যোহন 3:3 - Chakma Bible

³ যীশু নীকদীমরে কলঅ, “মুই তমারে ঘেচ্চেক্‌গুরি কঙর্, নুয়ো গুরিনে জর্ম ন-অলে কেঅ গোজেন রেজ্যগান চেই ন-পায়।”

যোহন 3:3 Iomraidhean Croise

যিরমিয় 5:21

ও ভুল্ আর বুদ্ধিনেইয়্যে মানুচ্চুন, তুমি যিগুনে চোগ্ থাগদেয়ো ন-দেগর্, কান থাগদেয়ো ন-শুনোর্, তুমি শুনো।

যিহিষ্কেল 36:26

মুই তমা ভিদিরে নুয়ো রিবেং আর নুয়ো মন দিম; মুই তমার্ দরমর রিবেঙান্ দূর্ গুরিনে নরম রিবেং দিম।

মথি লেখ্যে গম্ হবর্ 16:17

জোবত্ যীশু তারে কলঅ, “শিমোন বাপ-যোনা, তুই বর্‌পেইয়্যে, কিয়া কনঅ মানুচ্ তইধু ইয়েন্ ফগদাং ন-গরে; মঅ স্বর্গর্ বাপ্পো ফগদাং গোজ্যে।

মথি লেখ্যে গম্ হবর্ 19:24

মুই আরঅ কঙর্, থাগোইয়্যে মান্‌জ্যর্ পক্ষে গোজেন রেজ্যত্ সমানাত্তুন্ বরং সূচো কানাবোদি উটোর্ যানা উৎচ্য।”

মথি লেখ্যে গম্ হবর্ 21:31

এই দ্বিজন ভিদিরে কন্না বাব আওজ্‌চান পালন গল্ল?” সেক্কে ধর্ম-নেতাগুনে জোব্ দিলাক্, “পত্তম্ মানুচ্চো।” যীশু তারারে কলঅ, মুই তমারে ঘেচ্চেকগুরি কঙর্, খাজানা-দিয়্যেগুনে আর বেশ্যেগুনে তমা আগেদি গোজেন রেজ্যত্ সমদন্,

মথি লেখ্যে গম্ হবর্ 5:18

মুই তমারে ঘেচ্চেক্‌‌গুরি কঙর্, আগাজ্ আর পিত্‌থিমীগান্ শেজ্ ন-অনা সং, যেদক্ বিলোন্ সং রীদি-সুদোমর্ বেক্ কধানি ন-ফলে সেদক্ বিলোন সং সেই রীদি-সুদোমর্ এক ফুদো কি এক্কেনায়ো বাদ্ ন-যেবঅ।

মার্ক 10:14

যীশু সিয়েন দেগিনে রাগ্ ওইনে শিচ্চ্যগুনোরে কলঅ, “চিগোন্ গুরোগুনোরে মইধু এবাত্তে দুয়ো, মানা ন-গোজ্য; কিয়া গোজেন রেজ্যগান্ ইগুনো ধোক্ক্যেন্ মানুচ্চুনোত্যে।

মার্ক 9:47

তঅ চোগ্‌‌কো যুনি তরে পাপ পধেদি টানে সালে সিবে নিগিলেইনে ফেলা। দ্বিবে চোগ্‌‌‍কোই নরগত্ পড়ানাত্তুন্ বরং কানা ওইনে গোজেন রেজ্যত্ সমানা তঅ পক্ষে গম্।

যোহন 1:13

এ মানুচ্চুনোর্ জর্ম লোত্তুন্ ন-অয়, কিয়্যের্ কামনা বা মরদ বাসনাত্তুন্অ ন-অয়, মাত্তর্ গোজেনত্তুনই ওইয়্যে।

যোহন 1:5

সে পহরান্ আন্ধারত্ জ্বলের্ মাত্তর্ আন্ধার্ পহ্‌‌রানরে জিদি ন-পারে।

যোহন 1:51

পরেদি যীশু কলঅ, “মুই তমারে ঘেচ্চ্যেক্‌গুরি কঙর্, তুমি স্বর্গগান্ খুলো দেগিবা, আর দেগিবা গোজেনর্ দূত্তুনে মান্‌জ্য পুয়োবোর্ কায় কুরেত্তুন্ উদোদন্ আর তা কায়কুরে লামদন্।”

যোহন 12:40

“গোজেনে তারা চোগ্‌কুন্ নাঢি দিয়্যে আর মনানি বাজে গুরি দিয়্যে, যাতে তারা চোগেদি ন-দেগন্ আর মনানদি ন-বুঝোন্, আর গম্ অবাত্তে তাইধু ফিরি ন-এজন্।”

যোহন 3:4

সেক্কে নীকদীম তারে কলঅ, “মানুচ্‌ বুড়ো ওই গেলে কিবাবোত্যে গুরি তার্ আরঅ জর্ম ওই পারে? দ্বিবার্ মা পেদত্ ফিরি যেইনে তে কি আরঅ জর্ম লোই পারে?”

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।

২ করিন্হীয় 5:17

যুনি কেঅ খ্রীষ্ট সমারে মিজেই থায় সালে তে নুয়ো গুরিনে সৃট্টি অলঅ। তার্ পুরোণি বেক্কানি ভুলি যেইনে বেক্কানি নুয়ো ওই উত্ত্যে।

গালাতীয় 6:15

চুনু মাঢা কাবানা বা ন-কাবানার্ কনঅ দাম নেই, খ্রীষ্টর্ মাধ্যমে নুয়ো সৃট্টি ওইনে উদোনা অলঅ দাঙর্ কধা।

ইফিষীয় 2:1

অবাধ্যত্যে আর পাপত্যে তুমি মরা এলা।

দ্বি’লম্বর বিররণ 29:4

মাত্তর্‌ তুমি লগেপ্রভুত্তুন্‌ এচ্চ্যে সং সিয়েনি বুঝিবার মনান্‌, দেগিবার চোক্কুন আর শুনিবার কানানি ন-পঅ।

তীত 3:5

কনঅ গম কামত্যে তে আমারে উদ্ধোর্ ন-গরে; তার্ দোয়্যের্ কারনে সিয়েন গোজ্জ্যে। পবিত্র আত্মালোই নুয়ো জর্ম দান গুরিনে আর নুয়ো গুরি বানেইনে তে আমা মনানি ধোইনে সাব্ গুরিলো, আর এবাবোত্যে গুরি তে আমারে উদ্ধোর্ গুরিলো।

যাকোব 3:17

মাত্তর্ যে জ্ঞানান্ স্বর্গত্তুন্ এজে সিয়েন পত্তমে খাটি, সে পরেদি শান্তিলোই ভরা; সিয়েনত্ থায় সোজ্জ্যগুণ্ আর নম্রতা; সিয়েন দোয়্যে আর গম কামত্ ভরা, থির্ আর ভন্ডামী-নেইয়্যে।

১ পিতর 1:3

আমা প্রভু যীশু খ্রীষ্টর্ গোজেন আর বাবার্ বাঈনী গরা ওক্‌। যীশু খ্রীষ্টরে মরণত্তুন্ জেদা গুরি তুলিনে গোজেনে তার্ দোয়্যেলোই আমারে নুয়ো জর্ম দান গোজ্জ্যে। সিয়েনর্ কারনে আমি এক্কান জদবদে আশ্বাস পেইয়্যেই,

১ যোহন 2:29

তুমি যুনি কোই পারঅ, তে কনদিন্অ অন্যেয় ন-গরে মাত্তর্ ইয়েন হবর্ পেইয়ো-যিগুনে ন্যায় কামত্ নিজোরে কামত্ লাগান, গোজেনত্তুন্ তারার্ জর্ম ওইয়্যে।

১ যোহন 3:9

গোজেনত্তুন্ যিবের্ জর্ম ওইয়্যে তে পাপত্ পড়ি ন-থায়, কিয়া গোজেনর্ খাচ্চ্যত্ তা ভিদিরে থায়। গোজেনত্তুন্ জর্ম ওইয়্যে বিলিনে তে পাপত্ পড়ি থেই ন-পারে।

১ যোহন 5:1

যিগুনে বিশ্বেজ্ গরন যীশুই সেই মশীহ, গোজেনত্তুন্ তারার্ জর্ম ওইয়্যে। যিগুনে বাবরে কোচ্‌পান সিগুনে তার্ পুয়ো-ছাগুনোরেয়ো কোচ্‌পান।

১ যোহন 5:18

আমি কোই পারিই, গোজেনত্তুন্ যিবের জর্ম ওইয়্যে তে পাপত্ পড়ি ন-থায়। যিবে গোজেনত্তুন্ জোর্মেয়্যে তেয়ই তারে রোক্ষ্যে গরে, আর শদানে তারে ধুরি ন-পারে।

১ যোহন 5:4

গোজেনর্ পত্তি পুয়ো-ছাগুনে জগদ উগুরে জিদিই থান্। জগদ উগুরে যিয়েন জিত্যে সিয়েন অলঅ আমার বিশ্বেজ্।

ফগদাং পেইয়্যে 3:14

লায়দিকেয়া শঅরর্ মন্ডলী দূত্‌তো ইধু এ কধাগান লেগ- যিবে আমেন, যে বিশ্বেজি আর সত্য সাক্ষী, যিবে গোজেনর্ সৃট্টির গড়াগান, তে এ কধাগান কর্: মুই তর্ কামর কধানি কোই পারং।