যোহন 3:8 - Chakma Bible

⁸ বৈয়্যের্ যিন্দি মনে কয় সিন্দি বায়্ আর তুই তা রবুয়ো শুনোচ্, মাত্তর্ কুত্তুন্ এজে আর কুধু বা যায় সিয়েন তুই হবর্ ন-পাজ্। পবিত্র আত্মাত্তুন্ যিগুনোর্ জর্ম ওইয়্যে সিগুনোর্‌অ ঠিগ্ সেবাবোত্যে অয়।”

যোহন 3:8 Iomraidhean Croise

গীতসংহিতা 107:25

একপল্লা তা কধালোই অমকদ ঝড় অলঅ, সেক্কে দাঙর্ দাঙর্ তুবোল্ উদিলো।

গীতসংহিতা 107:29

তে ঝড় থামেই দিলো, সেক্কে দোজ্যে সাগর তুবোলানি থামেল।

গীতসংহিতা 135:7

তেয়ই পিত্‌থিমীর থুম ধুজিত্তুন্ মেঘকানিরে তুলি আনে; তেয়ই ঝড় দিবাত্তে ঝিমিলেনিগানরে পাধেই দে, আর তার ভান্ডালত্তুন্ বোইয়্যেরানরে নিগিলেই আনে।

উপদেশক 1:6

বোইয়্যেরান্ দোগিনেদি বায়, সে পরেদি উত্তোরেদি ঘুরি যায়; এবাবোত্যেগুরি ঘুরে আর নিজো পধেদি ফিরি এজে।

যিহিষ্কেল 37:9

সেক্কে তে মরে কলঅ, “তুই বোইয়্যের নাঙে আগাম্ কধা কঅ; ও মান্‌‌‌‌‌জ্যর পুয়োবো, তুই এ আগাম্ কধানি কঅ, প্রভু লগেপ্রভু কোইয়্যেদে, ‘ও বোইয়্যেরান, তুই চেরোকিত্তেত্তুন্ আয় আর এই বেক্ মোজ্যন্দে মানুচ্চুনো ভিদিরে নিজেস্ দে যেনে তারা জেদা অন্।’”

যোহন 1:13

এ মানুচ্চুনোর্ জর্ম লোত্তুন্ ন-অয়, কিয়্যের্ কামনা বা মরদ বাসনাত্তুন্অ ন-অয়, মাত্তর্ গোজেনত্তুনই ওইয়্যে।

যোহন 3:7

মুই যে তরে কলুং, তমাত্তুন্ নুয়ো গুরিনে জর্ম অনা দরকার্, ইয়েন্দোই আমক্ ন-অবা।

যোহন 3:9

নীকদীম যীশুরে পুযোর্ গুরিলো, “ইয়েন্ কেধোক্ক্যেন্ গুরি ওই পারে?”

প্রেরিত্‌ 2:2

সেক্কে আদিক্ক্যেগুরি আগাজত্তুন্ জোড়ে বৈয়্যের আবাজ ধোক্ক্যেন্ এক্কো অাবাজ্ এলঅ আর যে ঘরানত্ তারা এলাক্ সেই আবাজ্‌সোলোই সে ঘরান্ পুরেল।

প্রেরিত্‌ 4:31

যে জাগানত্ তারা এগত্তর্ ওইয়োন, তবনা গরানার্ পরেদি সে জাগায়ান গির্‌গিরে উদিলো। আর তারা বেক্কুনে পবিত্র আত্মালোই পুরেইনে সাহচ্‌ গুরিনে গোজেনর কধা কুয়ো ধুরিলাক্।

১ করিন্হীয় 12:11

এ বেক্‌ কামানি সেই একই পবিত্র আত্মাগানে গুরি থায়। তে যেবাবোত্যেগুরি আওজ্ গরে সেবাবোত্যেগুরি এই বেক্ দানানি পত্তিজনরে যুদো যুদো গুরি দে।

১ করিন্হীয় 2:11

মান্‌জ্য ভিদিরে এমন্‌ কন্না আঘে, যে অন্য মান্‌জ্যর্ মন কধা কোই পারে? মান্‌জ্য ভিদিরে যে আত্মাগান্ আঘে তেয়ই বানা তার্ নিজোর্ মনর্ কধা কোই পারে। সে বাবোত্যে, গোজেনর্ আত্মা বাদে গোজেনর্ মন কধা অন্য কনজনে কোই ন-পারন।

১ যোহন 2:29

তুমি যুনি কোই পারঅ, তে কনদিন্অ অন্যেয় ন-গরে মাত্তর্ ইয়েন হবর্ পেইয়ো-যিগুনে ন্যায় কামত্ নিজোরে কামত্ লাগান, গোজেনত্তুন্ তারার্ জর্ম ওইয়্যে।