলুং।”

১ রাজাবলী 13:32

কিত্তেই বৈথেলর ডালিপূজোবো আর শমরিয়ার বেক্‌ আদামর্‌ পূজোর্‌ অজল্‌ জাগায়ানি মন্দিরোর্‌ বিরুদ্ধে লগেপ্রভুর্‌ কধামজিম্‌ তে যে পৌইদ্যেনে ফগদাঙ্‌ গোজ্যে সিয়েন্‌ হামাক্কাই ফলিবো।”

লূকে লেখ্যে গম্ হবর্ 9:52

তে আগে ধুরি সিধু মানুচ্চুনোরে পাধেই দিলো। তারা যীশুত্তে বেক্ বেবস্থাগানি গুরিবাত্তে শমরিয়গুনোর এক্কান্ আদামত্ সোমেলাক্,

যোহন 4:12

তুই আমা পূরোণিমানুচ্ যাকোবত্তুন্ দঅ দাঙর্ নয়। এ কুয়োবো তে আমারে দিয়্যে। তে নিজে আর তা পুয়োগুনে এ কুয়োবোত্তুন্ পানি হেদাক্ আর তার্ য়েমানুনেয়ো হেদাক্।”

যোহন 4:39

যে মিলেবো ইয়েন্ কোইনে সাক্ষ্য দেত্তে, তে যিয়েনি গোজ্যে বেক্কানি তে তারে কোই দিয়্যে, তা কধা শুনিনে সে আদামর্ ভালোক্কুন্ শমরীয় যীশু উগুরে বিশ্বেজ্ গুরিলাক্।

যোহন 4:6

সে জাগানত্ যাকোবর্ কূয়ো এলঅ। পধত্ আঢ্‌তে আঢ্‌তে অরান্ ওইনে যীশু সে কূয়োবো কুরে বুজিলো। সেক্কে বেলান্ প্রায় দিবুজ্যে।

যিহোশূয় 24:32

যোষেফর আড়ুন, যিগুন ইস্রায়েলীয়গুনে মিসর দেজত্তুন্‌ লোই এচ্ছো্‌ন্‌, সিগুন্‌ তারা শিখিমোত্‌ গোর্ দিইনে রাগেয়োন্‌। যাকোবে এ জাগায়ান শিখিমর বাপ হমোরর পূঅগুনোত্তুন্‌ একশঅ্‌ কসীতা দিইনে কিনি লোইয়্যে। এ জাগায়ান যোষেফর বংশধরুনোর সোম্বোত্তি ভিদিরে পোজ্যে।