যোহন 4:12 - Chakma Bible

¹² তুই আমা পূরোণিমানুচ্ যাকোবত্তুন্ দঅ দাঙর্ নয়। এ কুয়োবো তে আমারে দিয়্যে। তে নিজে আর তা পুয়োগুনে এ কুয়োবোত্তুন্ পানি হেদাক্ আর তার্ য়েমানুনেয়ো হেদাক্।”

যোহন 4:12 Iomraidhean Croise

মথি লেখ্যে গম্ হবর্ 12:42

বিচের দিনোত্ দোগিণ দেজর্ রাণী উদিনে এ কালর্ মানুচ্চুনোরে দুষ্ দেগেই দিবো, কিয়া শলোমন রাজার জ্ঞানর্ কধাবাত্তা শুনিবাত্তে তে পিত্‌থিমীর শেজ দুযিত্তুন্ এচ্চ্যে। আর চঅ, ইয়েনত্ শলোমনত্তুন্অ বেশ্ আরঅ দাঙর্ এক্কো আঘে।

যোহন 4:13

সেক্কে যীশু কলঅ, “যে কেঅ এ পানিগান্ খায় তার আরঅ তিরেচ্‌ পেবঅ।

যোহন 4:20

আমা পূরোণি মানুচ্চুনে এ মুড়োবোত্ উবোসনা গুরিদাক্, মাত্তর্ তুমি কোই থাগ যিরূশালেমত্ মানুচ্চুনোর্ উবোসনা গরানা উজিত্।”

যোহন 4:5

তে শুখর নাঙে শমরিয়ার্ এক্কান্ আদামত্ লুমিলো। যাকোবে তা পুয়ো যোষেফরে যে ভূইয়ান দান গোজ্যে এ আদামান্ এলঅ সিয়েন কায়-কুরে।

যোহন 4:6

সে জাগানত্ যাকোবর্ কূয়ো এলঅ। পধত্ আঢ্‌তে আঢ্‌তে অরান্ ওইনে যীশু সে কূয়োবো কুরে বুজিলো। সেক্কে বেলান্ প্রায় দিবুজ্যে।

যোহন 8:53

তে দঅ মুরি যেইয়্যে আর ভাববাদীগুনেয়ো মুরি যেইয়োন্। তুই নিজোরে কি মনে গরচ্?”

ইব্রীয় 3:3

যে মানুচ্চো ঘর্ বানায় তে যেধোক্ক্যেন সেই ঘরানিত্তুন বেশ্ সর্মান পায়, সেই মজিম গোজেনে যীশুরে মোশিত্তুন্ বেশ্ আরঅ বাঈনী পেবার অধিকারী বিলিনে মনে গুরিলো।